ខេត្តពោធិ៍សាត់ ៖ នារីវ័យក្មេងស្រស់ស្អាតម្នាក់បានត្រូវប្ដីវាយទាត់ធាក់រហូតសន្លប់បាត់ស្មារតី រួចរឹត.ករហូតស្លាប់ ហើយយកទៅចងជាប់នឹងសសរផ្ទះទៀត ។ ករណីឃាតកម្មនេះអាចកើតឡើងអំឡុងម៉ោង៤ ឬម៉ោង៥ទៀបភ្លឺ ថ្ងៃទី១៧ ខែកុម្ភៈ ឆ្នាំ២០១៧ នៅក្នុងផ្ទះរបស់ស្ត្រីរងគ្រោះស្ថិតក្នុងភូមិប៊ូស្រងែ ឃុំត្រពាំងជង ស្រុកបាកាន ខេត្តពោធិ៍សាត់ ប៉ុន្តែម៉ោង៤ និង៣០នាទីរសៀល ទើបគេប្រទះឃើញ និងមានការភ្ញាក់ផ្អើល។
លោកវរៈសេនីយ៍ទោ នាង វុធ អធិការនគរបាលស្រុកបាកាន បានឲ្យដឹងថា នារីរងគ្រោះឈ្មោះហ៊ាង ម៉ារី អាយុ១៩ឆ្នាំ ចំណែកប្ដីកំណាចជាឃាតករឈ្មោះ គង់ ជីវ អាយុ២៩ឆ្នាំ រស់នៅភូមិ-ឃុំកើតហេតុ ហើយប្តីប្រពន្ធនេះទើបតែរៀបការបានរយៈពេល២០ថ្ងៃប៉ុណ្ណោះ ។
លោកអធិការស្រុក ឲ្យដឹងទៀតថា នៅវេលាម៉ោង៤ និង៣០នាទីរសៀល ថ្ងៃទី១៧ កុម្ភៈ ប្អូនស្រីរបស់នារីរងគ្រោះបានបើកទ្វារឃើញបងស្រីរបស់ខ្លួនស្លាប់ដោយចងជាប់នឹងសសរផ្ទះមានការតក់ស្លុតយ៉ាងខ្លាំង ក៏រត់ទៅរាយការណ៍ប្រាប់សមត្ថកិច្ចឲ្យជួយអន្ដរាគមន៍ ។ បន្ទាប់ពីទទួលបានសេចក្ដីរាយការណ៍អំពីករណីឃាតកម្មនេះភ្លាម សមត្ថកិច្ចបានចុះទៅដល់កន្លែងកើតហេតុធ្វើការត្រួតពិនិត្យសាកសពឃើញថា នារីរងគ្រោះស្ថិតក្នុងសំលៀកបំពាក់ចងពុងសារុង ពុំមានស្លៀកខោលីអូ និងពាក់អាវទេ ។
លោកវរៈសេនីយ៍ទោ នាង វុធ នារីរងគ្រោះត្រូវជនដៃដល់ប្រើខ្សែរឹត.ក៣ជាន់វាយសម្លាប់ រួចយកទៅចងជាប់សសរផ្ទះ ។ នៅត្រង់ប្រដាប់ភេទមានឈាមរដូវហូរ ហើយនៅលើដងខ្លួនមានស្នាមជាំពេញខ្លួន និងមានឈាមហូរតាមមាត់ដែលជនដៃដល់ប្រើកណ្ដាប់ដៃវាយ និងជើងទាត់ធាក់មិនប្រើដំបង ឬឧបករណ៍មុតស្រួចនោះទេ ។ សាកសពស្លាប់ជាង១២ម៉ោងទៅហើយ អាចចន្លោះម៉ោង៤ ឬម៉ោង៥ទៀបភ្លឺថ្ងៃទី១៧នោះ ព្រោះថា ប្អូនស្រីរបស់នារីរងគ្រោះប្រទះឃើញកាលពីវេលាម៉ោង៤ និង៣០នាទីរសៀល ។
សមត្ថកិច្ចបានធ្វើការសន្និដ្ឋានថា ករណីឃាតកម្មប្ដីសម្លាប់ប្រពន្ធនេះ ទី១-អាចបណ្ដាលមកពីភ្លើងប្រចណ្ឌ, ទី២-អាចទំនាស់ផ្ទៃក្នុងគ្រួសារ និង ទី៣-អាចសុំប្រពន្ធរួមរ័ក្ស ប្រពន្ធមិនព្រម ព្រោះប្រពន្ធមករដូវ ធ្វើឲ្យប្ដីអន្ទះអន្ទែងកម្រោលចូល កើតជារឿងងងឹតងងល់បែបនេះ ។
ប្រភពព័ត៌មានឲ្យដឹងថា ជនដៃដល់ជាប្ដីជាប់ពាក់ព័ន្ធនឹងមុខសញ្ញាជក់ និងចែកចាយថ្នាំញៀនផងដែរ ហើយនៅវេលាម៉ោងប្រហែល៨ព្រឹក ថ្ងៃទី១៧ កុម្ភៈ គេឃើញជិះម៉ូតូនៅម្ដុំផ្សារបឹងខ្នារនៅឡើយទេ ។
ខណៈពេលនេះ សមត្ថកិច្ចកំពុងសហការគ្នាដុតដៃដុតជើងតាមប្រមាញ់ជនដៃដល់ជាប្ដី ដើម្បីចាប់ខ្លួនយកមកទទួលទោសចំពោះមុខច្បាប់ ៕
ប្រភព៖ កោះសន្តិភាព
ព័ត៌មានស្រដៀងគ្នានេះដែរ ករណីមួយផ្សេងទៀត៖ ព្រៃផ្សៃណាស់ ! ប្តីក្មេងរឹត.កប្រពន្ធរហូតស្លាប់ក្នុងបន្ទប់ទឹក
ខេត្តបាត់ដំបង ៖ បុរសម្នាក់ត្រូវបាន កម្លាំងអាវុធហត្ថចាប់ខ្លួនកាលពី វេលាម៉ោង៥ និង៣០នាទីល្ងាច ថ្ងៃទី១៦ ខែកុម្ភៈ ឆ្នាំ២០១៧ នៅភូមិដូង ឃុំបឹងរាំង ស្រុកកំរៀង បន្ទាប់ពីបុរសរូបនោះបានយកខ្សែក្រវាត់រឹត.ក សម្លាប់ប្រពន្ធខ្លួនឯង នៅក្នុងបន្ទប់ទឹកបាន១ម៉ោង ។
បុរសម្នាក់ត្រូវកម្លាំងកងរាជ អាវុធហត្ថតាមឃាត់ខ្លួនបានភ្លាមៗ បន្ទាប់ពីយកខ្សែរក្រវ៉ាត់រឹត.កសម្លាប់ប្រពន្ធរបស់ខ្លួន ដែលគេសង្ស័យផ្ដើមចេញពី ភ្លើងប្រច័ណ្ឌ កាលពីវេលាម៉ោង៥:៣០នាទីល្ងាចថ្ងៃទី១៦កុម្ភ: ស្ថិតនៅភូមិដូង ឃុំបឹងរាំង ស្រុកកំរៀង។
ប្រភពពី មន្ត្រីអាវុធហត្ថបានឲ្យដឹងថា ជនសង្ស័យជាប្តីឈ្មោះ ង៉ូវ សុខលីន អាយុ២៥ឆ្នាំ ចំណែកស្ត្រីរងគ្រោះជាប្រពន្ធឈ្មោះ ឃឿន ចំរើន អាយុ៣៥ឆ្នាំ រស់នៅភូមិ ឃុំកើតហេតុខាងលើ ។
ប្រភពឲ្យដឹងទៀតថា ជនសង្ស័យជាប្តីបានយក ខ្សែក្រវាត់រឹត.ក សម្លាប់ប្រពន្ធរបស់ខ្លួននៅក្នុងបន្ទប់ទឹក បន្ទាប់ពីមានការឈ្លោះប្រកែកគ្នា ហើយបានរត់គេចខ្លួនទៅកាន់ខេត្តប៉ៃលិន តែត្រូវកម្លាំងកងរាជអាវុធហត្ថស្រុកកំរៀង តាមចាប់ខ្លួនដល់ទីនោះតែម្ដង ។
សាក្សីនិយាយថា កន្លងមកគេតែងឮប្ដីប្រពន្ធនេះ ឈ្លោះគ្នាជាញឹកញាប់ពីរឿងប្រចណ្ឌនេះ តែគេមិនទាន់ច្បាស់ថា តើប្រពន្ធប្រចណ្ឌប្ដី ឬប្ដីប្រចណ្ឌប្រពន្ធឡើយ0x017d7 ព្រោះប្ដីក្មេងជាងប្រពន្ធ ដល់ទៅ១០ឆ្នាំឯណោះ ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
