តារា & កម្សាន្ដ

Angelina Jolie នឹងចូលរួមក្នុងពិធីចាក់បញ្ចាំងដំបូង នៃខ្សែភាពយន្តរឿង «មុនដំបូងខ្មែរក្រហម សម្លាប់ប៉ារបស់ខ្ញុំ» (មានវីដេអូ)

សុក្រ ១៧ កុម្ភៈ, ២០១៧ ១៣:២២

សៀមរាប៖ កាលពីថ្ងៃទី១៦ ខែកុម្ភៈនេះ ព្រះមហាក្សត្រ ព្រះករុណាព្រះបាទ សម្តេចព្រះបរមនាថ នរោត្តម សីហមុនី និងសម្តេចម៉ែ មុនីនាថ សីហនុ បានយាងទៅដល់ខេត្តសៀមរាបហើយ ដើម្បីគង់ជាអធិបតីភាពដ៏ខ្ពង់ខ្ពស់បំផុត ក្នុងពិធីចាក់បញ្ចាំងភាពយន្ត «មុនដំបូងខ្មែរក្រហម សម្លាប់ប៉ារបស់ខ្ញុំ» ផលិតដោយអ្នកនាង Angelina Jolie និយាយអំពីរឿងរ៉ាវមួយចំនួនពាក់ព័ន្ធសម័យខ្មែរក្រហម ដែលនឹងត្រូវចាក់បញ្ចាំងដំបូងនៅថ្ងៃសៅរ៍ ទី១៨ ខែកុម្ភ:ស្អែកនេះ។ នេះបើតាមការឱ្យដឹងពី អាជ្ញាធរខេត្តសៀមរាប។

ក្នុងនោះដែរ បើយោងតាមប្រភពសារព័ត៌មានរបស់បាងកកប្រទេសថៃវិញ បានបញ្ជាក់ថា អ្នកនាង Angelina Jolie ដែលជាផលិតករនៃខ្សែភាពយន្តនេះ ក៏នឹងត្រូវអញ្ជើញចូលរួមជាកិត្តិយសផ្ទាល់ផងដែរ នៅថ្ងៃចាក់បញ្ចាំងដំបូង ក្នុងខេត្តសៀមរាប។

គួរបញ្ជាក់ថា ខ្សែភាពយន្តបែបប្រវត្តិសាស្ត្រ រឿង «មុនដំបូងខ្មែរក្រហមសម្លាប់ប៉ារបស់ខ្ញុំ» ដែលរំឭកអំពីប្រវត្តិដ៏ជូរចត់នៃរបបវាលពិឃាតដឹកនាំ ផលិតដោយអ្នកនាង Angelina Jolie នឹងត្រូវចាក់បញ្ចាំងជាលើកដំបូង រយៈពេល២ថ្ងៃ ថ្ងៃទី១៨ និង១៩ ខែកុម្ភ: នៅលើវាលស្មៅនៃព្រះលានជល់ដំរី ខេត្តសៀមរាប​

ខ្សែភាពយន្ត «មុនដំបូងខ្មែរក្រហមសម្លាប់ប៉ារបស់ខ្ញុំ» គឺជារឿងមួយដែលនិយាយពី ការចងចាំដ៏ឈឺចាប់របស់ អ្នកនិពន្ធសៀវភៅ និងសកម្មជនការពារសិទ្ធិមនុស្ស អ្នកស្រី លឿង អ៊ឹង ដែលបានរួចផុតជីវិតពីរបបខ្មែរក្រហមយ៉ាងសាហាវយ៉ងខ្នង នៅចន្លោះឆ្នាំ ១៩៧៥ ដល់ ១៩៧៩។ ព្រឹត្តិការណ៍នេះបានកើតឡើង ពេលខ្មែរក្រហមបានឡើងកាន់អំណាច កាលពីអ្នកស្រីនៅអាយុ ៥ ឆ្នាំ ដល់ ៩ ឆ្នាំ។ ខ្សែភាពយន្តនេះបានឆ្លុះបញ្ចាំងអំពី ស្មារតីយ៉ាងមោះមុត និង ការតស៊ូយ៉ាងផ្តូរផ្តាច់របស់ គ្រួសារអ្នកស្រី លឿង ដើម្បីបានរស់នៅជាមួយគ្នាយ៉ាងវេទនាអំឡុងសម័យខ្មែរក្រហម៕ 

ប្រភព ៖ Bangkok Post

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 093868723 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

រូបមួយសន្លឹក របស់តួសម្តែងស្រី២ដួងនេះ គេងលើគ្រែស្និទ្ធស្នាលគ្នាពេក ធ្វើឲ្យអ្នកគាំទ្រ គិតថាស្រលាញ់ភេទដូចគ្នា!
នី មុន្នីនាថ បានបង្អួតសម្រស់ ជាមួយនឹងឈុតហែលទឹក បែបសិចស៊ីបន្តិច តែទាក់ទាញភ្នែក
សុគន្ធ និសា និងតារាជាច្រើនដួងទៀត ទទួលបានមេដាយថ្នាក់មហាសេនា!
ទើបតែទិញរថយន្តថ្មីមិនប៉ុន្មានផង ឥលូវនេះដេវីត ទិញថែមរថយន្តទំនើប តម្លៃរាប់មឺុនដុល្លារ សុទ្ធតែម៉ាក Audi ថែមមួយគ្រឿងទៀតហើយ!

មតិ

SPONSORED CONTENTS

UPCOMING EVENT

មានវាគ្មិនជាច្រើនរូប ដែលបានបង្កើតក្រុមហ៊ុន បច្ចេកវិទ្យាល្បីៗនៅកម្ពុជាដែលទទួលបានការវិនិយោគទុនពីបរទេស នឹងមកធ្វើការចែករំលែកចំណេះដឹង គំនិតច្នៃប្រឌិត បទពិសោធន៍ និងគន្លឹះល្អៗ ដើម្បីជួយដល់ការពង្រីកក្រុមហ៊ុនរបស់អ្នក និងជាពិសេសនោះ វិធីសាស្ត្រក្នុងការស្វែងរកអ្នកវិនិយោគទុករាប់ម៉ឺនដុល្លារពីបរទេសទៀតផង។

Date:
23rd February 2017    |    5:00pm - 9:30pm

Venue
Raintree Cambodia, GF-02 Raintree, #299 ផ្លូវព្រះអង្គឌួង (St. 110), សង្កាត់វត្តភ្នំ, ខណ្ឌដូនពេញ, រាជធានីភ្នំពេញ

Learn More