(ភ្នំពេញ)៖ បុរសម្នាក់ដែលកម្មករសំណង់ ត្រូវបានគេប្រទះឃើញដេកស្លាប់ នៅលើជាន់ឡៅតឿ ក្នុងការដ្ឋានសំណង់មួយកន្លែង នៅព្រឹកថ្ងៃទី២២ ខែកុម្ភៈ ឆ្នាំ២០១៧ ស្ថិតនៅក្នុងបុរីសែនមនោរម្យ ក្នុងភូមិកន្ទោកខាងជើង សង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ។
សមត្ថកិច្ចបានឱ្យដឹងថា ជនរងគ្រោះ ឈ្មោះ នុត ស៊ីថា (ហៅស) អាយុ៣៥ឆ្នាំ មុខរបរជាងសំណង់ មានស្រុកកំណើតនៅ ក្នុងភូមិតាជ័យ ឃុំបឹងព្រះ ស្រុកបាភ្នំ ខេត្តព្រៃវែង និងស្នាក់នៅកន្លែងកើតហេតុខាងលើ ហើយប្រពន្ធ ឈ្មោះ ភាជ ស្រីណុច អាយុជាង២០ឆ្នាំ កំពុងមានផ្ទៃពោះដំបូង និងជិតគ្រប់ខែទៀតផង។
ដោយឡែក ការស្លាប់របស់ជនរងគ្រោះ សង្ស័យបណ្ដាលមកពីជម្ងឺគាំងបេះដូង ហើយក្រោយពេលនគរបាល ចុះមកធ្វើកោសល្យវិច័យរួច សពត្រូវបានក្រុមគ្រួសារនាំយកទៅធ្វើបុណ្យនៅស្រុកកំណើត។
សមត្ថកិច្ចបានឲ្យដឹងថា កាលពីវេលាយប់ថ្ងៃទី២១ ខែកុម្ភៈ ឆ្នាំ២០១៧ ក្រោយពេលធ្វើការងារចប់ បុរសរងគ្រោះបានផឹកស្រាបៀរជុំគ្នាជាមួយមិត្តភក្ដិ រួមការងារប៉ុន្តែ ខណៈនោះជនរងគ្រោះបានផឹកអស់ តែ២កំប៉ុងប៉ុណ្ណោះ ក៏បានឡើងទៅដេកនៅលើជាន់ឡៅតឿ នៅក្នុងការដ្ឋានសំណង់ខាងលើ។
ខណៈនោះមិនមាននរណាបានដឹងថា មានរឿងអ្វីកើតឡើងនោះឡើយ លុះដល់ព្រឹកថ្ងៃទី២២ ខែកុម្ភៈ ដោយមិនឃើញគាត់ ក្រោកធ្វើការបុរសម្នាក់ដែលជាមេការសំណង់ បានឡើងទៅមើល និងដាស់ឲ្យក្រោក ដើម្បីធ្វើការស្រាប់តែ ប្រទះឃើញបុរសនោះស្លាប់បាត់ទៅហើយ៕
ប្រភព៖ Fresh News
ដោយឡែករំលឹកព័ត៌មានមួយផ្សេងទៀត៖ កម្មការិនី៧៧នាក់ ពុលថ្នាំបាញ់ស្រូវនៅបាធាយនាំមកសង្គ្រោះនៅមន្ទីរពេទ្យ
ខេត្តកំពង់ចាម ៖ មានហេតុការណ៍ភ្ញាក់ផ្អើលមួយ ដោយកម្មករកាត់ដេរសម្លៀកបំពាក់ មានអាការៈក្អួតចង្អោរ ទន់ដៃជើង អស់កម្លាំងល្ហិតល្ហៃ ដែលហេតុការណ៍នោះកើតឡើងនៅព្រឹកថ្ងៃទី២១ កុម្ភៈ ២០១៧
នេះ ស្ថិតនៅភូមិបាធាយ ឃុំបាធាយ ស្រុកបាធាយ ។ ជនរងគ្រោះត្រូវបានគេដឹកតាមរថយន្តមកសង្គ្រោះជាបន្ទាន់ នៅមន្ទីរពេទ្យបង្អែកស្រុកបាធាយ ជាបន្ទាន់ ដែលមានរហូតដល់ទៅ៧៧នាក់។
លោកវរសេនីយ៍ ឯក សំ ណាល់ អធិការនគរបាលស្រុកបាធាយ ឲ្យដឹងថា ស្របពេលដែលកម្មការិនីកំពុងតែនាំគ្នាធ្វើការក្នុងរោងចក្រ អ៊ី ឈាន នោះស្រាប់តែមានក្លិនថ្នាំបាញ់ស្រូវ ដែលប្រជាកសិករនាំគ្នា បាញ់ស្រូវជិតរោងចក្រ ជាហេតុធ្វើឲ្យចំហាយបានជះចូលក្នុងអគារកាត់ដេរសម្លៀកបំពាក់ ក៏បណ្តាលឲ្យកម្មការិនីចំនួន៤២នាក់ បានពុលក្អួតចង្អោរអស់កម្លាំង ហើយត្រូវបានរថយន្តសាមុយ របស់មន្ទីរពេទ្យប្រញាប់មកដឹកយកទៅសង្គ្រោះជាបន្ទាន់ផងដែរ។
អធិការនគរបាល ស្រុកបាធាយ ប្រាប់បន្តថា ក្នុងពេលដែលមានហេតុការណ៍ពុលលើកទី១ អាជ្ញាធរឃុំធ្លាប់បានធ្វើការនាំណាំដល់កសិករចំនួន៣ចំណុចក្នុងនោះមាន ១-បាញ់ថ្នាំស្រូវនៅពេលម៉ោង៦ល្ងាច ២-លើកទី២បាញ់នៅល្ងាចថ្ងៃទីសៅរ៍ម៉ោង៦ និងថ្ងៃអាទិត្យបាញ់មួយព្រឹកទល់ល្ងាច តែករណីនេះកសិករមិនព្រមស្តាប់ការណែនាំនោះទេ ដោយបានលួចបាញ់ថ្នាំស្រូវ ខុសលក្ខខណ្ឌទើបបណ្តាលឲ្យ ពុលយ៉ាងដូច្នេះ។
លោកវេជ្ជបណ្ឌិត ទូច ហួត ប្រធានមន្ទីរពេទ្យ បង្អែកស្រុកបាធាយ មានប្រសាសន៍ឲ្យដឹងថា កម្មការិនីដែលពុលថ្នាំបាញ់ស្រូវនោះ ត្រូវបានដឹកមកសង្គ្រោះនៅមន្ទីរពេទ្យ បានកើនដល់ទៅ៧៧នាក់ នៅព្រឹកថ្ងៃខាងលើមានអ្នកខ្លះ ត្រូវបានបញ្ចូលខ្យល់អុកស៊ីសែន និងចាក់ថ្នាំក្រោមកិច្ច ខិតខំប្រឹងប្រែងរហូត ហើយរហូតដល់វេលាម៉ោង៣រសៀលថ្ងៃដដែល បានចេញត្រលប់ទៅផ្ទះវិញអស់ហើយ។
សូមបញ្ជាក់ថា នេះជាការពុលលើកទី៣ហើយ ដែលលើកទីមួយមានជាង១០០នាក់ លើកទី២មានជាង៥០នាក់ និងលើកទី៣មានដល់ទៅ៧៧នាក់៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]