ខេត្តស្វាយរៀង ៖ មានការភ្ញាក់ផ្អើលទាំងព្រឹកបានកើតឡើង កាលពីវេលាម៉ោង៥ភ្លឺ ដោយក្រុមអ្នកហាត់ប្រាណនៅស្រះវង់ បានប្រទះឃើញបាវធំមួយមានច្រកអ្វីនៅខាងក្នុង និងសង្ស័យដូចជាសាកសពមនុស្ស ត្រូវគេសម្លាប់ច្រកបាវ យកមកចោលនៅលើខឿនស្រះវង់ ស្ថិតនៅភូមិស្រះវង់ សង្កាត់ស្វាយរៀង ក្រុងស្វាយរៀង នាថ្ងៃទី១៧ កុម្ភៈ ២០១៧ ។
ក្រុមអ្នកហាត់ប្រាណមា្នក់ៗពេលឃើញមានភាពតក់ស្លុតនិងបានដាក់ការសង្ស័យថា នេះជាអំពើឃាតកម្ម ។ ខ្លះខ្លាចបានដើរចេញមិនហ៊ាន ឈរមើលយូរទេ ខ្លះទៀតចង់ដឹងណាស់ សពអ្នកណានៅក្នុងបាវ ក៏ឈរកាន់តែជិតនិងរេរាក្រឡឹងមើល ។ ក៏ប៉ុន្តែពេលនាំគ្នាចូលទៅពិនិត្យមើលដោយនិយាយអ៊ូអរផង ស្រាប់តែឃើញបាវនោះដូចមានមនុស្សនៅខាងក្នុង ឃើញរើបំរះតិចៗដូចចង់ប្រែខ្លួន ។ ទោះបីបែបនេះក្តីពួកគេបានចាប់អារម្មណ៍ថាពិតជាមនុស្សត្រូវគេសម្លាប់ច្រកបាវ យកមកចោលមែន តែមិនទាន់ស្លាប់មែនទែនទេ ។
ខណៈកំពុងឈរមើល និងនាំគ្នាពិចារណាក៏បានធ្វើឱ្យភ្ញាក់ ដល់ជនដែលដេកក្នុងបាវនោះ ក្រោកអង្គុយអើតក្បាលពីក្នុងបាវ ទើបដឹងថា ជាមនុស្សឆ្កួតម្នាក់ដែលធ្លាប់តែដើរនៅម្តុំនេះ ។ ពេលមនុស្សងើបអើតក្បាល ខ្លះរត់ស្មានថាខ្មោចលង ខ្លះទៀតអស់សំណើច សើចក្អាកក្អាយសប្បាយទាំងព្រឹក ។
បន្ទាប់មកទើបដឹងថា យប់មិញគាត់ដេកនៅទីនេះ ដោយសារតែរងារត្រជាក់ពេក គាត់ក៏ចូលក្នុងបាវដេកអង្កុញជើង ទាញមាត់បាវទៅកើយ ដូចជាគេវាយមនុស្សសម្លាប់ច្រកក្នុងបាវ យកមកបោះចោលដូច្នោះដែរ ។ តែតាមពិតមនុស្សវិកលចរិត និងជាជនអនាថាសោះ ៕
ប្រភព៖ កោះសន្ដិភាព
ព័ត៌មានចាប់អារម្មណ៍ក្នុងថ្ងៃនេះទី ១៨ កុម្ភៈ ៖
បន្ទាប់ពីលែងលះ! បុរសម្នាក់សម្រេចចិត្តបន្តជីវិតជាមួយតុក្កតាសិច
ចិន៖ ធម្មជាតិបានបង្កើតមនុស្សមកជាមួយនឹងស្នេហា ដែលមនុស្សម្នាក់តែងតែប្រាថ្នា ចង់រួមរស់ជាមួយនឹងជីវិតគូ យ៉ាងមានក្ដីសុខអស់មួយជីវិត។ យ៉ាងណាមិញ ការថែរក្សាចំណងស្នេហា ឬជីវិតគូនេះ វាមានភាពលំបាក ខណៈដែលវាទាមទារឲ្យមនុស្សម្នាក់ចេះព្យាយាមអត់អោនឲ្យគ្នាទៅវិញទៅមក ដើម្បីអាចឲ្យពួកគេរួមរស់ជាមួយគ្នាបានយូរអង្វែង។
ជាក់ស្តែងបុរសជនជាតិចិន អាយុ៥៨ឆ្នាំម្នាក់ បានធ្វើការលែងលះជាមួយប្រពន្ធដោយសារប្រពន្ធរបស់គាត់ ជាមនុស្សងប់នឹងល្បែង។ ក្រោយពេលបែកបាក់ លោក Li Chen (មិនមែនឈ្មោះពិត) បានបែកផ្ទះមករស់នៅ ជាមួយកូនប្រុសរបស់លោកតែ ពីរនាក់ នៅក្នុងស្រុកមួយក្នុងប្រទេសចិន និងគាត់មិនបានមាន ចំណងស្នេហាជាមួយស្រីណាទៀតឡើយ។ ប៉ុន្តែគាត់បានប្រមូលទិញតុក្កតាសិចស្អាតៗចំនួន៧ ឲ្យមករស់នៅជាមួយគាត់ និងកូនប្រុសអាយុ ១៨ឆ្នាំរបស់គាត់។
ផ្ទុយទៅវិញ មនុស្សគ្រប់គា្នប្រាកដជាគិតថា លោក Li ជាមនុស្សរោគចិត្ត ឬល្មោភកាម ខណៈដែលតុក្កតាសិច ត្រូវបានគេគ្រប់គា្នស្គាល់ថា វាមានតួនាទីបម្រើសេចក្ដីត្រូវការលើគ្រែរបស់មនុស្សប្រុស។ ប៉ុន្តែគ្រប់យ៉ាងមិនដូចការគិតនោះទេ ខណៈដែលបុរសបែកបាក់គ្រួសាររូបនេះ មិនដែលបានរួមភេទជាមួយនឹងតុក្កតាទាំងអស់នោះឡើយ ដោយលោកបានថែតុក្កតាទាំងនោះ ដូចជាកូនស្រីរបស់គាត់អញ្ចឹង។ មិនតែប៉ុណ្ណោះ លោកថែមទាំងងូតទឹក សិតសក់ ស្លៀកសំលៀកបំពាក់ និងនាំតុក្កតាទាំងនោះដើរលេងថែមទៀតផង។
នៅថ្ងៃខួបកំណើតអាយុ ១៨ឆ្នាំរបស់កូនប្រុសគាត់ គាត់បានឲ្យតុក្កតា មួយក្នុងចំណោម៧ របស់គាត់ទៅឲ្យកូនប្រុសរបស់គាត់។ គាត់ក៏បាននិយាយដែរថា ថ្វីត្បិតតែគាត់មិនដែលរួមភេទជាមួយតុក្កតាទាំងនោះ តែគាត់គិតថា កូនគាត់ប្រហែលជាអាច។ ប៉ុន្តែគាត់ក៏បានបន្ថែមថា កូនប្រុសគាត់ពេញវ័យហើយ ហើយការដែលគេរួមភេទជាមួយតុក្កតា ក៏វាល្អជាងការរួមភេទខាងក្រៅ ដែលអាចប្រឈមជាមួយមេរោគជាច្រើនប្រភេទដែរ។
យ៉ាងណាមិញ បើទោះជាការរស់នៅជាមួយតុក្កតានេះ អាចធ្វើឲ្យស្ថានភាពគ្រួសាររបស់គាត់មានភាពប្រសើរឡើង តែមាននៅតែជារឿងចម្លែកមួយ សម្រាប់មនុស្សទូទៅ។
គួរបញ្ជាក់ផងដែរថា បើទោះជាវាចម្លែកក៏ដោយចុះ ប៉ុន្តែសន្ទុះតម្រូវការតុក្កតាសិចនេះ ក៏កើនឡើងមិនតិចដែរ ខណៈដែលក្រុមហ៊ុនផលិតតុក្កតានេះ ក៏មានការកើនឡើងជាលំដាប់ក្នុងប្រទេសចិន៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
