រាជធានីភ្នំពេញ ៖ កាលពីយប់ថ្ងៃទី១៩ ខែកុម្ភៈ ឆ្នាំ២០១៧ បងប្រុសរបស់ឈ្មោះ ប៊ុន សុខលៀង ភេទស្រី ហៅ ស្រីមុំ អាយុ២២ឆ្នាំ បានធ្វើដំណើរទៅប៉ុស្តិ៍នគរបាលរដ្ឋបាលចោមចៅ អះអាងថា ប្អូនស្រីរបស់ខ្លួននៅរស់នៅឡើយទេ ហើយនៅពេលនេះគឺនៅឯស្រុកកំណើតឯណោះ ។
ការធ្វើដំណើរទៅប៉ុស្តិ៍នគរបាល អះអាងថា នេះបន្ទាប់ពីមានគេអះអាងថា សពស្ត្រីម្នាក់ដែលត្រូវបានគេប្រទះឃើញ កាលពីវេលាម៉ោង៨ព្រឹកថ្ងៃទី១៩ ខែកុម្ភៈ ឆ្នាំ២០១៧ នៅក្នុងបឹងមួយកន្លែង ដែលមានទីតាំងស្ថិតនៅ ជិតស្ពានទួលពង្រ ក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ត្រូវបានគេអះអាងថា ជាស្ត្រីឈ្មោះ ប៊ុន សុខលៀង ហៅ ស្រីមុំ ។
គួររម្លឹកថា សាកសពស្ត្រីម្នាក់ ត្រូវបានបុរសអ្នកដកក្រអៅឈូកម្នាក់ បានប្រទះឃើញក៏បង្កឲ្យមានការ ភ្ញាក់ផ្អើលទាំងព្រឹក ក្នុងខណៈដែលបុរសម្នាក់នោះចុះទៅដកក្រអៅឈូកនៅក្នុងបឹងមួយកន្លែង ដែលមានឈូក និងស្មៅកក់ដុះយ៉ាងទ្រុប ហើយសពនោះទើបស្លាប់ប្រហែល ២ថ្ងៃប៉ុណ្ណោះ ។ តាមការធ្វើកោសល្យវិច្ច័យរបស់នគរបាលបច្ចេកទេស នៃស្នងការដ្ឋានគរបាលរាជធានីភ្នំពេញ នាងត្រូវបានឃាតករ ធ្វើសកម្មភាពច្របាច់កសម្លាប់ ។
សូមបញ្ជាក់ថា រហូតមកទល់ពេល សពស្ត្រីខាងលើនៅតែមិនទាន់ស្គាល់អត្តសញ្ញាណច្បាស់លាស់នៅឡើយ ប៉ុន្តែទោះជាយ៉ាងណា នគរបាលមូលដ្ឋាន និងនគរបាលការិយាល័យបច្ចេកទេស នៃស្នងការដ្ឋាននគរបាលរាជធានីភ្នំពេញ យកសាកសពទៅកាន់ឈាបនដ្ឋានវត្តអង្គតាមិញ ដើម្បីធ្វើការពិនិត្យកោសល្យវិច្ច័យ ជាលទ្ធផលពិនិត្យឃើញថា ស្ត្រីរងគ្រោះត្រូវបានឃាតករ ច្របាច់កសម្លាប់ ហើយពេលនេះនគរបាលកំពង់ស្រាវជ្រាវ រកសាច់ញាតិឲ្យទៅទទួល សាកសពធ្វើបុណ្យតាមប្រពៃណី ៕
ប្រភព៖ កោះសន្តិភាព
កំណត់ហេតុខ្មែរឡូត៖
គួររំលឹកព័ត៌មានចាស់ដែរថា ចុះដកក្រអាវឈូក មិនទាន់បានដកផងរត់ឡើងមកវិញស្រែកហៅគេឲ្យជួយ
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា ហេតុការណ៍ដ៏ភ្ញាក់ផ្អើលមួយបានកើតឡើងកាលពីវេលាម៉ោង៩ និង២០នាទីព្រឹក ថ្ងៃទី១៩ ខែកុម្ភៈ ឆ្នាំ២០១៧ ខណៈអ្នកដកក្រអាវឈូកលក់ម្នាក់បានប្រទះឃើញសពស្ត្រីម្នាក់នៅក្នុងស្មៅកក់នៅក្នុងទឹកត្រពាំងមួយកន្លែងស្ថិតក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។
ប្រភពពីកន្លែងកើតហេតុបានឲ្យដឹងថា មុនពេលកើតហេតុអ្នកដកក្រអាវឈូកម្នាក់បានចុះទៅដកក្រអាវឈូកដើម្បីយកទៅលក់ដើម្បីប្រាក់ចិញ្ចឹមជីវិត ខណៈទើបតែចុះទៅមិនទាន់ទាំងបានដកផង ក៏ប៉ះនឹងរបស់ទន់ៗក៏រាវមើល ស្រាប់តែប៉ះចំសពមនុស្សម្នាក់ធ្វើឲ្យគាត់ភ័យខ្លាចយ៉ាងខ្លាំងក៏រត់ឡើងមកវិញស្រែកហៅគេហៅឯងឲ្យជួយរាយការណ៍ទៅប្រាប់សមត្ថកិច្ច ។
សេចក្តីរាយការណ៍បន្តថា បន្ទាប់ពីទទួលបានព័ត៌មានភ្លាម សមត្ថកិច្ចក៏ចុះទៅដល់កន្លែងកើតហេតុដើម្បីពិនិត្យ តែជាជំហ៊ានដំបូងគ្រាន់តែដឹងថា ជាសពមនុស្សស្រីសង្ស័យស្លាប់ដោយអំពើឃាតកម្មប៉ុណ្ណោះ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]