រាជធានី​ភ្នំពេញ ៖ ក្មេង​ស្ទាវ​២​នាក់​ក្នុង​ចំណោម​ក្មេង​ស្ទាវ​២​ក្រុម​ត្រូវ​បាន​នគរបាល​ប៉ុស្តិ៍​ទន្លេបាសាក់​ធ្វើការ​ឃាត់ខ្លួន ខណៈ​ជិះ​ម៉ូតូ​ជា​ច្រើន​គ្រឿង​ដេញ​កាប់​ចាក់​គ្នា​នៅ​ចំណុច​លើ​សួនច្បារ​មុខ ណា​ហ្គា វើ​ល ស្ថិត​ក្នុង​សង្កាត់​ទន្លេបាសាក់ ខណ្ឌចំការមន កាលពី​វេលា​ម៉ោង​៣ និង​១៥​នាទី​ទៀប​ភ្លឺ ថ្ងៃ​ទី​២៤ ខែកុម្ភៈ ឆ្នាំ​២០១៧ ។

ប្រភព​ព័ត៌មាន​បានឱ្យ​ដឹង​ថា ក្រុម​ក្មេង​ស្ទាវ​ទាំង​២​នាក់​ដែល​ឃាត់ខ្លួន ១-​ឈ្មោះ ហូរ សី អាយុ​១៩​ឆ្នាំ មុខរបរ​មិន​ពិតប្រាកដ ស្នាក់​នៅផ្ទះ​ជួល ផ្លូវ​បេតុង សង្កាត់​ទឹកល្អក់​ទី​៣ ខណ្ឌទួលគោក និង ២-​ឈ្មោះ ប៊ី សុ​វ​ណ្ណា​រាជ អាយុ ១៦​ឆ្នាំ ស្នាក់​នៅផ្ទះ​ជួល ក្នុង​សង្កាត់​មិត្តភាព ខណ្ឌ​៧​មក​រា​(​ជា​ក្រុម​តែ​មួយ​) ។

ប្រភព​បន្ត​ថា មុន​ពេល​កើតហេតុ ក្រុម​ក្មេង​ស្ទាវ​២​ក្រុម ដោយ​១​ក្រុម​មាន​គ្នា​មិន​តិច​ជាង​១០​នាក់ ជិះ​ម៉ូតូ​ជា​ច្រើន​គ្រឿង ប្រដាប់​ដោយ​ដាវ​សា​មូ​រ៉ៃ និង​កាំបិត​គ្រប់​ៗ​ដៃ មិនដឹង​ជា​មក​ពី​ទីណា​ឡើយ បាន​ធ្វើ​សកម្មភាព​ដេញ​កាប់​ចាក់​គ្នា​នៅ​តាម​ដងផ្លូវ​សាធារណៈ​ដូច​ហ្វូងគោ ។

ប្រភព​ដដែល​បាន​បន្ត​ទៀត​ថា លុះ​មក​ដល់​ចំណុច​សួនច្បារ​មុខ ណា​ហ្គា​វើ​ល ពួក​គេ​ក៏​បាន​ឈប់​ម៉ូតូ​ចុះ​ដេញ​កាប់​-​ចាក់​គ្នា​រត់​ប្រសេចប្រសាច​ពេញ​ផ្លូវ បង្ក​ឲ្យ​មានការ​ភ្ញាក់ផ្អើល​ដល់​កម្លាំង​សមត្ថកិច្ច​ចុះ​មក​ធ្វើការ​បង្ក្រាប ដោយ​ឃាត់ខ្លួន​បាន​២​នាក់ ដកហូត​ដាវ​សា​មូ​រ៉ៃ​១​ដើម និង​ម៉ូតូ​ម៉ាក​ហុងដា ឌ្រី​ម សេ​១២៥ ពណ៌​ខ្មៅ ពាក់​ស្លាក​លេខ ភ្នំពេញ ១BK-៨១២១ មួយ​គ្រឿង​ផង​ដែរ ។

ឆាកប្រយុទ្ធ​គ្នា​របស់​ក្រុម​ក្មេង​ស្ទាវ​ទាំង​ពីរ​ក្រុម​ខាងលើ​នេះ​ដែរ បាន​ធ្វើ​ឲ្យ​មានការ​ខូចខាត​ម៉ូតូ​៣​គ្រឿង ហើយ​នាំ​គ្នា​ជិះ​រត់គេច​ខ្លួន​បាត់​អស់ និង​មិន​បាន​បណ្តាល​ឲ្យ​អ្នក​ណា​ម្នាក់​រងគ្រោះថ្នាក់​ឡើយ ។

ក្រោយ​ពី​ធ្វើការ​ឃាត់ខ្លួន​ក្រុម​ក្មេង​ស្ទាវ​ទាំង​២​នាក់ និង​ដកហូត​បាន​ដាវ​សា​ម៉ៃ​១​ដើម និង​ម៉ូតូ​១​គ្រឿង ដែល​ជា​វត្ថុ​តាង​រួច​ហើយ ក៏​បាន​នាំ​មក​ធ្វើការ​សាកសួរ និង​កំណត់ហេតុ​នៅ​នគរបាល​ប៉ុស្តិ៍​ទន្លេបាសាក់ ដើម្បី​បញ្ជូន​ទៅ​កាន់​អធិការដ្ឋាន​នគរបាល​ខណ្ឌចំការមន ចាត់ការ​ទៅ​តាម​ផ្លូវច្បាប់​ជា​បន្ត​ទៅ​ទៀត ៕

ប្រភព៖ កោះសន្តិភាព

ដោយឡែក ព័ត៌មានចាប់អារម្មណ៍មួយផ្សេងទៀត៖

[Update] ចប់! ការពិតអ្នកម្តាយ ជា​ឃាតករ​សោះ​

រាជធានី​ភ្នំពេញ ៖ សេចក្តីរាយការណ៍​ឱ្យ​ដឹង​ថា គិត​ត្រឹម​វេលា​ម៉ោង​០២ និង​១៨​នាទី​រសៀល​ថ្ងៃ​ទី​២៤ កុម្ភៈ នេះ ទីបំផុត​ស្ត្រី​ជា​ម្តាយ​ដែល​បី​សាកសព​កូនស្រី​ អាយុ​៣​ខែ​មក​កាន់​វត្ត «​តាំង​កសាង​» ដើម្បី​ឱ្យ​តា​អាចារ្យ​ជួយ​បូជា ឬ​ក៏​បញ្ចុះសព​នោះ បាន​ឆ្លើយ​សារភាព​ហើយ​​ថា គឺ​ការ​ពិតខ្លួន​នាង​ជា​អ្នក​ធ្វើ​ឱ្យ​កូនស្រី​​ស្លាប់ ។

នេះ​បើ​តាម​ការ​អះអាង​របស់​ស្ត្រី​រូប​នេះ ឆ្លើយ​ប្រាប់​សមត្ថកិច្ច ក្រោយ​កម្លាំង​​បាន​​ព្យាយាម​សួរនាំ​តាម​ជំនាញ​​រួច​មក ស្ថិត​នៅ​កន្លែង​កោសល្យវិច័យ​សព​ នៅ​​​វត្ត​ «​តាំង​កសាង​» នោះ ។

ស្ត្រី​សង្ស័យ​ជា​ម្តាយ​​ខាងលើ មានឈ្មោះ​ណុ​ប ស្រី​ពៅ អាយុ​២៣​ឆ្នាំ ជា​កម្មការិនី​រោងចក្រ មានស្រុក​កំណើត​នៅ​ភូមិ​ថ្ពង ឃុំ​ថ្ពង ខេត្ត​​កំពង់ធំ សព្វថ្ងៃ​ស្នាក់នៅ​​បន្ទប់​ជួល​លេខ​២ ក្នុង​ខណ្ឌ​ពោធិ៍​​សែន​​ជ័យ ។

ស្ត្រី​រូប​នេះ​និយាយទៀត​​ថា កាលពី​យប់​ថ្ង​ទី​២៣ កុម្ភៈ នោះ ខ្លួន​និង​ប្តីបាន​ឈ្លោះ​យ៉ាង​ខ្លាំង រួម​ជាមួយ​នារី​ម្នាក់​ទៀត​ ដែល​​មក​​នៅ​ក្នុង​បន្ទប់​របស់​​ខ្លួន​។ ពេល​នោះ ខ្លួន​ខឹង​ខ្លាំង​ណាស់ ក៏​ជះ​កំហឹង​ទៅ​កូន ដោយ​បាន​វាយ​ចំ​ទ្រូង​កូនស្រី​មួយ​​ដៃ ធ្វើ​ឱ្យ​កូនស្រី​ស្រែ​ក​យំ​ពេញ​បន្ទប់ ។ ក្រោយមក ខ្លួន​ក៏​បីកូន​ចូល​បន្ទប់ ស្រាប់តែ​រអិល​ជើង​ដួល​បោក​ក្បាល​ស្រី ​បណ្តាល​ឱ្យ​ស្លាប់​ភ្លាម​ៗ​តែ​ម្តង ។

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]