(ភ្នំពេញ)៖ ជនជាតិចិនប្រុសស្រីបួននាក់ ស្រវឹងស្រាជោគ បើករថយន្តស៊េរីទំនើប ម៉ាក Bentley ស្លាកលេខភ្នំពេញ 2AX-3333ទៅបុករៈពីក្រោយរថយន្ត១គ្រឿង និងម៉ូតូ១គ្រឿង បណ្ដាលឲ្យមនុស្សរងបួសធ្ងន់ និងស្រាល៥នាក់ ខណៈដែលរថយន្តបង្ក និងក៏ដូចជារថយន្ត និងម៉ូតូ ដែលរងនូវការបុករះ ខូចខាតស្ទើរតែទាំងស្រុង។
គ្រោះថ្នាក់ចរាចរណ៍នេះ កើតឡើងនៅវេលាម៉ោង១៖៤០នាទីរំលងអាធ្រាត្រ ឈានចូថ្ងៃទី២២ ខែកុម្ភៈ ឆ្នាំ២០១៧ ស្ថិតនៅតាមបណ្ដោយ ផ្លូវនរោត្តម ត្រង់ចំណុចវិទ្យាល័យចតុមុខ ក្នុងសង្កាត់បឹងរាំង ខណ្ឌដូនពេញ។
តាមសំដីសន្តិសុខ ដែលយាមនៅជិតកន្លែងកើតហេតុ បានឲ្យដឹងថា មុនពេលបុកគេឃើញ ជនជាតិចិនប្រុសស្រីបួននាក់ ស្រវឹងស្រាជោគ បើករថយន្តស៊េរីទំនើបខាងលើ ទិសដៅពីជើងទៅត្បូង ក្នុងល្បឿនលឿន ប្រដេញគ្នាជាមួយរថយន្តមួយគ្រឿងទៀត មិនចាំម៉ាក ខណៈមកដល់ចំណុចកើតហេតុខាងលើ បានរេចង្កូតទៅបុករះរថយន្ត និងម៉ូតូ ដែលបើកស្របទិសគ្នា ពីក្រោយពេញទំហឹង បន្តទៅបុកម៉ូតូដែលជិះ ដោយនារីពីរនាក់បណ្តាលឲ្យរងរបួសធ្ងន់។
មនុស្សរងរបួសទាំងអស់ ត្រូវបានរថយន្តសង្គ្រោះរបស់គ្លីនិកឯកជន ដឹកយកទៅសង្គ្រោះភ្លាមៗផងដែរ។
ក្រោយកើតហេតុ សមត្ថកិច្ចមូលដ្ឋាន សហការជាមួយមន្ត្រីជំនាញ ចុះមកវាស់វែង និងស្ទួចយករថយន្តទាំង២ និងម៉ូតូ ទៅការិយាល័យចរាចរណ៍ផ្លូវគោក ស្នងការដ្ឋាន រាជធានីភ្នំពេញ រង់ចាំធ្វើការដោះស្រាយទៅតាមផ្លូវច្បាប់៕
ប្រភព៖ Fresh News
ដោយឡែករំលឹកព័ត៌មានមួយផ្សេងទៀត៖ ទូរស័ព្ទជាង២០ដងគ្មានអ្នកទទួល ពេលទៅមើលស្រាប់តែប្រទះឃើញកូនប្រុស..
រាជធានីភ្នំពេញ ៖ ដោយចម្លែកចិត្តខ្លាំងពេក ព្រោះទូរស័ព្ទទៅជាង២០ដងហើយកូនប្រុសមិនទទួលទូរស័ព្ទសោះ ឪពុកម្តាយក៏ត្រឡប់មកផ្ទះដើម្បីមើល ពេលមកដល់ផ្ទះស្រាប់តែប្រទះឃើញកូនប្រុសចង.កសម្លាប់ខ្លួនបាត់ទៅហើយដោយបន្សល់ទុកតែពាក្យបណ្ដាំមួយច្បាប់ប៉ុណ្ណោះ ។
ហេតុការណ៍នេះកើតឡើងកាលពីវេលាម៉ោង៨ និង១៥នាទីយប់ ថ្ងៃទី២០ ខែកុម្ភៈ ឆ្នាំ២០១៧ នៅចំណុចផ្ទះលេខ ២៤ តាមបណ្តោយផ្លូវប៉េតុង ស្ថិតក្នុងភូមិព្រែក សង្កាត់ព្រែកប្រា ខណ្ឌច្បារអំពៅ ។
យុវជនរងគ្រោះឈ្មោះ ចេង មករា ភេទប្រុស អាយុ២៦ឆ្នាំ មុខរបរ បុគ្គលិកក្រុមហ៊ុនខ្សែកាប មានទីលំនៅកន្លែងកើតហេតុ ។
តាមប្រភពព័ត៌មានបានឲ្យដឹងថា យុវជនរងគ្រោះបច្ចុប្បន្នស្នាក់នៅជាមួយឪពុកម្តាយតែ៣នាក់ ដោយម្តាយ និងឪពុកជាអ្នកលក់ដូរនៅផ្សារច្បារអំពៅ ។ នៅវេលាកើតហេតុស្ត្រីជាម្តាយជនរងគ្រោះបានទូរស័ព្ទទៅសួរកូន ចង់ដឹងថា នៅផ្ទះ ឬអត់ ប៉ុន្តែទូរស័ព្ទទៅជាង២០ដង កូនប្រុសមិនទទួលសោះ ។ ដោយចម្លែកចិត្តពេក ស្ត្រីជាម្តាយ និងឪពុកបានមកផ្ទះមើល ក៏ឃើញផ្ទះត្រូវចាក់សោពីខាងក្នុង ។ ភ្លាមៗនោះក៏ហៅអ្នកជិតខាងឲ្យមកជួយកាត់សោទ្វារ លុះពេលកាត់រួច ក៏ដើរចូលទៅបន្ទប់កូនប្រុស តែបន្ទប់ចាក់សោពីក្នុងទៀត ប៉ុន្តែដោយស្ត្រីជាម្តាយមានកូនសោបន្ទប់ក៏ចាក់ចូលទៅមើល ស្រាប់តែឃើញកូនប្រុសចង.កនឹងកូនកន្សែងជាប់នឹងចម្រឹងមាត់បង្អួចស្លាប់បាត់បាត់ទៅហើយ ដោយគ្រាន់តែបានបន្សល់ទុកសំបុត្រ១ច្បាប់ សរសេរថា «លុយជំពាក់គេ៤០០០ដុល្លារ លោកអ្នកមានគុណទាំង២មិនបាច់សងគេទេ ទុកឲ្យកូនជាអ្នកដោះស្រាយ» ។
បន្ទាប់ពីរកឃើញមានលិខិតផ្តែផ្តាំចុងក្រោយរបស់យុវជនរងគ្រោះរួចមក សមត្ថកិច្ចសន្និដ្ឋានជាជំហានដំបូងថា ជនរងគ្រោះអាចជំពាក់លុយនរណាម្នាក់ចំនួន៤០០០ដុល្លារ ហើយគ្មានលុយសងគេ លុះពេលឪពុកម្តាយខ្លួន ដឹង ដោយមិនចង់ឲ្យមានការលំបាកដល់អ្នកមានគុណទាំង២ ក៏សម្រេចបញ្ចប់ជីវិតដោយបែបនេះតែម្តងទៅ ដើម្បីបញ្ចប់បំណុលដែលជំពាក់គេ ចៀសវៀងម្តាយឪពុកពិបាកទូលរែករកលុយសងជំនួសខ្លួន ។
សូមបញ្ជាក់ថា ក្រោយការធ្វើកោសល្យវិច្ច័យយ៉ាងល្អិតល្អន់រួចមក សមត្ថកិច្ចអះអាងថា ជនរងគ្រោះពិតជាស្លាប់ដោយសារចង.កសម្លាប់ខ្លួនឯងពិតប្រាកដមែន ពុំមានពាក់ព័ន្ធនឹងករណីឃាតកម្មអ្វីនោះទេ ។ ក្រោយការពិនិត្យរួចរាល់ សមត្ថកិច្ចសម្រេចប្រគល់សពជូនក្រុមគ្រួសារសាច់ញាតិ ដើម្បីយកទៅធ្វើបុណ្យតាមប្រពៃណី ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]