(ឧត្តរមានជ័យ)៖ នៅវេលាម៉ោង ៥៖៣០នាទីល្ងាច ថ្ងៃទី២៣ ខែកុម្ភៈ ឆ្នាំ២០១៧ មានកើតករណីខ្យល់កន្ត្រាក់ បណ្តាលឲ្យ ខូចខាតផ្ទះប្រជាពលរដ្ឋចំនួន២៤ខ្នង តែមិនបានបង្កឲ្យអ្នកគ្រោះថ្នាក់ក្នុងហេតុការណ៍នេះទេ ស្ថិតនៅក្នុងភូមិគោកច្រេស និង ភូមិអូរឫស្សី សង្កាត់-ក្រុងសំរោង។
សមត្ថកិច្ចមូលដ្ឋានបានឲ្យដឹងថា កាលពីល្ងាចមិញមានភ្លៀង១មេ លាយលំជាមួយខ្យល់កន្ត្រាក់ តែសំណាងណាស់គ្មានប្រជាពលរដ្ឋណាម្នាក់ រងរបួសឡើយ។
សមត្ថកិច្ចបន្តថា ករណីខាងលើ ខូចខាតផ្ទះប្រជាពលរដ្ឋចំនួន ២ភូមិ មានភូមិគោកច្រេស រលំស្លាកគណបក្សប្រជាជនកម្ពុជាចំនួន ៣ផ្លាក របើកដំបូលផ្ទះក្បឿង ចំនួន៧ខ្នង របើកដំបូលសង្កសី នឹងជញ្ជាំង ផ្ទះចំនួន ១៥ខ្នង និងភូមិអូរឫស្សី
របើកដំបូលចំនួន ២ខ្នង។
ក្រោយពីហេតុការណ៍មានអាជ្ញាធរ សមត្ថកិច្ចពាក់ព័ន្ធចុះអន្តរាគមន៍ជួយជួសជុល និងរៀបចំកន្លែងស្នាក់នៅ បណ្តោះអាសន្ន៕
ប្រភព៖ Fresh News
ដោយឡែករំលឹកព័ត៌មានមួយផ្សេងទៀត៖ ផ្សារធំថ្មី! បើនៅតែយកភាស៊ីលើសនិងសម្តីឈ្លើយ លុបចោលភ្លាម
រាជធានីភ្នំពេញ ៖ អាជ្ញាធរខណ្ឌដូនពេញ បានធ្វើការព្រមានលុបចោលកិច្ចសន្យា ឬក៏បញ្ឈប់អាជ្ញាប័ណ្ណតែម្តង ចំពោះអ្នកទទួលបន្ទុក ម៉ៅការភាស៊ីរថយន្ត និងម៉ូតូនៅផ្សារធំថ្មី ប្រសិនបើពួកគេនៅតែ យកភាស៊ីលើសតម្លៃកំណត់ ក្នុងកិច្ចសន្យា(សៀវភៅបន្ទុក) និងប្រើពាក្យសម្តីមិនសមរម្យ ទៅលើអតិថិជនបន្តទៀតនោះ ។
លោក សុខ ពេញវុធ អភិបាលខណ្ឌដូនពេញ បានឱ្យដឹងថា កាលពីវេលាម៉ោង១០ព្រឹកថ្ងៃទី២១ កុម្ភៈ លោកបានកោះហៅ លោក ស្រី ប៉ុន ដានី អភិបាលរដ្ឋាករស្វយ័តផ្សារធំថ្មី និងអ្នកទទួលបន្ទុកម៉ៅការភាស៊ីរថយន្ត-ម៉ូតូ ដើម្បីសាកសួរព័ត៌មាន បន្ទាប់ពីមានពាក្យបណ្តឹង ពីអតិថិជនថា មានការយកភាស៊ីលើសតម្លៃកំណត់របស់ក្រសួងសេដ្ឋកិច្ចនិងហិរញ្ញវត្ថុ និងបានប្រើសម្តីមិនសមរម្យទៅលើអតិថិជនដែលបានទៅផ្ញើរថយន្ត-ម៉ូតូនៅផ្សារធំថ្មីនោះ ។
លោកបន្តថា ហេតុការណ៍នោះបានកើតឡើងកាលពីល្ងាចថ្ងៃទី២០ ខែកុម្ភៈ គឺមានអតិថិជនបានយកម៉ូតូទៅផ្ញើនៅផ្សារធំថ្មីជ្រុងខាងកើត លុះពេលយកម៉ូតូវិញ ម្ចាស់អាជីវកម្មទារលុយ៥០០រៀល ខៈណៈដែលមានការបិទស្លាកតម្រូវឱ្យយកតែ៣០០រៀលប៉ុណ្ណោះ គឺលើសសៀវភៅបន្ទុករបស់រដ្ឋបាលរាជធានីភ្នំពេញ ។
លោក សុខ ពេញវុធ បានឱ្យដឹងទៀតថា ក្នុងពេលនោះអតិថិជនបានទារលុយអាប់ ព្រមទាំងប្រាប់ថា ស្លាកសរសេរបិទតម្រូវឱ្យយកតែ៣០០រៀលប៉ុណ្ណោះ តេម្ចាស់អាជីវកម្មផ្ញើម៉ូតូបានឆ្លើយតបវិញថា អាអ្នកសរសេរនោះ វាងាប់បាត់ហើយ ។ លោកបន្តថា ម្ចាស់អាជីវកម្មផ្ញើម៉ូតូដែលមានវ័យក្មេងនោះ ពិតជាឈ្លើយណាស់ដែលប្រើសម្តីបែបនេះ ហើយចំពោះការបិទនោះមានតែអភិបាលរាជធានី និងអភិបាលខណ្ឌ ជាអ្នកបញ្ជាឱ្យបិទ ព្រមទាំងហ៊ានយកលើសការកំណត់សៀវភៅបន្ទុករបស់រដ្ឋបាលរាជធានីភ្នំពេញទៀតនោះ ដូចនេះអាជ្ញាធរខណ្ឌ ត្រូវតែហៅគាត់មកព្រមានក្នុងពេលនេះតែម្តង ។
ក្នុងពេលនោះ លោកអភិបាលខណ្ឌដូនពេញ បានតម្រូវឲ្យគណៈកម្មការផ្សារធំថ្មី បើកការប្រជុំ និងធ្វើកំណត់ហេតុអប់រំណែនាំ និងធ្វើកិច្ចសន្យាចំពោះម្ចាស់អាជីវកម្មផ្ញើម៉ូតូនោះ បើមានករណីកើតឡើងលើកក្រោយទៀត អាជ្ញាធរខណ្ឌដូនពេញ នឹងស្នើឲ្យដកអាជីវកម្មនោះតែម្តង ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]