(កណ្តាល)៖ ប្លន់ទាំងថ្ងៃនៅក្រុងតាខ្មៅ ខេត្តកណ្តាល! ជនសង្ស័យបានចូលទៅវាយប្លន់ប៉ងយកទ្រព្យសម្បត្តិ ដល់ក្នុងផ្ទះប្រជាពលរដ្ឋ នារសៀលថ្ងៃទី២២ ខែកុម្ភៈ ឆ្នាំ២០១៧នេះ ស្ថិតនៅផ្ទះវីឡា១ តាមបណ្តោយផ្លូវកា១៤ ភូមិព្រែករាំង សង្កាត់កំពង់ណាញ់ ក្រុងតាខ្មៅ ប៉ុន្តែភ្លាមៗ ជនសង្ស័យទាំង៣នាក់ ត្រូវបានកម្លាំងអាវុធហត្ថតាមចាប់ខ្លួនបាន ខណៈជនរងគ្រោះដែលរងរបួសត្រូវបានបញ្ជូនទៅកាន់មន្ទីរពេទ្យ។
មន្រ្តីអាវុធហត្ថក្រុងតាខ្មៅបានឲ្យដឹងថា ជនរងគ្រោះមាន៣នាក់រួមមាន៖ ទី១ឈ្មោះ ហេង សុផាណា ភេទស្រី អាយុ២១ឆ្នាំ មានមុខរបរជានិស្សិត ទី២ឈ្មោះ ហួង លាងហេង ជាបងស្រីម្ចាស់ផ្ទះ និងម្នាក់ទៀតមិនត្រូវបានស្គាល់នោះទេ។
មុនពេលកើតហេតុ ជនរងគ្រោះទាំង៣នាក់កំពុង អង្គុយហូបបាយ ភ្លាមនោះ ស្ត្រីជាបង បានឡើងទៅជាន់លើក្នុងបន្ទប់។ បន្តិចក្រោយមក ស្រាប់តែលឺសំឡេងស្រែកឲ្យជួយ ភ្លាមៗជនរងគ្រោះ២នាក់ទៀត បានឡើងទៅមើលស្រាប់តែ ឃើញជនសង្ស័យ៣នាក់ កំពុងវាយបងស្រី ហើយក៏វាយពួកគេទៀត។ ពេលនោះជនរងគ្រោះម្នាក់ បានស្ទុះរត់ចុះមកក្រោម ដោយជនសង្ស័យដេញតាម លុះរត់មកដល់បរិវេណខាងមុខផ្ទះ ក៏ស្រែកឲ្យគេជួយ ស្រាប់ពេលនោះដែរ មានអ្នកដំណើរជាអង្គរក្ស ជិះរថយន្តឆ្លងកាត់ទីនោះបានលឺក៏ឈប់រថយន្ត ទើបធ្វើឲ្យជនសង្ស័យភ័យរត់ចូលទៅក្នុងផ្ទះគេចខ្លួនបាត់។
ក្រោយកើតហេតុ សាច់ញាតិ បានបញ្ជូនជនរងគ្រោះទាំង២នាក់ ទៅសង្គ្រោះ ភ្លាមៗនោះដែរ កម្លាំងកងរាជអាវុធហត្ថក្រុងតាខ្មៅ បានធ្វើការស្រាវជ្រាវឃាត់ខ្លួន បានជនសង្ស័យន៣នាក់ នៅក្នុងភូមិ-សង្កាត់ខាងលើ នាំយកទៅសាកសួរដោយបានឲ្យជនរងគ្រោះទៅចង្អុលបង្ហាញនោះ ជនរងគ្រោះ ស្គាល់មុខជនសង្ស័យម្នាក់ថា បានធ្វើសកម្មភាពវាយពួកគាត់។
ប្រភព៖ Fresh News
ដោយឡែករំលឹកព័ត៌មានមួយផ្សេងទៀត៖ បែកធ្លាយអាថ៌កំបាំង ពេលចៅស្រីវ័យក្មេងមានផ្ទៃពោះ៦ខែ
ខេត្តក្រចេះ ៖ បន្ទាប់ពីបែកធ្លាយអាថ៌កំបាំងតាមរយៈការលើកឡើងរបស់ក្រុមប្រឹក្សាឃុំពីរឿងចៅស្រីវ័យក្មេងមានផ្ទៃពោះ៦ខែដោយសារត្រូវតាចាប់រំលោភជាបន្តបន្ទាប់រួចមក សមត្ថកិច្ចនគរបាលបានចុះទៅនាំខ្លួនបុរសចំណាស់សង្ស័យមកសាកសួរនិងឃាត់ខ្លួនតែម្តង ។
បុរសវ័យចំណាស់ដែលត្រូវនគរបាលស្រុកស្នួលចាប់ឃាត់ខ្លួនពាក់ព័ន្ធករណីរំលោភសេពសន្ថវៈលើចៅស្រីវ័យ១៦ឆ្នាំរហូតមានផ្ទៃពោះ៦ខែនេះឈ្មោះ ជា គា អាយុ៧៣ឆ្នាំ មុខរបរជាគ្រូថ្នាំខ្មែរ រស់នៅក្នុងភូមិតាសោម ឃុំស្វាយជ្រះ ស្រុកស្នួល ត្រូវជាឪពុកចុងរបស់ម្តាយនារីរងគ្រោះ និងជាជីតាចុងរបស់នាងផងដែរ ។
ទោះបីជាយ៉ាងណា ករណីតារំលោភចៅស្រីរហូតមានផ្ទៃពោះនេះ គឺមិនមានការប្តឹងប្តល់ពីក្រុមគ្រួសាររបស់ក្មេងស្រីរងគ្រោះនោះទេ តែត្រូវបានលើកឡើងដោយក្រុមប្រឹក្សាឃុំទៅវិញ ។ ដោយសារតែនារីរងគ្រោះជាកូនកំព្រាឪពុក និងសព្វថ្ងៃរស់នៅជាមួយស្ត្រីជាម្តាយដែលមិនមានការយកចិត្តទុកដាក់លើនាង ហើយមិនតែប៉ុណ្ណោះជនសង្ស័យវ័យចំណាស់តែងតែធ្វើការគំរាមតាមពាក្យសម្តីយ៉ាងធ្ងន់ធ្ងរមកលើនាងទៀតផងនោះ ។
លោកវរសេនីយ៍ទោ ចាន់ សុខគីម អធិការនគរបាលស្រុកស្នួល បានឲ្យដឹងថា បន្ទាប់ពីមានការលើកឡើងពីសមាជិកក្រុមប្រឹក្សាឃុំស្វាយជ្រះ នៅក្នុងកិច្ចប្រជុំមួយនៅសាលាស្រុកស្នួល កាលពីព្រឹកថ្ងៃទី២២ ខែកុម្ភៈ ឆ្នាំ២០១៧ ថា មានករណីតាចាប់រំលោភចៅស្រីរហូតមានផ្ទៃពោះ កម្លាំងជំនាញព្រហ្មទណ្ឌស្រុកបានចុះឃាត់ខ្លួនបុរសចំណាស់សង្ស័យមកសាកសួរទាំងគ្មានពាក្យបណ្តឹង ។
លោកអធិការបញ្ជាក់ថា ក្រោយការនាំខ្លួនបុរសសង្ស័យវ័យចំណាស់ និងនារីរងគ្រោះមកសាកសួរ និងទទួលបានចម្លើយសារភាព ទើបនគរបាលសម្រេចឃាត់ខ្លួនបុរសសង្ស័យវ័យចំណាស់រូបនេះពាក់ព័ន្ធករណីរំលោភសេពសន្ថវៈ ។
បើតាមការសម្រង់ចម្លើយរបស់នារីរងគ្រោះអាយុ១៦ឆ្នាំ បានរៀបរាប់ប្រាប់នគរបាលថា កាលពីខែកញ្ញា ឆ្នាំ២០១៦ កន្លងទៅ ជនសង្ស័យជាជីតារូបនេះបានបបួលនាងដើរមើលជម្ងឺឲ្យគេតាមភូមិ ។ ដោយក្នុងមួយកន្លែងត្រូវដេកផ្លូវ២-៣យប់ទើបត្រឡប់មកផ្ទះវិញ ។ ហើយការដើរមើលជម្ងឺព្យាបាលឲ្យគេជាមួយជនសង្ស័យ ជាជីតារូបនេះបានធ្វើឡើងជាច្រើនកន្លែង ។ រហូតដល់ថ្ងៃមួយទៀត គាត់បានបបួលនាងមកព្យាបាលជម្ងឺឲ្យគេនៅភូមិស្នួលវត្តកើត ឃុំស្នួល ស្រុកស្នួល និងបានសម្រាកនៅទីនោះរយៈពេល៣យប់ ។ ទីនោះជាកន្លែងចុងក្រោយដែលបុរសជាប់ចោទវ័យចំណាស់រូបនេះបានល្បួងនាងរំលោភរហូតបានសម្រេចចំនួន៣ដង ។
ក្រោយការល្បួងចាប់រំលោភបានសម្រេចជាបន្តបន្ទាប់រហូតដល់សព្វថ្ងៃនេះបានធ្វើឲ្យក្មេងស្រីរងគ្រោះវ័យ១៦ឆ្នាំ មានផ្ទៃពោះចំនួន៦ខែហើយ ។ តែយ៉ាងណា នាងក៏មិនហ៊ានប្តឹងប្តល់ជនសង្ស័យជាជីតារូបនេះដែរ ព្រោះតែកន្លងមកជនសង្ស័យរូបនេះបានគំរាមនាង ដោយបង្គាប់នាងឲ្យដើរប្តឹងថា ទោះជាប្តឹងដល់ទីណាក៏គាត់មិនខ្លាចដែរ ។
លោក ចាន់ សុខគីម អធិការនគរបាលស្រុកស្នួល បានឲ្យដឹងទៀតថា ក្រោយពីទទួលបានចម្លើយសារភាពគ្រប់គ្រាន់ជនជាប់ចោទជាជីតារូបនេះត្រូវបានកម្លាំងនគរបាលជំនាញព្រហ្មទណ្ឌស្រុកឃាត់ខ្លួន និងកំពុងកសាងសំណុំរឿងចាត់ការបន្ត ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]