(ភ្នំពេញ)៖ កញ្ញា Saho Kamiya គឺជានិស្សិតជប៉ុនមួយរូប ដែលបានចុះមកបំពេញការងារស្ម័គ្រចិត្តរយៈពេល ៥ខែនៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC)។ កញ្ញា Saho Kamiya បានបញ្ចប់ការងារស្ម័គ្រចិត្តរបស់ខ្លួននៅក្នុងខែកុម្ភៈ នេះហើយ ហើយនឹងត្រូវត្រឡប់ទៅប្រទេសកំណើតរបស់ខ្លួនវិញផងដែរ។
នៅថ្ងៃបើកមហោស្រពគីហ្សូណាជប៉ុន-កម្ពុជាឆ្នាំ២០១៧ កាលពីថ្ងៃទី២៣ ខែកុម្ភៈ និស្សិតជប៉ុនរូបនេះ ត្រូវបានតម្រូវឲ្យស្លៀកសម្លៀកបំពាក់ប្រពៃណីខ្មែរ ខណៈនិស្សិតខ្មែរមួយចំនួនតម្រូវឲ្យស្លៀកសម្លៀកបំពាក់ប្រពៃណីជប៉ុន។ ការផ្លាស់ប្តូរសម្លៀកបំពាក់ប្រពៃណីរបស់ជប៉ុន និងកម្ពុជា រវាងនិស្សិតកម្ពុជា-ជប៉ុននេះ គឺមានគោលបំណងឲ្យនិស្សិតកម្ពុជា ជប៉ុន មានអារម្មណ៍ជ្រូតជ្រៀបពីប្រពៃណី និងស្និទ្ធស្នាលរវាងគ្នា។
កញ្ញា Saho បានបង្ហាញអារម្មណ៍ពេញចិត្តពេញថ្លើម និងស្រឡាញ់ផងដែរ ជាមួយឈុតសម្លៀកបំពាក់ប្រពៃណីរបស់ខ្មែរ។ Saho មិនត្រឹមតែស្រឡាញ់ពេញចិត្តលើសម្លៀកបំពាក់ប្រពៃណីខ្មែរប៉ុណ្ណោះទេ តែក្នុងរយៈពេលបំពេញការងារ ស្ម័គ្រចិត្តនៅស្រុកខ្មែររយៈពេល ៥ខែនេះ កញ្ញាអាចនិយាយភាសាខ្មែរបានយ៉ាងច្រើនថែមទៀតផង៕
ប្រភព៖ Fresh News
ព័ត៌មានចាប់អារម្មណ៍ផ្សេងទៀត៖
ភ្នំពេញ៖ លោក វង្ស ប៊ុនវិសុទ្ធ ព្រះរាជអាជ្ញារងអមសាលាដំបូងរាជធានីភ្នំពេញ នៅរសៀលថ្ងៃទី២៤ ខែកុម្ភៈ ឆ្នាំ២០១៧ បានចោទប្រកាន់បុរសម្នាក់ដែលបើកថយន្តកៀរម៉ូតូបណ្តាលឲ្យលោក ស្រូយ នីកា អ្នកកាសែតរស្មីកម្ពុជា និងទូរទស្សន៍ CNC ស្លាប់យ៉ាងអាណោចអាធ័ម។
នៅពេលនេះជនត្រូវចោទ និងសំណុំរឿង ត្រូវបានបញ្ជូនទៅចៅក្រមស៊ើបសួរចាត់ការបន្តតាមនីតិវិធី។
មន្ត្រីតុលាការ បញ្ជាក់ថា «លោក វង្ស ប៊ុនវិសុទ្ធ សម្រេចចោទប្រកាន់បុរសឈ្មោះ សួន វណ្ណា អាយុ៣១ឆ្នាំ ពីបទ «បើកបរធ្វេសប្រហែសបណ្តាលឲ្យស្លាប់អ្នកដទៃ តាមមាត្រា៨៥ច្បាប់ ស្តីពីចរាចរណ៍ផ្លូវគោក»។
សូមបញ្ជាក់ថា លោក ស្រូយ នីកា វ័យជាង៣០ឆ្នាំ បានជួបគ្រោះថ្នាក់ចរាចរណ៍រហូតបាត់បង់ជីវិត គួរឲ្យសោកស្តាយជាទីបំផុត នៅយប់ថ្ងៃទី២១ ខែកុម្ភៈ ឆ្នាំ២០១៧នេះ ស្ថិតនៅតាមបណ្តោយផ្លូវព្រះស៊ីសុវត្ថិ សង្កាត់ផ្សារកណ្តាលទី១ ខណ្ឌដូនពេញ ដោយរថយន្តបាញ់ស៊ីម៉ង់ត៍កិនបែកក្បាល។
លោក ស្រូយ នីកា ដែលបានចូលប្រឡូកលើវិស័យព័ត៌មានយូរឆ្នាំរូបនេះ បានជិះម៉ូតូចេញពីហូបការនៅកោះពេជ្រ បំណងទៅផ្ទះនៅតាមផ្លូវវេងស្រេង ស្រាប់តែពេលមកដល់ ចំណុចកើតហេតុ ក៏ជួបគ្រោះថ្នាក់ចរាចរណ៍តែម្តង ដោយបុកជាមួយរថយន្តបាញ់ស៊ីម៉ង់ត៍ រហូតកិនបែកក្បាលគួរឲ្យ អាណិតយ៉ាងខ្លាំង។
បន្ទាប់ពីទទួលបានព័ត៌មានពីគ្រោះថ្នាក់ចរាចរណ៍ ដ៏មិននឹកស្មានដល់ និងដ៏រន្ធត់នេះ ក្រុមអ្នកកាសែតរួមអាជីព បានចូលរួម រំលែកទុក្ខយ៉ាងក្រៀមក្រំ និងសូមបួងសួងវិញ្ញាណក្ខន្ធលោក ស្រូយ នីកា ទៅកាន់សុគតិភព៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
