ខេត្តកំពង់ស្ពឺ ៖ បុរសម្នាក់ត្រូវបាននគរបាលស្រុកគងពិសីចាប់ខ្លួន កាលពីវេលាម៉ោង១២និង៣០នាទីថ្ងៃត្រង់ ថ្ងៃទី១១ ខែកុម្ភៈ ឆ្នាំ២០១៧ នៅចំណុចភូមិស្តុក ឃុំស្តុក ស្រុកគងពិសី បន្ទាប់ពីស្ត្រីជាប្រពន្ធបានប្តឹងចោទប្រកាន់ថា បានចាប់រំលោភកូនស្រី (កូនប្តីមុន) ជាច្រើនដងរាប់ភ្លេច ។
នគរបាលស្រុកគងពិសីបានឲ្យដឹងថា ជនសង្ស័យជាឪពុកចុងដែលត្រូវសមត្ថកិច្ចឃាត់ខ្លួនឈ្មោះ ឡាយ នួន អាយុ៥៣ឆ្នាំ មុខរបរជាសន្តិសុខ រស់នៅភូមិកណ្តាល សង្កាត់រលួស ខណ្ឌដង្កោ រាជធានីភ្នំពេញ ស្ត្រីជាប្រពន្ធឈ្មោះ នុត គឹមចាន់ អាយុ៣៤ឆ្នាំ ចំណែកក្មេងស្រីរងគ្រោះឈ្មោះ គ.ល.គ.ព ទើបតែអាយុ១៤ឆ្នាំប៉ុណ្ណោះ ។
ប្រពន្ធជនសង្ស័យ និងជាម្តាយរបស់ក្មេងស្រីរងគ្រោះ បានរៀបរាប់នៅក្នុងពាក្យបណ្ដឹងថា ប្តីក្រោយរបស់នាងបាន ធ្វើសកម្មរំលោភកូនប្តីមុនតាំងពីដើមឆ្នាំ២០១៧មកម្ល៉េះ តែគាត់ជាម្តាយមិនបានដឹងឡើយ រហូតដល់ធ្វើសកម្មភាពលើកចុងក្រោយនៅថ្ងៃទី២ ខែកុម្ភៈ ឆ្នាំ២០១៧ បានសម្រេចចំនួន២ដងទៀត ។ ស្ត្រីជាម្តាយបានរៀបរាប់ថា ដោយឃើញកូនស្រីមានអាការៈប្លែកៗ ក៏ចេះតែជជីកសួរថា មានរឿងអ្វី? ដំបូងកូនស្រីមិនបានឆ្លើយប្រាប់នោះទេ តែដោយគាត់ចេះតែសួរហើយសួរទៀត ទើបកូនស្រីព្រមប្រាប់ថា ប្តីក្រោយរបស់គាត់ចាប់រំលោភ នាងច្រើនដងមកហើយ តាំងពីដើមឆ្នាំរហូតមក ។
លោកវរសេនីយ៍ត្រី ទុយ ថេន អធិការរងនគរបាលស្រុកគងពិសី បានឲ្យដឹងថា ស្ត្រីជាម្តាយបានដាក់ពាក្យប្តឹងជនសង្ស័យជាប្តីចុងរបស់ខ្លួនថា បានធ្វើសកម្មភាពរំលោភសេពសន្ថវៈកូនស្រីរបស់គាត់ច្រើនដងមកហើយ ។ ស្ត្រីជាម្តាយបានស្នើសុំឲ្យសមត្ថកិច្ចចាត់ការប្តីចុងរបស់ខ្លួនតាមផ្លូវច្បាប់ ។
នៅចំពោះមុខសមត្ថកិច្ច ជនសង្ស័យមិនបានសារភាពថា ខ្លួនចាប់រំលោភនោះទេ ដោយជនសង្ស័យបាននិយាយថា វាជាការព្រមព្រៀងគ្នា ខ្លួនមិនបានចាប់បង្ខំរំលោភឡើយ។
លោកអធិការរងបានបញ្ជាក់ថា បើទោះជាជនសង្ស័យមិនសារភាពក្តី ក៏នគរបាលជំនាញបានកសាងសំណុំរឿងបញ្ជូនទៅកាន់ការិយាល័យព្រហ្មទណ្ឌ ដើម្បីចាត់ការបន្ត ព្រោះក្មេងស្រីរងគ្រោះជាអនីតិជន ។
បច្ចុប្បន្ន ជនសង្ស័យកំពុងឃុំខ្លួនបណ្ដោះអាសន្ននៅស្នងការដ្ឋាននគរបាលខេត្តកំពង់ស្ពឺ រង់ចាំកសាងសំណុំរឿងបញ្ជូនទៅសាលាដំបូងខេត្ត ៕
ប្រភព៖ កោះសន្តិភាព
ដោយឡែក ព័ត៌មានចាប់អារម្មណ៍មួយផ្សេងទៀត៖
(ភ្នំពេញ)៖ នៅក្នុងឱកាសជូនដំណើរកូនប្រុស ដែលជាកីឡាករដ៏ល្បីរបស់កម្ពុជា ចាន់ វឌ្ឍនាកា ឡើងយន្ដហោះធ្វើដំណើរទៅប្រទេសជប៉ុន ដើម្បីចូលរួមជាមួយក្លឹបថ្មី Fujieda MYFC នាយប់ថ្ងៃទី១២ ខែកុម្ភៈ លោក ចាន់ ចេស្ដា អភិបាលខេត្តកំពត បានទម្លាយឲ្យដឹងនូវរឿងរ៉ាវមួយចំនួន មុននឹងសម្រេចចិត្តឲ្យកូនប្រុសបង្កើតរបស់ខ្លួនចាកចេញពីកម្ពុជា ទៅបន្ដអាជីពបាល់ទាត់នៅប្រទេសជប៉ុន ក្នុងឆ្នាំ២០១៧នេះ។
លោក ចាន់ ចេស្ដា បានថ្លែងប្រាប់អ្នកសារព័ត៌មាននៅអាកាសយន្ដដ្ឋានអន្ដរជាតិភ្នំពេញថា «មុនមានការទាក់ទងពីក្លឹបជប៉ុន គាត់(វឌ្ឍនាកា)ប្រាប់ថា មានប្រទេសជាច្រើនចង់បានគាត់ រួមមានថៃ និងម៉ាឡេស៊ីជាដើម ដែលហ៊ានឲ្យប្រាក់ខែខ្ពស់ជាងជប៉ុន។ តែអ្វីដែលខ្ញុំសម្រេចក្នុងនាមឪពុកម្ដាយ ឲ្យទៅលេងនៅជប៉ុន គឺមិនសម្លឹងឃើញប្រាក់ខែទេ ដោយគិតថាបទពិសោធន៍ក្នុងទ្វីបអាស៊ី ជប៉ុនគឺជាប្រទេសរីកចម្រើនលើវិស័យបាល់ទាត់ខ្ពស់ជាងគេ» ។
«ដោយហេតុនេះយើងអាចប្រើពាក្យសាមញ្ញមួយថា គាត់(វឌ្ឍនាកា) អាចស្ថិតក្នុងចំណោមអ្នកខ្សោយ នៅប្រទេសខ្លាំង ប្រសើរជាងគាត់ស្ថិតក្នុងចំណោម អ្នកខ្លាំង នៅប្រទេសខ្សោយ។ ហេតុផលនេះហើយ ដែលខ្ញុំសម្រេចឲ្យ ចាន់ វឌ្ឍនាកា ទៅលេងនៅជប៉ុន»។ លើសពីនេះក៏មានការជំរុញពីសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ដែលលើកទឹកចិត្តឲ្យ ចាន់ វឌ្ឍនាកា ទៅលេងនៅជប៉ុនផងដែរ។ នេះបើតាមសម្ដីបញ្ជាក់បន្ថែមរបស់លោក ចាន់ ចេស្ដា។
អភិបាលខេត្តកំពតដដែលរូបនោះរំពឹងថា ការចាកចេញរបស់ ចាន់ វឌ្ឍនាកា លើកនេះនឹងនាំមកវិញនូវបទពិសោធន៍ល្អៗ សម្រាប់ជំរុញការអភិវឌ្ឍន៍វិស័យ កីឡាបាល់ទាត់កម្ពុជាឲ្យកាន់តែរីកចម្រើននាពេលអនាគត ហើយក៏ជាគំរូដ៏ល្អមួយ សម្រាប់យុវជនជំនាន់ក្រោយឲ្យខិតខំហ្វឹកហាត់ និងលេងកីឡា ដើម្បីសម្រេចក្ដីសុបិនក្លាយជាកីឡាករអាជីព និងមានឱកាសបានទៅលេងឲ្យក្លឹបល្បីៗលើឆាកអន្ដរជាតិដូចកីឡាករ ចាន់ វឌ្ឍនាកា ផងដែរ។
គួរបញ្ជាក់ថា ចាន់ វឌ្ឍនាកា ត្រូវបានក្លឹបបឹងកេតអង្គរ ព្រមព្រៀងផ្ទេរទៅលេងឲ្យក្លឹបលីគលំដាប់ទី៣ របស់ជប៉ុន Fujieda MYFC ក្នុងលក្ខខណ្ឌខ្ជីជើងមួយ រដូវកាល(ឆ្នាំ២០១៧) ហើយ ចាន់ វឌ្ឍនាកា ក៏ជាកីឡាករកម្ពុជាទី១ ដែលត្រូវបានក្លឹបជប៉ុននាំយកទៅលេងនៅទីនោះផងដែរ។ ប៉ុន្ដែចំពោះតម្លៃខ្លួននៃការផ្ទេរ ក៏ដូចជាប្រាក់ខែទទួលបានពីការទៅលេងឲ្យក្លឹប Fujieda MYFC មិនបានភាគីពាក់ព័ន្ធទម្លាយឲ្យដឹងនោះទេ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
