សង្គម

រថយន្តមួយគ្រឿង បើកបុករះបុរស២នាក់ បណ្តាលឲ្យស្លាប់យ៉ាងអាណោចអាធ័ម ពេលជិះកង់ និងម៉ូតូតាមផ្លូវហាណូយ

សុក្រ ១៧ កុម្ភៈ, ២០១៧ ០៩:៤៣

(ភ្នំពេញ)៖ បុរស២នាក់បានស្លាប់ យ៉ាងអាណោចអាធ័ម ពេលកំពុងជិះកង់ និងម៉ូតូតាមផ្លូវហាណូយ ស្រាប់តែត្រូវរថយន្ត មិនស្គាល់ម៉ាកបើកបុករះ នាម៉ោង២រំលងអាធ្រាត្រឈានចូលថ្ងៃទី១៧ ខែកុម្ភៈ ឆ្នាំ២០១៧ ស្ថិតនៅតាមផ្លូវហាណូយ កែងផ្លូវ១០៨៦ ក្នុងសង្កាត់ភ្នំពេញថ្មី ខណ្ឌសែនសុខ។

ប្រភពព័ត៌មានបានឱ្យដឹងថា នៅវេលាខាងលើ គេបានឃើញជនរងគ្រោះដែលស្លាប់ទាំង២នាក់ គឺម្នាក់ជិះកង់ និងម្នាក់ទៀតជិះម៉ូតូ តាមផ្លូវហាណូយលុះ ជិះមកដល់ត្រង់ផ្លូវហាណូយបំបែកទៅផ្លូវ១០៨៦ ក៏មានរថយន្តមួយគ្រឿង មិនស្គាល់ម៉ាក និងមិនចាំស្លាកលេខ បានបើកមកបុករះពីក្រោយ បណ្តាលឱ្យស្លាប់ភ្លាមៗ នៅនឹងកន្លែងកើតហេតុតែម្តង។

សាក្សីបានបន្តទៀតថា បន្ទាប់ពីរថយន្តបង្ក បើកបុកបណ្តាលឲ្យជនរងគ្រោះស្លាប់ទាំង២នាក់ អ្នកបើកបររថយន្ត បានបន្ថែមល្បឿន បើករត់គេចបាត់ដោយបន្សល់ទុក នៅតែសពជនរងគ្រោះ ជាមួយមធ្យោបាយធ្វើដំណើរនៅកន្លែង កើតហេតុតែប៉ុណ្ណោះ។

ចុងក្រោយសពជនរងគ្រោះទាំង២នាក់ ត្រូវបានក្រុមគ្រួសារ មកទទួលយកទៅធ្វើបុណ្យតាមប្រពៃណីរៀងៗខ្លួន ចំណែកមធ្យោបាយទាំង២ ត្រូវសមត្ថកិច្ចជំនាញប្រគល់ទៅឲ្យចរាចរណ៍រាជធានីភ្នំពេញ យកទៅរក្សាទុកដើម្បីរង់ចាំការ ដោះស្រាយគ្នាជាមួយគ្រួសារជនរងគ្រោះនៅពេលក្រោយ៕

ប្រភព ៖ Fresh News

ដោយឡែករំលឹកព័ត៌មានមួយផ្សេងទៀត៖ យុវជនម្នាក់ជិះម៉ូតូមិនប្រយ័ត្ន ជ្រុលបុករថយន្ដតារាសម្ដែង អឹម ជីវ៉ា

(ភ្នំពេញ)៖ យុវជនម្នាក់ជិះម៉ូតូនិចមួយគ្រឿងក្នុងល្បឿនលឿនដល់ផ្លូវបំបែកជាបួនមិនប្រយ័ត្ន ជ្រុលបុករថយន្ដកាមរីឆ្លាមរបស់តារាសម្ដែង អឺម ជីវ៉ា ដែលកំពុងឆ្លងផ្លូវបណ្ដាលឲ្យរថយន្ដ និងម៉ូតូរងការខូចខាតបន្តិចបន្ទួចចំណែកអ្នកជិះម៉ូតូរងរបួសស្រាល។

គ្រោះថ្នាក់ចរាចរណ៍នេះ បានកើតឡើងនៅម៉ោង១២៖៣០នាទីរំលងអាធ្រាត្រឈានចូលថ្ងៃទី១៧ ខែកុម្ភៈ ឆ្នាំ២០១៧ នៅចំណុចផ្លូវលេខ៦៣ កែងនឹងមហាវិថីព្រះសីហនុ ស្ថិតក្នុងសង្កាត់ ចតុមុខ ខណ្ឌដូនពេញ រាជធានីភ្នំពេញ។

ប្រភពព័ត៌មានបានឲ្យដឹងថា មុនពេលកើតហេតុ គេបានឃើញរថយន្ដម៉ាកកាមរីឆ្លាមពណ៌ស្ករ ពាក់ស្លាកលេខ ភ្នំពេញ 2D-4532 ជារថយន្ដរបស់តារាសម្ដែង អឹម ជីវ៉ា បានធ្វើដំណើរតាមបណ្ដោយផ្លូវលេខ៦៣ ក្នុងទិសដៅពីត្បូងទៅជើង ហើយបានឆ្លងកាត់មហាវិថីព្រះសីហនុ ពេលដែលឆ្លងបានពាក់កណ្ដាលផ្លូវស្រាប់តែ មានម៉ូតូម៉ាកនិចមួយគ្រឿងជិះដោយយុវជនម្នាក់ ធ្វើដំណើរតាមបណ្ដោយមហាវិថីព្រះសីហនុ ក្នុងទិសដៅពីកើតទៅលិចជ្រុលបុកចំក្បាលរថយន្ដចំហៀងខាងស្ដាំ បណ្ដាលឲ្យរងការខូចខាតទាំងសងខាង ចំណែកអ្នកជិះម៉ូតូរងរបួសស្រាល។

ក្រោយពីកើតហេតុភាគីទាំងសងខាងបានសម្របសម្រួលគ្នា ដោយម្ចាស់រថយន្ដមិនបានឲ្យម្ចាស់ម៉ូតូសងថ្លៃខូចខាតនោះទេ ព្រោះមិនចង់មានរឿងវែងឆ្ងាយ ហើយក៏បានសំណូមពរដល់អ្នកជិះម៉ូតូទាំងអស់ កុំឲ្យជិះម៉ូតូលឿនៗពេក ព្រោះខ្លាចគ្រោះថ្នាក់ដល់ខ្លួនឯង និងអ្នកដទៃផងដែរ។

ក្រោយពីសម្របសម្រួលគ្នារួចរាល់ភាគីទាំងសងខាងបានចែកផ្លូវគ្នាទៅផ្ទះរៀងៗខ្លួនតែម្ដង។ ក្នុងហេតុការណ៍នោះ គេឃើញមានតារាល្បីៗជាច្រើនរូប មកមើលលោក អឹម ជីវ៉ា ផងដែរ៕ 

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 093868723 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

បីកូនមិនប្រយ័ត្នរបូតដៃ ធ្លាក់តាំងជាន់ទី៤ ដល់ដី ស្លាប់យ៉ាងអាណោចអាធ័ម
ញាក់សាច់! លោក គីម ជុងអ៊ុន ប្រើកាំភ្លើងបាញ់យន្តហោះ ប្រហារជីវិតមន្ត្រីជាន់ខ្ពស់កូរ៉េខាងជើង ៥រូប
ព័ត៌មានលម្អិត៖ ក្មេងស្រីតូចៗ៧នាក់ លង់ទឹកបឹងព្រែក​ទប់ស្លាប់ ខណៈ៣នាក់​ទៀតជួយសង្គ្រោះទាន់, អាជ្ញាធរ និង​សមត្ថកិច្ច​ចុះជួយអន្តរាគមន៍ភ្លាមៗ (មានវីដេអូ)
ចរន្តភ្លើងលេងសើចខ្លាំងណាស់! ផ្អើល​អស់មន្ត្រី​សាលា​​ក្រុង​នាំគ្នា​រត់​ចេញ​

មតិ

SPONSORED CONTENTS

UPCOMING EVENT

មានវាគ្មិនជាច្រើនរូប ដែលបានបង្កើតក្រុមហ៊ុន បច្ចេកវិទ្យាល្បីៗនៅកម្ពុជាដែលទទួលបានការវិនិយោគទុនពីបរទេស នឹងមកធ្វើការចែករំលែកចំណេះដឹង គំនិតច្នៃប្រឌិត បទពិសោធន៍ និងគន្លឹះល្អៗ ដើម្បីជួយដល់ការពង្រីកក្រុមហ៊ុនរបស់អ្នក និងជាពិសេសនោះ វិធីសាស្ត្រក្នុងការស្វែងរកអ្នកវិនិយោគទុករាប់ម៉ឺនដុល្លារពីបរទេសទៀតផង។

Date:
23rd February 2017    |    5:00pm - 9:30pm

Venue
Raintree Cambodia, GF-02 Raintree, #299 ផ្លូវព្រះអង្គឌួង (St. 110), សង្កាត់វត្តភ្នំ, ខណ្ឌដូនពេញ, រាជធានីភ្នំពេញ

Learn More