(ព្រះសីហនុ)៖ កម្លាំងនគរបាលខេត្តព្រះសីហនុ ក្រោមការបញ្ជាពីលោកឧត្តមសេនីយ៍ទោ ជួន ណារិន្ទ ស្នងការនគរបាលខេត្ត បានបំបែកសំបុកចោរគាស់ទម្លុះទម្លាយមួយក្រុម ដោយចាប់បានជនសង្ស័យ៥នាក់ជាបន្ដបន្ទាប់ និងដកហូតបានវត្ថុតាង សម្ភារៈពាក់ព័ន្ធមួយចំនួនធំ។
លោកឧត្តមសេនីយ៍ត្រី កុល ផាលី ស្នងការរងខេត្ត បានឲ្យដឹងនៅព្រឹកថ្ងៃទី១៩ ខែកុម្ភៈ ឆ្នាំ២០១៧នេះថា នៅយប់ថ្ងៃទី១៦ ខែកុម្ភៈ ឆ្នាំ២០១៧ មានករណីចោរកម្ម (គាស់ទម្លុះទម្លាយ) មួយកើតឡើង បង្កឡើងដោយជនសង្ស័យចំនួនមួយក្រុម បន្ទាប់ពីទទួលបានបណ្តឹងរាយការណ៍ កម្លាំងជំនាញការិយាល័យកណ្តាលនគរបាលព្រហ្មទណ្ឌ សហការណ៍ជាមួយកម្លាំងអធិការដ្ឋាននគរបាលក្រុង បានចុះធ្វើការបង្ក្រាបជាបន្ទាន់ និងធ្វើការឃាត់បានជនសង្ស័យបានម្នាក់ ឈ្មោះ ម៉េង ឈាង ហៅវ៉ាង អាយុ២៦ឆ្នាំ (មានដីការចាប់ខ្លួន ពីបទចោរកម្ម)។
លោកស្នងការរង បញ្ជាក់ថា តាមការស្រាវជ្រាវ និងចម្លើយសារភាពរបសជនសង្ស័យ បានឲ្យដឹងថា បក្ខពួករបស់គេមានចំនួន៤នាក់ បានចូលរួមធ្វើសកម្មភាពចោរកម្ម គាស់ទម្លុះទម្លាយ នៅក្រុងព្រះសីហនុជាញឹកញាប់រួមមានឈ្មោះ៖
ទី១៖ ឈ្មោះ ជូវ សំណាង ហៅខ្នាង អាយុ២៧ឆ្នាំ មុខរបរ មិនពិតប្រាកដ មានទីលំនៅ ភូមិអណ្តូងថ្ម ឃុំអណ្តូងថ្ម ស្រុកព្រៃនប់
ទី២៖ ឈ្មោះ លី សុភ័ក្រ្ត ហៅតួ អាយុ១៨ឆ្នាំ មុខរបរ រត់តុការ មានទីលំនៅ ភូមិអណ្តូងថ្ម ឃុំអណ្តូងថ្ម ស្រុកព្រៃនប់
ទី៣៖ ឈ្មោះ ជូវ ឌីណា អាយុ២៨ឆ្នាំ មុខរបរ កម្មករសំណង់ មានទីលំនៅ ភូមិអណ្តូងថ្ម ឃុំអណ្តូងថ្ម ស្រុកព្រៃនប់
ទី៤៖ ឈ្មោះ សុខ ចំរើន ហៅដូច អាយុ២៥ឆ្នាំ មុខរបរ មិនពិតប្រាកដ មានទីលំនៅ ភូមិអណ្តូងថ្ម ឃុំអណ្តូងថ្ម ស្រុកព្រៃនប់។
បើតាមលោកឧត្តមសេនីយ៍ត្រី កុល ផាលី បន្ទាប់ពីស្តាប់ចម្លើយសារភាពរបស់ជនសង្ស័យឈ្មោះ ម៉េង ឈាង ហៅវ៉ាង កម្លាំងជំនាញការិយាល័យកណ្តាលនគរបាលព្រហ្មទណ្ឌ បានធ្វើការសហការជាមួយកម្លាំងអធិការនគរបាលស្រុកព្រៃនប់ស្រាវជ្រាវ ស៊ើបអង្កេត រហូតដល់ថ្ងៃទី១៩ ខែកុម្ភៈ ឆ្នាំ២០១៧ បានធ្វើការបង្ក្រាប និងចាប់បានបក្ខពួករបស់ឈ្មោះ ម៉េង ឈាង ហៅវ៉ាង ដូចមានឈ្មោះខាងលើ។
ក្រោយប្រតិបត្តិការឃាត់ខ្លួន កម្លាំងជំនាញ ដកហូតបាន៖ ម៉ូតូ៦គ្រឿង, សោរសម្រាប់កាច់បំបែកសោរកម៉ូតូ ១ឈុត, ដង្កាប់អូតូម៉ាទិច១ និងដង្កាប់កាត់ដែក១ ព្រមទាំងសម្ភារៈពាក់ព័ន្ធមួយចំនូនទៀត។
បច្ចុប្បន្នជនសង្ស័យ ត្រូវបានកម្លាំងជំនាញកំពុងកសាងសំណុំរឿង ដើម្បីបញ្ជូនទៅតុលាការ ចាត់ការតាមច្បាប់៕
ប្រភព៖ Fresh News
ដោយឡែករំលឹកព័ត៌មានមួយផ្សេងទៀត៖ សូមប្រុងប្រយ័ត្នដល់កូនតូចៗ ផ្អើលពេញក្រុងប៉ោយប៉ែតមានករណីចាប់ក្មេង
ខេត្តបន្ទាយមានជ័យ ៖ នៅក្នុងរយៈពេលប៉ុន្មានសប្តាហ៍ចុងក្រោយនេះ សន្តិសុខនៅក្រុងប៉ោយប៉ែត បាននិងកំពុងធ្វើអោយប្រជាពលរដ្ឋ មានការព្រួយបារម្ភយ៉ាងខ្លាំងពីសុខសុវត្ថិភាព ខណៈមានក្រុមសង្គមងងឹត បានពាក់ម៉ាស់មុខ ធ្វើសកម្មភាពចាប់ក្មេងៗជាច្រើនដងមកហើយ ដោយមិនដឹងពីគោលបំណង ពិតយ៉ាងណានោះនៅឡើយទេ ។
ជាក់ស្តែងកាលពីម្សិលមិញ មានករណីក្រុមសង្គមងងឹតមួយក្រុម បានចាប់ក្មេងញាត់ចូលក្នុងឡាន ដែលហេតុការណ៍នេះ បានកើតឡើងនៅវេលាម៉ោងជាង២រសៀលថ្ងៃទី១៧ ខែកុម្ភៈ ឆ្នាំ២០១៧ ស្ថិតនៅក្នុង ភូមិចាន់គិរី សង្កាត់និងក្រុងប៉ោយប៉ែត ខេត្តបន្ទាយមានជ័យ ។
ក្មេងរងគ្រោះ ដែលត្រូវគេចាប់មានឈ្មោះសេង មុន្នីរិតស័ក្ក ភេទប្រុស អាយុ៨ឆ្នាំ ដែលមានឱពុកឈ្មោះ តឹង គឹមសេង អាយុ៤៣ឆ្នាំ និងម្តាយឈ្មោះ ហុច សារ៉េត អាយុ៤៤ឆ្នាំ រស់នៅភូមិឃុំដូចខាងលើ ។
បើតាមសម្តីរបស់បងប្រុស ជនរងគ្រោះ មានអាយុប្រមាណ១០ឆ្នាំ បានរៀបរាប់ឲ្យដឹងថា ឱពុកម្តាយមិននៅផ្ទះ ជាប់រវល់ទៅធ្វើការកាស៊ីណូ ហើយមុនពេលកើតហេតុ រូបគេបានឃើញ រថយន្តតូរីស១គ្រឿង ម៉ាកសាំយ៉ុង មកឈប់នៅមុខផ្ទះរបស់ខ្លួន បន្ទាប់មកមានមនុស្សប្រុស ចំនួន០៥នាក់ ស្លៀកពាក់ខោអាវខ្មៅ បិតម៉ាស់មុខជិត ដើរចូលមកចាប់ប្អូនប្រុស របស់ខ្លួននៅផ្ទះ ។
បងប្រុសជនរងគ្រោះបន្តថា ក្រោយឃើញហេតុការណ៍ បែបនេះរូបគេ ជាបងប្រុសក៏ភ័យស្លន់ស្លោ រត់ទៅសម្ងំលាក់ខ្លួនពួននៅក្នុងផ្ទះតែម្តង ។
ក្រោយកើតហេតុឪពុកម្តាយ ក្មេងរងគ្រោះ បានទៅដាក់ពាក្យបណ្តឹងដល់សមត្ថកិច្ចប៉ូលិស និងប៉េអឹម ឲ្យជួយអន្តរាគមន៍ រកកូនប្រុសរបស់គាត់ផងដែរ ។ ប៉ុន្តែរហូតមកដល់ព្រឹកថ្ងៃ១៨ កុម្ភៈ សមត្ថកិច្ចមិនទាន់បានដំណឹងពីក្មេងរងគ្រោះនៅឡើយទេ ។ បងសូមអំពាវនាវ ឲ្យប្រជាពលរដ្ឋទូទាំងប្រទេសមានការប្រុងប្រយ័ត្នផងករណីមួយនេះផង ។
សូមបញ្ជាក់ថា កាលពីអំឡុងខែមករា ២០១៧ កន្លងមកក៏មានករណីចាប់ក្មេងៗកើតឡើង៤ទៅ៥ដងរួចមកហើយ នៅក្នុងក្រុងប៉ោយប៉ែត ប៉ុន្តែចាប់មិនបានសម្រេច ដោយក្មេងទាំងនោះបានរត់ចូលផ្ទះ ប្រជាពលរដ្ឋអោយគេជួយ ។ ហើយករណីចាប់ក្មេងនេះប្រជាពលរដ្ឋ ក៏ធ្លាប់បានរាយការណ៍ ទៅសមត្ថកិច្ចក្រុងប៉ោយប៉ែតជាច្រើនដងមកហើយ ប៉ុន្តែសមត្ថកិច្ចហាក់ មិនអើពើរហូតដល់មានការធ្លោយ បណ្តាលអោយក្រុមសង្គមងងឹតចាប់ ក្មេងប្រុសម្នាក់យកទៅបាន៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
