ខេត្តកំពង់ធំ ៖ ឧបទ្ទវហេតុមួយកើតឡើង កាលពីវេលាម៉ោង០៧នាទីព្រឹកថ្ងៃទី២៥ កុម្ភៈ នេះ ស្ថិតតាមបណ្តោយផ្លូវជាតិលេខ៦ ក្នុងភូមិប្រដិត ឃុំសំព្រោច ស្រុកស្ទោង ខេត្តកំពង់ធំ ដោយរថយន្តឡិចស៊ីស មួយគ្រឿងបានគេចម៉ូតូជិះឆ្លងថ្នល់ ធ្វើឱ្យរេចង្កូតហោះកាត់ប្រឡាយទឹក ទៅធ្លាក់ប្រឡាយម្ខាង ទៀតយ៉ាងរន្ធត់ បណ្តាលមនុស្សដែលជិះក្នុងរថយន្ត ៤នាក់បានរងរបួសធ្ងន់ទាំងអស់ ។
ប្រភពឱ្យដឹងថា រថយន្តឡិចស៊ីសខាងលើ ពណ៌.ស ពាក់ស្លាកលេខភ្នំពេញ2AM-9608 បើកបរក្នុងល្បឿនយ៉ាងលឿន ដោយមានដឹកភ្ញៀវជនជាតិចិន មកពីភ្នំពេញ ក្នុងទៅទិសដៅខាងខេត្តសៀមរាប ។
លុះមកដល់ចំណុច កើតហេតុខាងលើ ស្រាប់តែលេចម៉ូតូមួយគ្រឿងជិះឆ្លងថ្នល់ ដែលជាហេតុនាំឱ្យអ្នកបើករថយន្ត គេចធ្លាក់ថ្នល់ ទៅខាងឆ្វេងដៃរបស់ខ្លួន ហើយរថយន្តមានល្បឿនលឿនផង បានហោះឆ្លងកាត់ប្រឡាយទឹក ដែលមានទឹកជម្រៅប្រហែល៥ម៉ែត្រ ទៅធ្លាក់នៅម្ខាងប្រឡាយទៀត ។
អ្នកជិះនៅក្នុងរថយន្ត រងរបួសធ្ងន់ទាំង៤នាក់ ក្នុងនោះខ្មែរម្នាក់ជាអ្នកបើកឈ្មោះម៉ុក អង្គារស្មី អាយុ៣២ឆ្នាំ រស់នៅភូមិបុរីកម្មករ សង្កាត់ជើងឯក ខណ្ឌដង្កោ រាជធានីភ្នំពេញ (បាក់ជើង) និងជនជាតិចិន៣នាក់ទៀត រងរបួសធ្ងន់ដូនគ្នា និងមានម្នាក់បាក់ជើង ។
ប្រភព៖ កោះសន្តិភាព
ដោយឡែក ព័ត៌មានចាប់អារម្មណ៍មួយផ្សេងទៀត៖
បង្ក្រាបបានអ្នកកត់ឆ្នោតតូចតាច២នាក់ ចំណែកឯមេឆ្នោតធំៗដំណើរការដោយរលូន
រាជធានីភ្នំពេញ ៖ ទីតាំងកត់ឆ្នោតតូចតាច ចំនួន២កន្លែងត្រូវបាន សណ្តាប់ធ្នាប់សាលាខណ្ឌសែនសុខ ចុះបង្ក្រាបដោយឃាត់ ខ្លួនស្រី០២នាក់ កាលពីវេលាម៉ោង៤និង៣០នាទីល្ងាចថ្ងៃទី២៣ ខែកុម្ភៈ ឆ្នាំ២០១៦៧ នៅចំណុចក្នុងផ្សារជិនណាន ស្ថិតនៅភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ ។
ទោះបីជាយ៉ាងណា ការចុះបង្ក្រាបអ្នកទីតាំង កត់ឆ្នោតនេះទទួលការរិះគន់ ព្រោះថាបង្ក្រាបឃាត់ខ្លួនបានតែ កូនកញ្ច្រែងតូចតាចជាអ្នក ស៊ីឈ្មួលកត់អោយគេ ចំណែកឯមេឆ្នោត និងអ្នកកត់ធំៗ នៅផ្សាររីករាយ ផ្សារឈូកមាស នៅផ្សារទឹកថ្លា និងផ្សារដីហុយជាដើម កំពុងតែដំណើរការដោយរលូន ពុំត្រូវបានអាជ្ញាធរចុះបង្ក្រាបឡើយ ។ មេឆ្នោតដែលល្បីឈ្មោះនោះ ត្រូវបានគេបង្ហើយអោយដឹងថា ឈ្មោះលីន ។
អ្នកកត់ឆ្នោតដែលឃាត់ខ្លួន ១.ឈ្មោះប៊ូ ចំណាន អាយុ៣៧ឆ្នាំ ស្នាក់នៅផ្ទះជួល ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ ដោយដកហូតបាន មានក្រដាសសំរាប់កត់កន្ទុយលេខមួយចំនួន, តុចំនួន០១, កៅអីចំនួន០១, ម៉ាស៊ីនគិតលេខចំនួន០១, ប៊ិចចំនួន០២ដើម និងប្រាក់ចំនួន១៤៥,០០០រៀល ។
ចំណែកទី២ ឈ្មោះប៊ុន ស្រីល័ក្ខ អាយុ១៨ឆ្នាំ ស្នាក់នៅផ្ទះជួល ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ ដកហូតសម្ភារមួយចំនួន និងប្រាក់ចំនួន១៦0,000រៀល ។
តាមមន្ត្រីសណ្តាប់ធ្នាប់បានឲ្យដឹងថា បន្ទាប់ពីមានប្រជាពលរដ្ឋពីប្តឹងពីល្បែងស៊ីសងកត់ឆ្នោតទើបអាជ្ញាធរចុះបង្ក្រាបតែម្តង ។
តាមចម្លើយសារភាពអ្នកទាំង ០២នាក់បានអោយដឹងថា ខ្លួនគ្រាន់ជាអ្នកស៊ីឈ្មួលកត់អោយគេគ្រាន់បានក្បាលកាកខ្លះ គ្រាន់ទិញម្ហូបតែប៉ុណ្ណោះ ។
អ្នកកត់ឆ្នោតទាំង២នាក់ ត្រូវបានគណៈបញ្ចាការ ឯកភាពខណ្ឌសែនសុខ ប្រគល់អោយកងរាជអាវុធហត្ថខណ្ឌសែនសុខ ចាត់ការតាមច្បាប់ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
