រាជធានីភ្នំពេញ ៖ សេចក្តីរាយការណ៍ឱ្យដឹងថា មានការភ្ញាក់ផ្អើលមួយ ដោយសារតែបុរសជាអ្នករត់ម៉ូតុឌុប ខណៈកំពុងឈប់ម៉ូតូចាំម៉ូយសុខៗ ស្រាប់តែប្រកាច់ក្អួតឈាមរហូតស្លាប់ កើតឡើងកាលពីវេលាម៉ោង០៨ និង១០នាទីព្រឹកថ្ងៃទី២១ កុម្ភៈ នេះ ស្ថិតត្រង់ចំណុចការដ្ឋានសំណង់មួយកន្លែង ក្នុងភូមិម័រ សង្កាត់ដង្កោ ខណ្ឌដង្កោ ។
ប្រភពឱ្យដឹងថា ជនរងគ្រោះឈ្មោះកៅ គន្ធី អាយុ៤៧ឆ្នាំ ជាអ្នករត់ម៉ូតូឌុប មានទីលំនៅក្នុងភូមិកើតហេតុខាងលើ ។
បើតាមក្រុមគ្រួសារឱ្យដឹងថា ជនរងគ្រោះជាបុរសពោះម៉ាយ ត្រូវប្រពន្ធរត់ចោលមានប្តីថ្មីរយៈពេល៤ឆ្នាំមកហើយ ។ បុរសរងគ្រោះបានខូចចិត្តខ្លាំង ដោយមួយថ្ងៃៗគិតតែផឹកតែស្រាមិនហូបបាយហូបទឹកនោះទេ ដើម្បីបំបាត់ទុក្ខគ្រប់យ៉ាង រហូតខ្លួនគាត់កើតជំងឺក្រិនថ្លើម តែខំប្រកបរត់ម៉ូតូឌុបជាធម្មតា ។
នៅព្រឹកថ្ងៃកើតហេតុនោះ បុរសរងគ្រោះក្រោយពីហូបភេសជ្ជៈ១កំប៉ុង ដោយមិនហូបនោះទេ ហើយបានចាំម៉ូយនៅមុខការដ្ឋានសំណង់ធម្មតា ស្រាប់តែដួលប្រកាច់ភ្លាមៗ និងឃើញក្អួតឈាមរហូតស្លាប់តែម្តង ។
ប្រភព៖ កោះសន្តិភាព
ដោយឡែករំលឹកព័ត៌មានមួយផ្សេងទៀត៖ មិនគួរ! ឈឺផ្តាសាយត្រូវពេទ្យចាក់២ម្ជុល ប្រកាច់ស្លាប់
ខេត្តស្វាយរៀង ៖ បុរសម្នាក់មានជំងឺផ្តាសាយ ក៏ជិះម៉ូតូទៅឱ្យគ្រូពេទ្យពិនិត្យនិងព្យាបាល ក៏ត្រូវគ្រូពេទ្យចាក់ថ្នាំអស់ ២ម្ជុល ស្រាប់តែប្រកាច់ត្រដ.ខ្យល់ស្លាប់ភ្លាមៗ បង្កការភ្ញាក់ផ្អើលយ៉ាងខ្លាំង ហើយលោកគ្រូពេទ្យរូបនោះ បានដាក់មេប្រូចបាត់ ។
ហេតុការណ៍ចាក់ថ្នាំស្លាប់នេះ គឺកើតឡើងកាលពីវេលាម៉ោង០៦ និង៤០នាទីល្ងាចថ្ងៃទី១៩ កុម្ភៈ ស្ថិតនៅភូមិបឹងវែង ឃុំស្វាយជ្រំ ស្រុកស្វាយជ្រំ ។
បើតាមស្ត្រីឈ្មោះផាង សារ៉ាន អាយុ៥០ឆ្នាំ ជាប្រពន្ធបានឱ្យដឹងថា ប្តីគាត់ដែលស្លាប់ឈ្មោះព្រាប សុវណ្ណ អាយុ៤៤ឆ្នាំ ជាអ្នកបើករថយន្តដឹកកម្មករ ។ នៅមុនពេលកើតហេតុ ប្តីគាត់មានជំងឺផ្តាសាយ មួយអាទិត្យមកហើយ ប៉ុន្តែនៅតែបើកបររថយន្តដឹកកម្មកររាល់ថ្ងៃបាន ។ លុះនៅថ្ងៃកើតហេតុ វេលាម៉ោងប្រមាណជា០៦ និង២០នាទីល្ងាចដដែល ប្តីគាត់បានប្រាប់កូនថា ឪមិនស្រួលខ្លួនទេ ឪទៅផ្ទះពេទ្យឲ្យគេពិនិត្យរកថ្នាំលេប ហើយចាំមកវិញ ចាំស្លម្ហូប ។
ជនរងគ្រោះជិះម៉ូតូ ទៅផ្ទះពេទ្យឈ្មោះសុខ ហ៊ិន ភេទប្រុស អាយុ៧១ឆ្នាំ ជាអតីតពេទ្យចូលនិវត្សនៅភូមិជាមួយគ្នា ចម្ងាយជិត១គីឡូម៉ែត្រ ដើម្បីពិនិត្យព្យាបាល ស្រាប់តែម៉ោងប្រមាណជា៦ និង៤០នាទីល្ងាច កូនប្រុសគ្រូពេទ្យឈ្មោះសុខ កុសល ទូរសព្ទ័ហៅរូបគាត់ជាប្រពន្ធថា បងស្រីជួយទៅមើលបងប្រុសផង មិនដឹងយ៉ាងម៉េចទេ មុខឡើងខ្មៅអស់ហើយ ។
គ្រាន់តែឮភ្លាម កូនៗក៏បានបើករថយន្តទៅមើល តែឪពុកបានស្លាប់បាត់ទៅហើយ ប៉ុន្តែប្រពន្ធកូនមិនអស់ចិត្ត បានលើកជនរងគ្រោះ ដាក់លើរថយន្តដឹកបញ្ជូនទៅមន្ទីរពេទ្យបង្អែក ស្រុកស្វាយជ្រំ ដើម្បីសង្គ្រោះ ក៏ប៉ុន្តែគ្រូពេទ្យប្រាប់ថា ជនរងគ្រោះស្លាប់បាត់ទៅហើយ ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
