ចិន៖ រថយន្តជាមធ្យោបាយធ្វើដំណើរដ៏ពេញនិយមមួយសម្រាប់មនុស្សទូទៅ ដើម្បីប្រើប្រាស់សម្រាប់ជីវិតប្រចាំថ្ងៃ។ រថយន្តត្រូវបានមនុស្សគ្រប់គ្នាប៉ងប្រាថា្នដើម្បីក្លាយជាម្ចាស់ ដោយសារវាអាចជួយឲ្យយើង ធ្វើដំណើរពីកន្លែងមួយទៅកន្លែងមួយបានយ៉ាងឆាប់រហ័ស និងមានសុវត្ថិភាពខ្ពស់ជាងការជិះម៉ូតូ។
យ៉ាងណាមិញ ខណៈដែលឡានជាមធ្យោបាយធ្វើដំណើរដ៏សំខាន់សម្រាប់ជីវភាពប្រចាំថ្ងៃ យើងក៏សង្កេតឃើញថាក្រុមហ៊ុនឡាននីមួយៗ បានប្រជែងគ្នាក្នុងការច្នៃរូបរាង និងគុណភាពរថយន្តទាំងនោះឲ្យមានភាពល្អឥតខ្ចោះ ដើម្បីទាក់ទាញអតិថិជនបាន។ ដោយឡែករថយន្តម៉ាក Lamborghini ត្រូវបានមនុស្សទូទៅថាជាប្រភេទរថយន្តទំនើប និងមានតម្លៃថ្លៃ ដែលមនុស្សទូទៅមិនមានលទ្ធភាពប្រើប្រាស់ឡើយ។
ផ្ទុយទៅវិញ បុរសជនជាតិចិន វ័យ៥៥ឆ្នាំម្នាក់ឈ្មោះ Guo Liangyun បានធ្វើឲ្យមនុស្សគ្រប់គ្នាចាប់អារម្មណ៍ ជាមួយនឹងរថយន្តដែលគាត់បានផលិតសម្រាប់ឲ្យចៅរបស់គាត់ជិះទៅរៀន។
បុរសវ័យ ៥៥ឆ្នាំរូបនេះ បានផលិតរថយន្តដែលមានរូបរាងយកលំនាំតាមរថយន្តទំនើប Lamborghini ពីកាកសំណល់អេតចាយ ដែលមានដូចជាកំណាត់ដែក និងបំណែកក្រណាត់ផ្សេងៗមកផ្គុំគ្នា ឲ្យក្លាយជាឡានទំនើបសម្រាប់ចៅគាត់។ រថយន្តនេះដំណើរការដោយថាមពលអគ្គិសនី ដែលវាមានល្បឿនលឿនបំផុតប្រមាណ ៤០គីឡូម៉ែត្រក្នុងមួយម៉ោង និងអាចធ្វើដំណើរបាន ៦០គីឡូម៉ែត្រពេលមានអាគុយពេញ។
បុរសវ័យ ៥៥ឆ្នាំរូបនេះ បានផលិតរថយន្តនេះឡើងដោយសារតែគាត់ព្រួយបារម្ភពីសុវត្ថិភាពរបស់ចៅៗគាត់ ពេលដែលពួកគេធ្វើដំណើរទៅសាលា ហើយគាត់ក៏បានបញ្ជាក់ទៀតថា ឡាននេះអាចធ្វើឲ្យគាត់មានភាពងាយស្រួលជាងមុន ដោយគាត់មិនចាំបាច់ភ័យថា ចៅតូចៗរបស់គាត់ធ្លាក់ពីលើម៉ូតូកូនទា ដែលគាត់ប្រើប្រាស់សម្រាប់ឌុបពួកគេ ដូចរាល់ដង។
ម្យ៉ាងវិញទៀត គាត់គ្មានលទ្ធភាពដើម្បីទិញរថយន្តឲ្យចៅគ្រប់ៗគ្នានោះទេ ដែលវាជាដើមហេតុដែលបណ្ដាលឲ្យគាត់ផលិតរថយន្តពីសំណល់របស់ចាស់ៗនេះឡើង ខណៈដែលក្នុរថយន្តមួយគ្រឿងគាត់ចំណាយប្រាក់ប្រមាណ ៥០០០យ័ន (ប្រហែល៧២៧ដុល្លារ) ដើម្បីផលិត ដែលពេលនេះគាត់ផលិតបានរថយន្តប្រភេទនេះ ៤គ្រឿងហើយ។
យ៉ាងណាមិញ ប៉ូលិសក្នុងខេត្ត Zhengzhou បានប្រាប់ថា រថយន្តនេះមិនមានលក្ខណៈស្របតាមបច្ចេកទេសទេ ខណៈដែលរថយន្តនេះគ្មានខ្សែក្រវ៉ាត់សុវត្ថិភាព ដែលវាមិនត្រូវបានអនុញ្ញាតឲ្យបើកបរលើផ្លូវឡើយ៕
ប្រភព៖ បរទេស
ដោយឡែកពត៌មានគួរឲ្យចាប់អារម្មណ៍មួយទៀត៖
អង់គ្លេស៖ កាលពីថ្មីៗនេះ វីដេអូឃ្លីបមួយ កំពុងតែទទួលបានការចាប់អារម្មណ៍យ៉ាងខ្លាំង នៅលើបណ្តាញសង្គម បន្ទាប់ពីនារីក្លាហានម្នាក់ ហ៊ានធ្វើរឿងមួយដែលមិននឹកស្មានដល់ ក្រោយពីមានប្រុសព្រាន តាមញ៉ែញ៉ងសុំទូរស័ព្ទ របស់នាងមិនបានសម្រេច ហើយប្រើពាក្យសម្តីប្រមាថមើលងាយលើរូបនាងថែមទៀត។
បើតាមប្រភពបានឲ្យដឹងថា ហេតុការណ៍នេះបានកើតឡើង នៅតាមបណ្តោយផ្លូវមួយកន្លែង ដែលមានទីតាំងនៅកណ្តាលទីក្រុងឡុងដ៏ នៃចក្រភពអង់គ្លេស។ វីដេអូឃ្លីបត្រូវបានថតជាប់ ដោយកាម៉េរាសុវត្ថិភាព បំពាក់ជាប់មួកសុវត្ថិភាព របស់អ្នកបើកបរម៉ូតូម្នាក់។
ដោយសារតែដល់ចំនុចភ្លើងក្រហម នៅផ្លូវប្រសព្វ Tottenham Court Road ក្នុងទីក្រុង ទើបតម្រូវឲ្យយានយន្តទាំងអស់ ត្រូវឈប់ ស្របពេលរថយន្តដឹកទំនិញមួយគ្រឿង បានឈប់ទន្ទឹមគ្នា ដើម្បីរង់ចាំភ្លើងខៀវ បន្តដំណើរទៅមុខ។ ឆ្លៀតក្នុងឱកាសនោះ បុរសជាអ្នកបើកបររថយន្តដឹកទំនិញ ស្រាប់តែបើកញ្ចក់ឡាន មកលេបខាយប្រើពាក្យសំដី ញ៉ែញ៉ងទៅកាន់នារីអ្នកជិះកង់ថា «អេ៎! ស្រីស្អាត ចង់បានលេខទូរស័ព្ទខ្ញុំទេ?» ។
ភ្លាមៗនារីវ័យក្មេងខាងលើ បានស្រែកឆ្លើយតបទៅវិញ ថាចេញឲ្យឆ្ងាយទៅ រួចនាងក៏បានយកដៃរុញឡានចេញ ដើម្បីជាការព្រមាន ទាំងចិត្តខឹងមិនសប្បាយចិត្ត។ ជាហេតុធ្វើឲ្យអ្នកបើកឡាន ប្រតិកម្មភ្ញាក់ផ្អើលនូវសកម្មភាពរបស់នាង ក៏និយាយថា «ធ្វើចឹងមិនសមជាស្រីសោះ មិនថាចឹងហ្ហេ៎?» រួចថែមទាំងបានសួរនាំនាង ជាមួយនឹងសំណួរឆ្កួតៗជាច្រើនមើលងាយនាង ហើយសួរនាងទៀតថា «មករដូវមែនហ្នឹង?» មុនពេលដែលរូបគេយកដៃទៅប៉ះស្មារបស់នាង និងបន្តតាមទារសុំលេខទូរស័ព្ទ។ ជាហេតុកាន់តែធ្វើឲ្យនារីជិះកង់ខាងលើ ក្តៅចិត្តកាន់ចិត្តខ្លាំងឡើងៗតែម្តង។
បន្ទាប់ពីភ្លើងសញ្ញាចរាចរណ៍ លោតចេញភ្លើងខៀវ អ្នកធ្វើដំណើរទាំងអស់ក៏បានបន្តដំណើរទៅមុខ។ រីឯនារីជិះកង់ខាងលើ ហេតុតែក្តៅចិត្ត កើតទុកមិនសុខចិត្ត ក៏ខំប្រឹងធាក់កង់តាមពីក្រោយរថយន្ត ទំនងជាចង់សងសឹកដើម្បីធ្វើរឿងអ្វីមួយ។
លុះដល់ចំនុចមួយ រថយន្តដឹកទំនិញខាងលើ ឈប់អែបក្បែរចិញ្ចើមផ្លូវ នារីជិះកង់រូបនោះ មានឱកាសឈប់កាច់កញ្ចក់ឡាននោះទម្លាក់ចោលនៅកណ្តាលផ្លូវ មុនពេលប្រញាប់ប្រញាល់ធាក់កង់ គេចចេញយ៉ាងលឿនស្លេវបាត់ស្រមោលតែម្តង៕
ចង់ដឹងយ៉ាងណានោះទស្សនាវីដេអូខាងក្រោមទាំងអស់គ្នា៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
