គង់ វង្សយ៉ាទី ពិតជាស្រស់ស្អាត នៅក្នុងថ្ងៃខួបកំណើតរបស់ខ្លួន ឆ្នាំនេះ!

ភ្នំពេញ៖ តារាសម្តែងស្រី និងជាពិធីការិនីស្រស់ស្អាតមួយរូប កញ្ញា គង់ វង្សយ៉ាទី ពិតជាមានសម្រស់ស្រស់ស្អាតយ៉ាងខ្លាំង នៅក្នុងថ្ងៃខួបកំណើតរបស់នាង នៅក្នុងឆ្នាំនេះ ដោយសារតែសម្លៀកបំពាក់ពណ៌ស មួយឈុតប្រៀបដូច ព្រះនាងក្នុងរឿងនិទាន ព្រមទាំងមានការតុបតែងលម្អទៅដោយប៉េងប៉ោងពណ៌ស ដ៏ស្រស់ស្អាតជាច្រើនទៀតផងដែរ។

កញ្ញា គង់ វង្សយ៉ាទី បានធ្វើពិធីជប់លៀងអបអរថ្ងៃខួបកំណើតរបស់ខ្លួន កាលពីថ្ងៃទី១៨កុម្ភៈកន្លងទៅ ជាមួយនឹងក្រុមគ្រួសារ និងមិត្តភក្តិមួយចំនួន ដូចជា កញ្ញា ម៉ាក សែនសូនីតា ជាដើម ដែលជាមិត្តភក្តិស្និទ្ធិស្នាលបំផុតរបស់នាង។

បច្ចុប្បន្ន គង់ វង្សយ៉ាទី ជាតារាស្រីមួយដួងដែលកំពុងតែទទួលបានការគាំទ្រយ៉ាងខ្លាំងពីទស្សនិកជន តាមរយៈការបង្ហាញខ្លួនជាតារាសម្តែង នៅតាមខ្សែភាពយន្តនានានៅក្នុងស្រុក ក៏ដូចជាតាមកម្មវិធីតន្រ្តីតូចធំជាច្រើនផ្សេងៗទៀត។ ដោយភាពជោគជ័យនៅក្នុងសង្គមសិល្បៈនេះ បានធ្វើឱ្យនាងទទួលបានប្រជាប្រិយភាពយ៉ាងខ្លាំង៕ 

ទស្សនារូបភាពខាងក្រោម៖

កំណត់ហេតុខ្មែរឡូត៖

ដោយឡែករំលឹកព័ត៌មានចាស់ ម្តាយតារាសម្តែង គង់ វង្សយ៉ាទី អះអាងថា រថយន្តថ្មីនេះ បានមកពីការបង់រំលោះ មិនមែនជំនួយឡើយ។

ការប្រើប្រាស់របស់ទំនើបៗ ក្លាយជារឿងពេញនិយម សម្រាប់មនុស្សបច្ចុប្បន្ន ពិសេសក្នុង​ចង្កោម​អ្នកសិល្បៈ ជាក់ស្តែងតារាសម្តែង គង់ ​វង្សយ៉ាទី បានធ្វើឲ្យអ្នកសិល្បៈមួយចំនួន ក្រឡេកមើលមិនដាក់ភ្នែក ក្រោយនាងជិះ​ឡានទំនើបថ្មីមួយគ្រឿង ទៅចូលរួមពិធីផ្សេងៗ។ ​រថយន្តទំនើបដែលនាងជិះនេះ ត្រូវបានម្តាយនាងអះអាងថា គឺជារថយន្តបង់រំលួសនោះទេ មិនមែនជាជំនួយរបស់បុរសណា ម្នាក់ឡើយ។

តាមការបញ្ជាក់របស់អ្នកស្រី ហាស់ ចរិយា ដែល​ជា​ម្តាយរបស់តារាសម្តែង គង់ វង្សយ៉ាទី បានបញ្ជាក់ថា រថយន្តថ្មីដែលទើបនឹងជិះ ​បានជាងមួយខែនេះ គឺជារថយន្តបង់រំលួស ដែលមានទឹកប្រាក់សុទ្ធទៅទិញ មិនដល់៥០ភាគរយផង រថយន្តទំនើបនោះម៉ាក Lexus LX 470។ អ្នកស្រីបន្តថា រថយន្តនេះតម្លៃ​ជាង ២​ម៉ឺនដុល្លារសហរដ្ឋអាមេរិកទេ ដែលក្នុងមួយខែៗ កូនអ្នកស្រីត្រូវបង់ទៅក្រុមហ៊ុនប្រមាណ ជាង​ប្រាំរយដុល្លារ​អាមេរិក។

ការបញ្ជាក់នេះធ្វើឡើង ព្រោះមិនចង់ឲ្យមានការលើកឡើងថា កូនអ្នកស្រីមានអ្នកទិញ​រថយន្តឲ្យ​។ រថយន្តដែលនាងជិះលើកមុន គឺរថយន្ត Lexus 300 ដែលជិះស្ទើលែងទៅមុខ​ហើយ ហើយដោយសារត្រូវទៅខេត្តឆ្ងាយៗ ទើបអ្នកស្រី និងកូនស្រី សម្រេចដូររថយន្តចាស់ចោល ខ្លាចមានបញ្ហា​តាមផ្លូវ។ មុនពេលសម្រេចចិត្តយករថយន្តនេះ កូនអ្នកស្រីទទួលបានការណែនាំច្រើន ពីអ្នក​សិល្បៈ​ដូចគ្នាផងដែរ។ ដោយសារការងារសិល្បៈ មួយរយៈពេលចុងក្រោយ​នេះ មានការរីក​ចម្រើន​ខ្លាំង ទើបអ្នកស្រី និងកូន សម្រេចចិត្តទិញរថយន្តថ្មី ដោយការបង់រំលួស ហើយការងារផ្លូវឆ្ងាយ ដែល​ត្រូវការ​រថយន្តដែល​ធន។

អ្នកស្រីលើកឡើងដែរថា កន្លងមកមិនទាន់នឹងដូរឡានថ្មីផង ចេះតែមានពាក្យថា អ្នកនេះ​ទិញឲ្យ អ្នកនោះទិញឲ្យ ទើបពិបាកនិយាយ ​ហើយមិនចង់ដោះដូរអីច្រើន។ កូនអ្នកស្រីចូលសិល្បៈ​ជាង៦ឆ្នាំហើយ ក៏សមល្បមនឹងអាចរករថយន្តថ្មី សមរម្យជិះនឹងគេបានដែរ ហើយក្នុងចង្កោមសិល្បៈ ដូចដឹងស្រាប់​ហើយ ពេលជិះរថយន្តចាស់គេមើលងាយ ហើយបើទិញរថយន្តថ្មី ច្បាស់ជាគេទិញឲ្យ ហើយដែលតាមពិតមួយ​ថ្ងៃៗ​ គ្មាន​ពេលសម្រាក ដើម្បីជួយខ្លួនឯង និងគ្រួសារនោះ។

ទោះជាយ៉ាងណា អ្នកស្រីមិនបានបង្ហាញក្តីបារម្ភ ក្នុងការបង់រំលួសរថយន្តថ្មីនេះទេ ព្រោះតែការងារសិល្បៈរបស់យ៉ាទី ក៏មានច្រើនគួរសម ​ដែលអាចទូទាត់ ទាន់ពេលវេលាបាន។ អ្នកស្រីរំពឹងដែរថា រថយន្តថ្មីនេះក៏នឹងនាំមកនូវ ​លាភសំណាង សម្រាប់កូនអ្នកស្រីផងដែរ ព្រោះបច្ចុបនប្បន្ន នាងកំពុងទទួលបានការងារសម្តែង និងជាពិធីការិនី​ជាច្រើនទៀត បន្តបន្ទាប់៕

• គង់ វង្សយ៉ាទី
• ម៉ូត