ព្រោះតែចង់បានរូបថតស្អាត! តារាម៉ូដែលស្រីម្នាក់ ហ៊ានដល់ថ្នាក់នេះ.. (មានវីដេអូ)

ឌូបៃ៖ មើលហើយច្បាស់ជាស្រៀវជំនួសតារាម៉ូដែលស្រី សញ្ជាតិរុស្ស៊ីម្នាក់ ព្រោះតែចង់បានរូបថតស្អាត ហ៊ានប្រថុយជីវិតឡើងលើអគារដ៏ខ្ពស់នៅឌូបៃ ថតសំយ៉ុងខ្លួន ដោយគ្មានពាក់ឧបករណ៍ជំនួយសុវត្ថិភាពឡើយ។

តារាម៉ូដែលវ័យក្មេងរូបនេះឈ្មោះ Viki Odintcova អាយុ២៣ឆ្នាំ បានឡើងទៅលើអគារមួយឈ្មោះថា Cayan Tower មានកម្ពស់ជាង៣០០ម៉ែត្រ នៅក្នុងទីក្រុងឌូបៃ ដើម្បីថតរូបនៅពីលើនោះ។

គួរបញ្ជាក់ថា ក្នុងការថតរូបនៅលើអគារខ្ពស់សន្លឹមបែបនេះ តារាម៉ូដែល Viki មានតែជំនួយការប្រុសម្នាក់ ដើម្បីចាំចាប់នាងតែប៉ុណ្ណោះ ពោលគឺគ្មានឧបករណ៍សុវត្ថិភាពដើម្បីការពារនោះទេ។

តារាម៉ូដែល វ័យ២៣ឆ្នាំរូបនេះ បានថតសំយ៉ុងខ្លួននៅលើអគារ បណ្តាយខ្លួនតាមខ្យល់អាកាសដោយគ្មានញញើត។ លើសពីនេះទៀត នាងថែមទាំងហ៊ានទម្លាក់ខ្លួន និងជើងទាំងសងខាងចុះក្រោមទៀតផង ដោយមានតែជំនួយការប្រុសម្នាក់ចាំចាប់ និងជួយទប់តែប៉ុណ្ណោះ។

រូបថតដែលតារាម៉ូដែលថតនៅពីលើអគារនេះ ទទួលបានការចាប់អារម្មណ៍យ៉ាងខ្លាំង លើសពីនេះទៀតបានធ្វើឲ្យអ្នកគាំទ្រនាងជាច្រើននាក់ មានការភ្ញាក់ផ្អើល  ក្រោយពីនាងបង្ហោះរូបទាំងនោះ ចូលទៅក្នុងគណនីបណ្តាញសង្គមរូបភាព Instagram របស់នាងរួចមក។

Viki នាងបាននិយាយថា «ខ្ញុំពិតជាភ័យណាស់! ខ្ញុំនៅតែមិនជឿថា ខ្ញុំអាចធ្វើវាបាន។ នៅពេលមើលរូបភាព និងវីដេអូម្តងៗ ខ្ញុំបែកញើសអស់ពីខ្លួន» ៕ 

ទស្សនាវីដេអូខាងក្រោម៖

ប្រភព៖ Dailymail

ដោយឡែករំលឹកព័ត៌មានមួយផ្សេងទៀត៖ សុបិនក្លាយជាការពិត! ភ័យគ្មានអ្នកស្រលាញ់ ព្រោះជាមនុស្សពិការ តែចុងក្រោយទេវបុត្រជិះសេះស កាន់ដៃចូលរោងការ

ថៃ៖ ដូចគ្នាទៅនឹងនារីផ្សេងៗទៀតដែរ នាង Jroonsi Simanta តែងតែមានក្តីសុបិនថា ចង់ស្លៀករ៉ូបអាពាហ៍ពិពាហ៍ពណ៌សដ៏ធំ សម្រាប់ថ្ងៃមង្គលរបស់នាង ប៉ុន្តែក្តីសុបិននេះ ហាក់ពិបាកសម្រេចទៅបានបន្តិច ដោយសារតែនាង ជាមនុស្សពិការភាពធ្ងន់ធ្ងរតាំងពីកំណើត (ស្វិតជើង) គ្មានមនុស្សណាស្រលាញ់។

នាង Jroonsi វ័យ៣៧ឆ្នាំ មកពីខេត្តយ៉ាសូថន (Yasothon) ភាគឦសាន ប្រទេសថៃ បានពិការជើងទាំងគូរបស់នាងតាំងពីកំណើត ដែលធ្វើឲ្យរាងកាយរបស់នាងមិនអាចលូតលាស់បាន ហើយមានន័យថា នាងមិនអាចដើរបានឡើយ។

ប៉ុន្តែបើទោះជានាងមានសភាពពិការយ៉ាងណាក៏ដោយ ក៏មិនមែនមានន័យថា នាងមិនមានអ្នកស្រលាញ់ ហើយព្រមរៀបការជាមួយនាងដែរ ដោយក្តីសុបិនរបស់នាងបានក្លាយជាការពិត បន្ទាប់ពីបុរសម្នាក់ វ័យបងនាងជិត៣០ឆ្នាំ បានរៀបការជាមួយនាង ។ 

នាង Jroonsi ដែលមានឈ្មោះក្រៅ Sayphon មានន័យថា “តំណក់ទឹកភ្លៀង” បានជួបជាមួយលោក Bancha Sabuntham ដែលមានវ័យ៦៤ឆ្នាំ ហើយក៏បានធ្លាក់ក្នុងអន្លង់ស្នេហ៍គ្នាទៅវិញទៅមក។ ពួកគេបានរស់នៅជាមួយគ្នា ក្នុងនាមជាប្តី និងប្រពន្ធ ប៉ុន្តែដោយសារ ការងាររបស់លោក Bancha ត្រឹមជាសន្តិសុខម្នាក់ លោកមិនអាចរកប្រាក់បានគ្រប់គ្រាន់ ដើម្បីរៀបចំពិធីមង្គលការ ឲ្យបានពិតប្រាកដឡើយ។

ក្រោយមកនាង Jroonsi ក៏បានឮដំណឹងរបស់ “ទេពធីតាផាត់មុខ” ដែលមានឈ្មោះពិតថាលោក Ritchaveephat គាត់ជាអ្នកកែសម្ផស្ស និងជាអ្នកផាត់មុខដ៏ជំនាញ ដែលផ្តល់សេវាកម្មរបស់លោក ទៅកាន់ប្រជាជនក្រីក្រ ដោយឥតគិតថ្លៃ។

នាង Jroonsi ក៏បានទំនាក់ទំនងទៅគាត់ និងបាននិយាយថា “ខ្ញុំចង់ក្លាយទៅជាកូនក្រមុំដ៏ស្រស់ស្អាតមួយរូប ប៉ុន្តែខ្ញុំមិនមានប្រាក់នោះទេ”។ ភ្លាមនោះ លោក Ritchaveephat ក៏បានឈានជើងចូលជួយនាងដោយមិនស្ទាក់ស្ទើរ ហើយថែមទាំងបានជួយរកក្រុមហ៊ុនរៀបចំអាពាហ៍ពិពាហ៍ឲ្យនាងថែមទៀតផង។

លោក Ritchaveephat និងក្រុមហ៊ុនអាពាហ៍ពិពាហ៍ Anton Weddings បានផ្តល់សេវាកម្មតុបតែងមុខ ធ្វើសក់ ព្រមទាំងផ្តល់ទីកន្លែង ក៏ដូចជាសម្លៀកបំពាក់ ព្រមទាំងអាល់ប៊ុមរូបថតថែមទៀតផង។ នៅមិនទាន់អស់នោះទេ លោក Ritchaveephat ក៏បានបន្ថែមកាដូជាពិសេសដល់កូនក្រមុំទៀតផង ដោយលោកបានចូលរួមកម្មវិធីអាពាហ៍ពិពាហ៍តាំងពីដើមរហូតដល់ចប់ និងធ្វើជាអ្នកកំដរកូនក្រមុំតែម្តង។

នាង Jroonsi បានថ្លែងថា “មនុស្សជាច្រើនមើលងាយខ្ញុំ ដោយសារតែខ្ញុំមានរូបរាងខុសពីពួកគេ ហើយអ្នកខ្លះទៀតថែមទាំងបានប្រមាថខ្ញុំទៀតថា ខ្ញុំបានត្រឹមតែមើលទៅស្រស់ស្អាត នៅពេលដែលខ្ញុំដេកក្នុងមឈូសប៉ុណ្ណោះ។”

ប៉ុន្តែជាចុងក្រោយ នាងបាននិយាយដោយសង្ខេបខ្លី នៅក្នុងថ្ងៃដ៏ពិសេសរបស់នាងថា “សុបិនរបស់ខ្ញុំបានក្លាយជាការពិតហើយ”៕ 

• វីដេអូ