រាជធានីភ្នំពេញ ៖ មានករណីអំពើផិតក្បត់មួយ កើតឡើងនៅវេលាម៉ោង ៩និង១០នាទី យប់ថ្ងៃទី២១ កុម្ភៈ ២០១៧នេះ ស្ថិតនៅផ្ទះជួលក្នុងភូមិព្រៃល្វា សង្កាត់ចោមចៅ ខណ្ឌពោធិ៍សែនជ័យ។ តាមសម្ដីរបស់បុរសជាប្ដីបានឲ្យដឹងថា ប្រពន្ធរបស់គេ ហើយនឹងប្រុសសាហាយនេះ ធ្លាប់មានទំនាក់ទំនងជាមួយគ្នា ជាយូរមកហើយដែរ។ ហើយរូបគេជាប្ដីក៏ធ្លាប់បានព្រមាន សាហាយរួចហើយម្ដងដែរ តែសាហាយនោះនៅតែព្រហើន លួចចងសម្ព័ន្ធមេត្រី ឆ្មក់ឆីប្រពន្ធគេដដែល។
រហូតដល់វេលា កើតហេតុខាងលើ រូបគេជាប្ដីបានឮសំឡេង ប្រុសសហាយនេះ នៅក្នុងបន្ទប់ខ្លួនទៀត ទើបរូបគេបានចាក់សោ ពីខាងក្រៅបន្ទប់ ហើយបានប្ដឹងសមត្ថកិច្ច មកអន្តរាគមន៍ភ្លាមៗផងដែរ។
ចំណែកឯស្ដ្រីជាភរិយា ដែលផិតប្ដីនេះមានឈ្មោះ ម៉េត ចាន់ណា អាយុ២៥ឆ្នាំ មុខរបរកម្មការិនីរោងចក្រ ស្នាក់នៅបន្ទប់ជួល ក្នុងភូមិឃុំ កើតហេតុខាងលើ មិនព្រមឆ្លើយសារភាពថា ខ្លួនមានសាហាយក្បត់ចិត្តប្ដីឡើយ គេគ្រាន់តែរាប់អានគ្នា ហើយហៅមកហូបបាយនៅផ្ទះធម្មតាប៉ុណ្ណោះ។
ប៉ុន្តែបុរសជាសាហាយ ដែលមានឈ្មោះ កែវ ហៃ អាយុ២៩ឆ្នាំ មុខរបរកម្មកររោងចក្រ ស្នក់នៅផ្ទះជួល ក្នុងភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ បានសារភាពថា រូបគេ និងស្ដ្រីជាប្រពន្ធរបស់គេនេះ មានទំនាក់ទំនងប្រហែល៥ខែមកហើយ ហើយក៏ធ្លាប់រួមមេត្រីគ្នាបានសម្រេច ប្រហែល២ទៅ៣ដងដែរ។ ក្រោយពេលកើតហេតុ សមត្ថកិច្ចបានមកអន្តរាគមន៍ ហើយធ្វើការសាកសួរគូភាគីទាំងសងខាង ដើម្បីធ្វើកំណត់ហេតុអនុវត្តទៅតាមផ្លូវច្បាប់៕
ប្រភព៖ កោះសន្តិភាព
ដោយឡែក ព័ត៌មានចាប់អារម្មណ៍មួយផ្សេងទៀត៖
(ពោធិ៍សាត់)៖ មុខសញ្ញាអារ-ក និងកាប់ចិញ្ច្រាំលើរាងកាយជាច្រើនកន្លែង រួចកាត់លិង្គឪពុកចិញ្ចឹមបោះចោល កាលពីយប់ថ្ងៃទី២៣ ខែសីហា ឆ្នាំ២០១៥កន្លងទៅ នៅក្នុងភូមិទួលសំរោង ឃុំស្វាយដូនកែវ ស្រុកបាកាន ខេត្ដពោធិ៍សាត់ រួចវេចបង្វិចគេចខ្លួននោះ ឥឡូវនេះកម្លាំងសមត្ថកិច្ចឃាត់ខ្លួនបានហើយនៅថ្ងៃទី២០ ខែកុម្ភៈ ឆ្នាំ២០១៧។
សេចក្ដីរាយការណ៍ពីភ្នាក់ងារ Fresh News បានឲ្យដឹងថា ជនរងគ្រោះមានឈ្មោះ ហាក់ ហ៊ន អាយុ៧៤ឆ្នាំ ជាឪពុកចិញ្ចឹម រីឯជនដៃដល់មានឈ្មោះ ត្រឹង បូរី អាយុ២៨ឆ្នាំ ជាកូនចិញ្ចឹម រស់នៅភូមិឃុំកើតហេតុជាមួយជនរងគ្រោះ មានស្រុកកំណើតនៅខេត្ដព្រះវិហារ។
សេចក្តីរាយការណ៍បន្តថា ជនរងគ្រោះត្រូវបានជនដៃដល់ប្រើកាំបិតអារ-ក ដាច់បំពង់ខ្យល់ កាប់ទៅលើដើមទ្រូងរយះ២កន្លែង ចាក់ពោះធ្លាយចេញពោះរៀន និងកាត់លិង្គបោះចោល រួចជនដៃដល់បានវេចបង្វិចគេចខ្លួនបាត់រយៈពេល២ឆ្នាំ ទើបតែថ្ងៃទី២០ ខែកុម្ភៈ ឆ្នាំ២០១៧ សមត្ថកិច្ចស្រុកបាកានឃាត់ខ្លួនបាន។
សេចក្តីរាយការណ៍បន្តថា មូលហេតុដែលធ្វើឲ្យជនដៃដល់ហ៊ានប្រព្រឹត្តអំពើមនុស្សឃាតដូច្នេះ ពីព្រោះជនដៃដល់តែងតែផឹកស៊ីស្រវឹង ហើយជានិច្ចជាកាល។
បច្ចុប្បន្ន សមត្ថកិច្ច បាននិងកំពុងរៀបចំសំណុំរឿងបញ្ជូនជនដៃដល់ ទៅតុលាការដើម្បីផ្ដន្ទាទោសតាមផ្លូវច្បាប់៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
