បុគ្គលិកទូរទស្សន៍ម្នាក់របស់ CNC ត្រូវបានឡានបាញ់ស៊ីម៉ង់កិនស្លាប់ យ៉ាងរន្ធត់ (មានវីដេអូ)

ភ្នំពេញ៖ កាលពីវេលាម៉ោង ៩និង៣០នាទីថ្ងៃទី ២១ខែកុម្ភៈនេះ ហេតុការណ៍គ្រោះថ្នាក់ចរាចរណ៍ដ៏គួរឲ្យរន្ធត់មួយ បានកើតឡើងនៅលើកំណាត់ផ្លូវស្របតាមបណ្ដោយមាត់ទន្លេ ខណៈដែលជនរងគ្រោះត្រូវបានស្គាល់ថាជាបុគ្គលិករបស់ស្ថានីយ៍ទូរទស្សន៍ CNC។

ជនរងគ្រោះដែលត្រូវបានរថយន្តបាញ់ស៊ីម៉ង់កិនស្លាប់នេះ ត្រូវបានស្គាល់អត្តសញ្ញាណជាបឋមឈ្មោះ ស្រូយនីកា ភេទប្រុស ខណៈដែលគាត់បានជិះម៉ូតូមួយគ្រឿងពណ៌ស ចេញពីហាងម្ដុំមាត់ទន្លេនេះ តែចៃដន្យបានប៉ះជាមួយ នឹងរ៊ឺម៉កកង់បី ខ្ទាតទៅប៉ះនឹងរថយន្តមួយគ្រឿងទៀត បណ្ដាលឲ្យដួលទៅលើថ្នល់ ស្របពេលដែលរថយន្តក្រឡុកស៊ីម៉ង់មកដល់កិនក្បាល ស្លាប់ភ្លាមៗតែម្ដង។

រថយន្តបង្ក ជាប្រភេទរថយន្តក្រឡុកស៊ីម៉ង់ខ្នាតធំ ពាក់ស្លាកលេខ ភ្នំពេញ 5A-0988 ដែលរថយន្តនេះទំនងចេញពីបាញ់ស៊ីម៉ង់ក្បែរ តំបន់កើតហេតុនេះ។

ចង់ដឹងឲ្យកាន់តែច្បាស់ សូមទស្សនាវីដេអូខាងក្រោមដកស្រង់ចេញពី TVFB៖

ដោយឡែកពត៌មានគួរឲ្យចាប់អារម្មណ៍មួយទៀត៖

អីក៏សាហាវម្ល៉េះ! ខឹងម្ចាស់ហាងមី គិតលុយលើសបន្តិចសោះ ទាញកាំបិត កាត់ក្បាលដាច់ពីខ្លួន

ចិន៖ សារព័ត៌មាន សៀងហៃ របស់ចិន បានចុះផ្សាយកាលពីថ្ងៃទី២០ ខែកុម្ភៈ ឆ្នាំ២០១៧ថា បុរសជាអតិថិជននៅក្នុងហាងមីមួយកន្លែង បានបង្កជម្លោះយ៉ាងខ្លាំងជាមួយនឹងម្ចាស់ហាង រហូតដល់ទាញកាំបិតកាត់ក្បាលម្ចាស់ហាងស្លាប់នៅនឹងកន្លែង។

ប្រភពព័ត៌មានបានឲ្យដឹងថា ហេតុការណ៍ដ៏រន្ធត់នេះ បានកើតឡើងកាលពីថ្ងៃសៅរ៍ សប្តាហ៍មុន ស្ថិតក្នុងទីក្រុង វូហាន (Wuhan) ខេត្ត Hubei គឺបន្ទាប់ពីបុរសជាអតិថិជនខាងលើ បានអះអាងថា គាត់ត្រូវបានម្ចាស់ហាងនេះ គិតលុយថ្លៃមីប៉ុន្មានចានរបស់គាត់ លើសតម្លៃដើម ៣ យ័ន (ប្រមាណ២០០០រៀល)។

ប្រភពព័ត៌មានបន្តថា បន្ទាប់ពីញ៉ាំមី អស់៣ចាន បុរសជាពលករចំណាកស្រុក វ័យ ២២ឆ្នាំ ត្រកូល ហ៊ូ (Hu) រូបនោះ ក៏បានអះអាងថា ម្ចាស់ហាងបានគិតលុយគាត់លើស ១យ័ន ក្នុងមីមួយចាន។ ភ្លាមៗនោះ ម្ចាស់ហាងក៏បានចេញមកបដិសេធនូវអ្វីដែលបុរសខាងលើលើកឡើង បង្កឲ្យមានជម្លោះ រហូតធ្វើឲ្យបុរសជាភ្ញៀវ ទាញកាំបិតមកកាត់ម្ចាស់ហាង វ័យ៤២ឆ្នាំ ដាច់ចេញពីខ្លួន ស្លាប់បាត់ភ្លាមៗនៅនឹងកន្លែង។

ក្រោយពេលកាត់ក្បាលម្ចាស់ហាងរួចភ្លាម បុរសចិត្តឆៅ រូបនោះ ក៏បានយកក្បាលទៅបោះចោលក្នុងធុងសំរាមមួយដែលនៅក្បែរនោះ។ ហើយមិនយូរប៉ុន្មានប៉ូលិសក៏បានមកដល់កន្លែងកើតហេតុ ហើយឃាត់ខ្លួនជនសង្ស័យបានភ្លាមៗផងដែរ។

តាមរយៈការស៊ើបសួររបស់ប៉ូលិសបានឲ្យដឹងថា បុរសខាងលើជាអ្នកស្រុកនៅក្នុងខេត្ត ស៊ីឈួន (Sichuan ) ហើយកន្លងមករូបគេធ្លាប់មានប្រវត្តិកើតជំងឺរោគចិត្ត និងប្រើប្រាស់អំពើហិង្សា ដោយធ្លាប់ស្នាក់នៅក្នុងមន្ទីរពេទ្យវិកលចរិត អស់រយៈពេលកន្លះឆ្នាំ កាលពីឆ្នាំមុន។

យោងតាមសម្តីរបស់បងប្អូនជីដូនមួយ ជនសង្ស័យ បានឲ្យដឹងថា បុរសត្រកូល ហ៊ូ (Hu) រូបនេះ បានបង្កការភ័យខ្លាចដល់ក្រុមគ្រួសាររបស់គេជាញឹកញាប់ ដោយបានប្រើប្រាស់អំពើហិង្សា ហើយគេថែមទាំងធ្លាប់វាយដំឪពុកម្តាយខ្លួនឯងថែមទៀតផង។ ខណៈម្តាយរបស់ជនសង្ស័យក៏បានឲ្យដឹងដែរថា គាត់ពិតជាសុំទោសខ្លាំងមែនទែន ដែលគាត់មិនបានប្រៀនប្រដៅកូនប្រុសរបស់គាត់ឲ្យបានល្អ។

គួរបញ្ជាក់ថា ចំពោះបុរសជាម្ចាស់ហាងមី ដែលបានស្លាប់នោះ ត្រូវបានគេរាយការណ៍គាត់មានកួនប្រុស វ័យ១៣ម្នាក់ កំពុងរស់នៅក្នុងបន្ទុក បន្ទាប់ពីលែងលះជាមួយប្រពន្ធកាលពី ៥ឆ្នាំមុន។ មិត្តភក្តិរបស់គាត់ជាច្រើន បានហៅគាត់ថា ជាមនុស្សស្មោះត្រង់ម្នាក់ ដែលមិនដែលគិតលុយលើស លើភ្ញៀវរបស់គាត់ណាម្នាក់ឡើយ៕