ឈឺពេកទ្រាំមិនបាន! ស្ត្រីម្នាក់បន្ទោរបង់លើឡានក្រុង ត្រូវគេរិះគន់យ៉ាងចាស់ដៃ (មានវីដេអូ)

ចិន៖ ការបញ្ចេញចោលកាកសំណល់ វាជារឿងរបស់ធម្មជាតិដែលតម្រូវឲ្យមនុស្សគ្រប់រូបចាំបាច់ត្រូវតែធ្វើ ហើយប្រសិនបើអ្នកមិនធ្វើតាមច្បាប់ធម្មជាតិ អ្នកនឹងត្រូវទ្រាំទាំងវេទនា ដែលជួនកាលអាចធ្វើឲ្យអ្នកខ្មាសគេថែមទៀតផង។

ជាក់ស្តែងស្រ្តីវ័យរាងចំណាស់គួរសមម្នាក់ ត្រូវបានគេថតជាប់សកម្មភាពរបស់គាត់កំពុងតែបត់ជើងកណ្ដាលឡានក្រុងសាធារណៈតែម្ដង ដែលហេតុការណ៍នេះ បានធ្វើឲ្យអ្នករួមដំណើរជាមួយហួសចិត្ត និងខ្ពើមរអើមជាខ្លាំង។

ឃ្លីបវីដេអូរបស់ស្ត្រីរូបនេះ ត្រូវបានបង្ហោះលើបណ្ដាញសង្គមហ្វេសប៊ុក បានបង្ហាញពីស្រ្តីវ័យចំណាស់ម្នាក់បានដោះខោរបស់គាត់ចេញ ហើយអង្គុយចោងហោង ក្បែរទ្វារខាងមុខរថយន្ត ហើយកំពុងតែបញ្ចេញចោលកណ្ដាលហ្វូងមនុស្សតែម្ដង ហើយអ្នកខ្លះក៏បាននិយាយស្តីបន្ទោសដល់ស្ត្រីនោះផងដែរ។ ឃ្លីបនេះបានបង្ហោះឡើងដោយគណនីមួយឈ្មោះ Tsing Dave Lam ដែលឃ្លីបនេះត្រូវបានគេធ្វើការចែកចាយបន្តដល់ទៅ ១១ ៤០០ដង ក្នុងរយៈពេល២ថ្ងៃ។

លើសពីនេះទៅទៀត អ្នកប្រើប្រាស់បណ្ដាញសង្គមបានរិះគន់ស្ត្រីម្នាក់នេះធ្ងន់ៗយ៉ាងចាស់ដៃតែម្ដង ដោយសារតែគាត់ជាមនុស្សចាស់ទៅហើយ ហេតុអី្វគ្រាន់តែរឿងធម្មជាតិតិចតួចបែបនេះគាត់ទ្រាំសិនមិនបាន។

បើថ្វីត្បិតថានេះជារឿងធម្មជាតិដែលពុំអាចគេចបាន តែយ៉ាងហោចណាស់ស្ត្រីម្នាក់នេះក៏គួរតែទ្រាំរង់ចាំរហូតដល់ចំណតសិនដែរ ព្រោះគាត់មិនមែនជាក្មេងដែលមិនអាចទ្រាំបាននោះទេ។ យ៉ាងណាមិញ អ្នកបញ្ចេញមតិខ្លះបាននិយាយធ្ងន់ៗទៅលើគាត់ដែលវាបង្កជាភាពចម្រូងចម្រាស់គ្នារវាងអ្នកបញ្ចេញមតិផងដែរ ព្រោះពួកគេក៏មិនបានដឹងថាគាត់មានបញ្ហាសុខភាពអ្វី ឬស្ថិតក្នុងស្ថានការបែបណាឡើយ៕

វីដេអូខាងក្រោម៖

ដោយឡែកពត៌មានគួរឲ្យចាប់អារម្មណ៍មួយទៀត៖

បុរសទម្ងន់ ២២០គីឡូក្រាមម្នាក់ ដួលកណ្ដាលផ្លូវ ត្រូវមនុស្ស២០នាក់ជួយ ជិត២ម៉ោង ទើបជួយបាន

ចិន៖ នៅពេលដែលអ្នកដើរដួល ហើយអុកគូថ អ្នកប្រាកដជាអាចងើបបានដោយធម្មតា គ្រាន់តែឈឺចាប់បន្តិច តែសម្រាប់បុរសទម្ងន់២២០គីឡូក្រាមនេះវិញ បើដួលទៅហើយ ការប្រឹងងើបមកវិញជារឿងពិបាក។

បុរសវ័យ ២៧ឆ្នាំម្នាក់ ឈ្មោះ Xiao Huang រស់នៅក្នុងតំបន់ Wuhan ក្នុងទីក្រុងHubei ប្រទេសចិន បានរអិលដួលលើផ្លូវសម្រាប់អ្នកថ្មើរជើង នៅវេលាម៉ោង ១១និង១៥នាទីព្រឹក ខណៈពេលដែលគាត់កំពុងធ្វើដំណើរចេញពីមន្ទីរពេទ្យ ហើយដើររកតាក់ស៊ីជិះជាមួយនិងម្ដាយរបស់គាត់។

គ្រាន់តែដួលភ្លាម ក៏មានអ្នករួមដំណើរជាមួយមកជួយគ្រាគាត់ឡើង ប៉ុន្តែមិនអាចបង្ហើបគូទបុរសនោះបានសូម្បីតែបន្តិច។ ភ្លាមៗនោះម្ដាយគាត់ក៏បានទូរស័ព្ទហៅក្រុមសង្គ្រោះបន្ទាន់ដើម្បីមកជួយ។ បនិ្តចក្រោយមកក៏មានប៉ូលិស ២នាក់បានមកដល់ហើយជួយលើកគាត់ឡើងដោយដៃទទេ ប៉ុន្តែមិនអាចលើកគាត់ឲ្យឈរបានឡើយ។ រួចប៉ូលិសក៏បានហៅគ្នាប្រមាណ ៧នាក់មកបន្ថែមទៀតឲ្យមកជួយ ក៏នៅតែជួយលើកបុរសទម្ងន់យក្សនេះឲ្យឈរមិនបាន។

មួយម៉ោងក្រោយមក ក្រុមពន្លត់អគ្គិភ័យបានមកដល់ ជាមួយនឹងគ្នា៦នាក់ដើម្បីសាកល្បងលើកបុរសនោះ ព្រមទាំងក្រុមអ្នកសង្គ្រោះបន្ទាន់ប្រមាណជាង១០នាក់ផ្សេងទៀតក៏បានមកដល់ ជាមួយនឹងបំពង់អុកស៊ីហ្សែនទុកសម្រាប់ករណីចាំបាច់ណាមួយ។ ពួកគេបានព្យាយាមលើក Xiao Huang មួយអស់កំលាំងដៃ ក៏នៅតែមិនជួយគាត់បាន រហូតអ្នកដំណើរបានណែនាំឲ្យប្រើរថយន្តស្ទូច។

ជំនួសដោយការប្រើរថយន្តស្ទូច ក្រុមពន្លត់អគ្គិភ័យបានយកខ្នើយខ្យល់ មកកល់ក្រោមគូទគាត់ តែមិនបានសម្រេចដោយសារជើងគាត់ទាំង២ បានស្ពឹកស្រពន់បាត់ទៅហើយដែលធ្វើឲ្យគាត់មិនអាចឈរបាន។

ចុងក្រោយក្រុមអ្នកពន្លត់អគ្គិភ័យក៏សម្រេចចិត្ត យកឈើជាច្រើនកំណាត់យកមកគាស់ Xiao Huang ឲ្យរមៀលបន្តិចម្ដងៗឡើងទៅលើគ្រែសង្គ្រោះរបស់ពេទ្យ ទើបអាចជួយគាត់ឲ្យបានទៅដល់មន្ទីរពេទ្យ ដែលការជួយសង្គ្រោះនេះឈានចូលដល់ម៉ោង១រសៀល ទើបអាចជួយគាត់បាន ដែលសរុបមនុស្សដែលចូលរួមជួយគាត់មានប្រមាណជិត ២០នាក់ រួមទាំងអ្នកដំណើរដទៃទៀត។

គួរបញ្ជាក់ផងដែរថាបុរសឈ្មោះ Xiao Huang នេះមានមាឌធំជាងក្មេងដទៃតាំងពីតូច។ រហូតដល់អាយុ៧ឆ្នាំ ទម្ងន់របស់គាត់បានចាប់ផ្ដើមកើនឡើងខ្លាំងបន្តិចម្ដងៗ រហូតធ្វើឲ្យគាត់មានទម្ងន់ដល់ទៅ ២០០គីឡូក្រាម ដែលគាត់បានក្លាយជាមនុស្សធាត់ជាងគេក្នុងទីក្រុងនេះ។

ដោយសារភាពធាត់តាំងពីក្មេងធ្វើឲ្យគាត់ពិបាកដើរ និងគ្មានការងារធ្វើបន្ទាប់ពីគាត់បានបញ្ចប់ការសិក្សាខាងបច្ចេកទេស។ ហើយកាលពីឆ្នាំកន្លងទៅ គាត់ត្រូវបានបញ្ចូនទៅមន្ទីរពេទ្យបន្ទាប់ពីគាត់បានដួលនៅក្នុងផ្ទះ ហើយគ្រូពេទ្យចាប់ផ្ដើមឲ្យគាត់ធ្វើការសម្រកទម្ងន់។ ក្នុងរយៈពេលសម្រកទម្ងន់នេះ ពេលខ្លះគាត់មិនបានទទួលទានអ្វីសោះក៏មានដែលធ្វើឲ្យគាត់បាក់កម្លាំង និងងាយវិលមុខ។ លើសពីនេះខាងគ្រូពេទ្យក៏បានបញ្ជាក់ថា គាត់ធាត់ដោយសារមានជំងឺតំណពូជ ដែលដំណាក់កាលនេះ ពិតជាពិបានឲ្យគាត់ធ្វើលំហាត់ប្រាណ និងតមអាហារណាស់ ហើយបើចង់ឲ្យគាត់ស្រកទម្ងន់មានតែធ្វើការវះកាត់មួយមុខប៉ុណ្ណោះ៕

• វីដេអូ