ខេត្តពោធិ៍សាត់ ៖ នារីក្រមុំវ័យក្មេងស្រស់ស្អាតម្នាក់បានអុំទូកទៅបត់ជើងធំនៅក្នុងព្រៃរនាមក្រោយផ្ទះចម្ងាយប្រហែល១០០ម៉ែត្រ ស្រាប់តែត្រូវបុរសពោះម៉ាយកូន០៤ ចាប់រំលោភលើកាណូត រហូតបានសម្រេច ។ ករណីរំលោភសេពសន្ថវៈនេះបានកើតឡើងលើផ្ទៃទឹកបឹងទន្លេសាប តាំងពីថ្ងៃទី២០ ខែកុម្ភៈ ឆ្នាំ២០១៧ វេលាម៉ោង២០និង៣០នាទីយប់មកម្ល៉េះ នៅភូមិកំពង់ប្រាក់ ឃុំស្នារអន្សា ស្រុកក្រគរ ប៉ុន្តែនារីរងគ្រោះ ទើបតែមកដាក់ពាក្យបណ្ដឹងនៅថ្ងៃទី២៣ នេះទេ ទើបសមត្ថកិច្ចឈានទៅធ្វើការឃាត់ខ្លួនបុរសកំហូចនេះតែម្ដង។
នគរបាលប៉ុស្ដិ៍រដ្ឋបាលស្នាអន្សារឲ្យដឹងថា ជនសង្ស័យឈ្មោះ អ៊ឹម កុសល ភេទប្រុស អាយុ៣៥ឆ្នាំ ជាបុរសពោះម៉ាយ មានកូន០៤នាក់ ប្រុស០២ ស្រី០២ រស់នៅផ្ទះអណ្ដែតទឹកក្នុងភូមិ-ឃុំកើតហេតុជាមួយនារីរងគ្រោះអាយុ២១ឆ្នាំនោះដែរ។
តាមពាក្យបណ្ដឹងរបស់នារីរងគ្រោះដែលបានរៀបរាប់ថា កាលពីយប់ថ្ងៃទី២០ កុម្ភៈ នាងបានអុំទូកទៅបត់ជើងធំម្នាក់ឯងនៅព្រៃលិចទឹកក្រោយផ្ទះចម្ងាយប្រហែល១០០ម៉ែត្រពីផ្ទះ ខណៈនោះពេលដែលនាងកំពុងបត់ជើង ស្រាប់តែឈ្មោះអ៊ឹម កុសល ដែលជាបុរសពោះម៉ាយកូន០៤បានបើកកាណូតសំដៅមក។ ពេលមកដល់បានចាប់នាងក្រៀកឡើងលើកាណូតធ្វើសកម្មភាពរំលោភទាំងកម្រោលរហូតបានសម្រេច រួចហើយបើកកាណូតទៅវិញបាត់ ដោយគំរាមមិនឲ្យប្រាប់អ្នកណាទាំងអស់។ ដោយសារខ្លាចគេវាយធ្វើបាបនៅថ្ងៃកើតហេតុនោះ នាងមិនហ៊ាននិយាយប្រាប់អ្នកណាទាំងអស់ លុះមកដល់ថ្ងៃទី២៣ ទើបនាងមកដាក់ពាក្យបណ្ដឹងនៅប៉ុស្ដិ៍រដ្ឋបាល ក៏ឈានទៅឃាត់ខ្លួនបុរសពោះម៉ាយនោះតែម្ដង។
ជនសង្ស័យសមត្ថកិច្ចបានបង្កសំណុំរឿងបញ្ជូនទៅសាលាដំបូង ដើម្បីចាត់ការបន្តទៅតាមនីតិវិធី៕
ប្រភព៖ កោះសន្តិភាព
ដោយឡែករំលឹកព័ត៌មានមួយផ្សេងទៀត៖ ចប់! ការពិតអ្នកម្តាយ ជាឃាតករសោះ
រាជធានីភ្នំពេញ ៖ សេចក្តីរាយការណ៍ឱ្យដឹងថា គិតត្រឹមវេលាម៉ោង០២ និង១៨នាទីរសៀលថ្ងៃទី២៤ កុម្ភៈ នេះ ទីបំផុតស្ត្រីជាម្តាយដែលបីសាកសពកូនស្រី អាយុ៣ខែមកកាន់វត្ត «តាំងកសាង» ដើម្បីឱ្យតាអាចារ្យជួយបូជា ឬក៏បញ្ចុះសពនោះ បានឆ្លើយសារភាពហើយថា គឺការពិតខ្លួននាងជាអ្នកធ្វើឱ្យកូនស្រីស្លាប់ ។
នេះបើតាមការអះអាងរបស់ស្ត្រីរូបនេះ ឆ្លើយប្រាប់សមត្ថកិច្ច ក្រោយកម្លាំងបានព្យាយាមសួរនាំតាមជំនាញរួចមក ស្ថិតនៅកន្លែងកោសល្យវិច័យសព នៅវត្ត «តាំងកសាង» នោះ ។
ស្ត្រីសង្ស័យជាម្តាយខាងលើ មានឈ្មោះណុប ស្រីពៅ អាយុ២៣ឆ្នាំ ជាកម្មការិនីរោងចក្រ មានស្រុកកំណើតនៅភូមិថ្ពង ឃុំថ្ពង ខេត្តកំពង់ធំ សព្វថ្ងៃស្នាក់នៅបន្ទប់ជួលលេខ២ ក្នុងខណ្ឌពោធិ៍សែនជ័យ ។
ស្ត្រីរូបនេះនិយាយទៀតថា កាលពីយប់ថ្ងទី២៣ កុម្ភៈ នោះ ខ្លួននិងប្តីបានឈ្លោះយ៉ាងខ្លាំង រួមជាមួយនារីម្នាក់ទៀត ដែលមកនៅក្នុងបន្ទប់របស់ខ្លួន។ ពេលនោះ ខ្លួនខឹងខ្លាំងណាស់ ក៏ជះកំហឹងទៅកូន ដោយបានវាយចំទ្រូងកូនស្រីមួយដៃ ធ្វើឱ្យកូនស្រីស្រែកយំពេញបន្ទប់ ។ ក្រោយមក ខ្លួនក៏បីកូនចូលបន្ទប់ ស្រាប់តែរអិលជើងដួលបោកក្បាលស្រី បណ្តាលឱ្យស្លាប់ភ្លាមៗតែម្តង ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
