ភ្នំពេញ ៖ តារាសម្តែងសម្បុរស្រអែមស្រស់ កញ្ញាពៅ លីដា ល្បីថា បើកហាងលក់សាច់អាំងថ្មី ខណៈដែលបង្ហាញវត្តមានយ៉ាងពិសេស ក្នុងកម្មវិធីសម្ពោធភោជនីយដ្ឋានហេងហេង២ មើលទៅចេញមុខជាងគេ រហូតស្ទើរតែក្លាយជាម្ចាស់ហាង ដ៏លេចធ្លោម្នាក់ ។
ទោះយ៉ាងណាក៏ដោយ ស្រីស្រស់ ពៅ លីដា បានច្រានដំណឹងមានហ៊ុន និងជាថៅកែនៅទីនោះ ខណៈដែលនាង គ្រាន់តែមានទំនាក់ទំនងជិតស្និត ជាមួយថៅកែហាងនោះ ។
កញ្ញាពៅ លីដា តារាសម្តែងស្រស់ស្អាត បានឲ្យដឹងថា នាងមិនមានអ្វីពាក់ព័ន្ធ និងការចំណាយប្រាក់ បើកហាងសាច់អាំងគ្រឿងសមុទ្រ ហេងហេង២ នៅម្តុំបឹងត្របែកនោះទេ ពោលគឺ រវាងនាង និងម្ចាស់ហាង បងស្រីជាថៅកែហាង គឺបានរាប់អានស្រឡាញ់គ្នា ជាមិត្តភាពយូរមកហើយ ទើបនាងចូលរួមជាកិត្តិយសតែម្តង ។
កញ្ញា បន្តថា ដោយសារថ្ងៃពិសេស សិរីសួស្តីនៃការរកស៊ី នាងក៏ឆ្លៀតឡើងច្រៀង បានប៉ុន្មានបទ ជូនបងប្អូនភ្ញៀវមកពិសារអាហារឆ្ងាញ់ៗ នៅទីនោះយ៉ាងពេញមុខ ទើបមានការយល់ច្រឡំតែម្តង បើមិនប្រញាប់បកស្រាយទេ ច្បាស់ជាលេចឮព័ត៌មានថា នាងមានអ្នកឧបត្ថម្ភអីបន្តទៀតហើយ ធាតុពិតនាងអត់មានអ្នកណានោះទេ។
សូមជម្រាបថា បន្ទាប់ពីត្រឡប់ពីច្រៀងរាំលើកដំបូង នៅសហរដ្ឋអាមេរិក តារាសម្តែងស្រអែមស្រស់ កញ្ញា ពៅ លីដា ដើមឆ្នាំ២០១៧នេះ កាន់តែមានការងារសិល្បៈ មមារញឹក ថតរឿងភាគឲ្យទូរទស្សន៍ និងរឿងដុំ និងមានរូបសម្រស់ស្រស់ស្អាត សាច់ឈាម ទ្រលុកទ្រលន់ ជាងមុន ដូចជាដាក់ថ្នាំត្រូវ៕
ប្រភព៖ Looking Today
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]