ខេត្តកំពង់ធំ ៖ ទំនិញខូចគុណភាពចំនួនជាង ៣តោនត្រូវបានមន្ត្រីកាំកុងត្រូលដោយមានការចូលរួមពីខាង មន្ទីរពាណិជ្ជកម្មខេត្ត និងលោកអភិបាលរងស្រុកកំពង់ស្វាយ បាននាំយកទៅដុតកម្ទេចចោល កាលពីព្រឹកថ្ងៃទី១៦ ខែ គកុម្ភៈ ឆ្នាំ២០១៧ នៅចំណុចវាលចាក់សំរាម ក្នុងភូមិវល្លិ៍យាវ ឃុំត្រពាំងឬស្សី ស្រុកកំពង់ស្វាយ។
លោក លៀង សុធា ប្រធានកាំកុងត្រូល សាខាខេត្តកំពង់ធំ បានប្រាប់ កោះសន្តិភាព ឲ្យដឹងនៅកន្លែងទីតាំង ដុចកម្ទេចទំនិញខូចគុណភាព កាលពីព្រឹកថ្ងៃទី១៦ ខែកុម្ភៈ ឆ្នាំ២០១៧ថា ទំនិញដែលខូចគុណភាព ទាំងអស់នេះមានជាច្រើនមុខ ដែលមានទម្ងន់ជាង៣តោនដែលក្រុមការងារ របស់លោកបានធ្វើការត្រួតពិនិត្យ និងធ្វើការដកហូតបានពីបងប្អូនអាជីវករលក់ដូរ នៅតាមទីផ្សារនានា ក្នុងខេត្តកំពង់ធំរយះពេល១ឆ្នាំ គឺចាប់ពីដើមឆ្នាំ២០១៦ មកដល់ចុងឆ្នាំ២០១៦ ក្នុងនោះក៏មានទំនិញមួយចំនួនដែលមិនអាចទុកយូរបាននោះ កម្លាំងរបស់លោកបានដុច កំទេចចោលជាបណ្តើរៗរហូតមកមានដូចជាមឹកស្រស់ សាច់មាន់ ជង្គង់មាន់ ស្លាបមាន់ ជាដើម។
លោកបន្តថា នៅក្នុងមុខទំនិញទាំងអស់នោះ មានទំនិញ១មុខដែលអាចបង្កគ្រោះថ្នាក់ដល់អាយុជីវិតអ្នកប្រើប្រាស់នោះគឺសាធាតុ (បូរ៉ាក់) ហៅទឹកបន្សារ មានទម្ងន់ជាង៥០គីឡូក្រាម នៅពេលប្រើប្រាស់លើសចំណុះអាចបណ្តាលឲ្យជនរងគ្រោះក្អួតចេញឈាមស្លាប់ភ្លាមៗបាន។
តាមរយៈនៃសកម្មភាពនេះផងដែរ លោកក៏សូមសំណូមពរ ដល់បងប្អូនអាជីវករទាំងអស់កុំឲ្យនាំគ្នាលក់ដូរនូវសាធាតុ (បូរ៉ាក់) ហៅទឹកបន្សារ នេះតទៅទៀត និងទំនិញណាដែលផុតកំណត់ការប្រើប្រាស់ សូមកុំឲ្យយកមកដាក់ តាំងលក់ឲ្យប្រជាពលរដ្ឋ។
ចំណែកបងប្អូន ប្រជាពលរដ្ឋទាំងអស់ក៏ដូច្នោះដែរ គឺមិនមែនសម្រាប់តែខេត្តកំពង់ធំនោះទេ មុននឹងទិញទំនិញព្រមទាំងសម្ភារ យកមកប្រើប្រាស់នោះ ត្រូវពិនិត្យមើលកាលកំណត់ឲ្យបានច្បាស់លាស់ជាមុន ដើម្បីសុខភាពរបស់យើងក៏ដូចជាកូនចៅរបស់យើងផងដែរ។
កាលណាយើងទាំងអស់គ្នា មានសុខភាពល្អហើយនោះ ក៏ដូចជាបានចូលរួមចំណែកក្នុងការកាត់បន្ថយភាពក្រីក្រ ជាមួយរាជរដ្ឋាភិបាល បានមួយកម្រិតខ្ពស់ផងដែរ ចង់រកស៊ីឲ្យមានបានប្រាក់ចំណូលខ្ពស់ និងចង់ធ្វើការងារធំនោះ ទាល់តែខ្លួនឯងមានសុខភាពល្អជាមុនសិន ទើបអាចឈានដល់គោលដៅ ទាំងអស់នោះបាន៕
ប្រភព៖ កោះសន្តិភាព
ដោយឡែក ព័ត៌មានចាប់អារម្មណ៍មួយផ្សេងទៀត៖
(ភ្នំពេញ)៖ នាព្រឹកថ្ងៃទី១៦ ខែកុម្ភៈ ឆ្នាំ២០១៧ ប៉ុន្មាននាទីមុននេះ ព្រះមហាក្សត្រ ព្រះករុណាព្រះបាទ សម្តេចព្រះ បរមនាថ នរោត្តម សីហមុនី និងសម្តេចម៉ែ មុនិនាថ សីហនុ បានយាងទៅដល់ខេត្តសៀមរាបហើយ ដើម្បីគង់ជាអធិបតីភាពដ៏ខ្ពង់ខ្ពស់បំផុត ក្នុងពិធីចាក់បញ្ចាំងភាពយន្ត «មុនដំបូងខ្មែរក្រហម សម្លាប់ប៉ារបស់ខ្ញុំ» ផលិតដោយលោកស្រី Angelina Jolie ដែលនិយាយអំពីរឿងរ៉ាវមួយចំនួនពាក់ព័ន្ធសម័យខ្មែរក្រហម។ នេះបើតាមការឱ្យដឹងដោយ អាជ្ញាធរខេត្តសៀមរាប។
ក្នុងការយាងដល់ខេត្តសៀមរាបនេះ មានការទទួលយ៉ាងយកចិត្តទុកដាក់ទទួលបដិសណ្ឋាកិច្ច ដោយលោកបណ្ឌិត ឃឹម ប៊ុនសុង អភិបាលខេត្តសៀមរាប និងលោកស្រីជាភរិយា ព្រមទាំងក្រុមប្រឹក្សាខេត្ត គណៈអភិបាលខេត្ត សមាជិកសភា ព្រឹទ្ធសភា មន្ត្រីរាជការ កងកំលាំងប្រដាប់អាវុធ ប្រជាពលរដ្ឋ និងសិស្សានុសិស្ស ទូទាំងខេត្តសៀមរាប។
សូមបញ្ជាក់ថា ខ្សែភាពយន្តបែបប្រវត្តិសាស្ត្រ រឿង «មុនដំបូងខ្មែរក្រហមសម្លាប់ប៉ារបស់ខ្ញុំ» ដែលរំឭកអំពីប្រវត្តិដ៏ជូរចត់នៃរបបវាលពិឃាតដឹកនាំ ផលិតដោយលោកស្រី Angelina Jolie ជាតារានិងជាផលិតករដ៏ល្បីរបស់ Hollywood នឹងត្រូវចាក់បញ្ចាំងជាលើកដំបូងបង្អស់នៅលើវាលស្មៅនៃព្រះលានជល់ដំរី ខេត្តសៀមរាប រយៈពេល២ថ្ងៃ នាថ្ងៃទី១៨-១៩ ខែកុម្ភៈ ឆ្នាំ២០១៧។
ខ្សែភាពយន្តនេះ ត្រូវបានថតនៅក្នុងទីតាំងសំខាន់ៗជាប្រវត្តិសាស្ត្រចំនួន២គឺ ខេត្តសៀមរាប និងខេត្តបាត់ដំបង ជាពិសេស តំបន់រមណីយដ្ឋានអង្គរ ក៏ជាផ្នែកមួយដ៏សំខាន់ដែលខ្សែភាពយន្តបានផ្តិតយកទិដ្ឋភាពជាប្រវត្តិសាស្ត្រមួយចំនួនធំ។ ដូចនេះហើយ បានជាផលិតករភាពយន្ត សម្រេចចិត្ត ជ្រើសរើសយករមណីយដ្ឋានអង្គរជាទីតាំងចាក់បញ្ចាំងមុនដំបូងបំផុត ដែលជាពិធីសម្ពោធផ្លូវការមុន នឹងខ្សែភាពយន្តនេះចាក់បញ្ចាំង នៅរោងភាពយន្តផ្សេងៗទៀត៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]