រាជធានីភ្នំពេញ ៖ សេចក្តីរាយការណ៍ឱ្យដឹងថា មានកម្មករ-កម្មការិនីជាង៤០០នាក់ បម្រើការនៅក្នុងរោងចក្រកាត់ដេរយីហោ «ជុន ចាវ» មានទីតាំងក្នុងភូមិដំណាក់ត្រយឹង សង្កាត់ចោមចៅ ខណ្ឌពោធិ៍សែនជ័យ បានប្រមូលផ្ដុំគ្នាធ្វើកូដកម្ម កាលពីវេលាម៉ោង០៨ និង១០នាទីព្រឹកថ្ងៃទី១៣ កុម្ភៈ ក្រោយពេលដល់ថ្ងៃបើកប្រាក់ខែ ស្រាប់តែថៅកែវេចបង្វិចរត់ចោលបាត់ស្រមោល ហើយកម្មករទាំងអស់នោះ មានការជ្រួលច្របល់ និងហួសចិត្តគ្រប់ៗគ្នា ទើបនាំគ្នាតវ៉ា ដើម្បីទាមទារមកវិញ ។
បើតាមកម្មករម្នាក់បាននិយាយថា រោងចក្រកាត់ដេរខាងលើ បានដំណើរការយូរមកហើយ មិនដែលមានសញ្ញាណាមួយថា នឹងត្រូវក្ស័យធននោះឡើយ ឬត្រូវបិទទ្វារនោះឡើយ គឺដំណើរការរហូត ។ ហើយចុងក្រោយនេះ គឺត្រូវបើកប្រាក់ខែនៅក្នុងថ្ងៃសុក្រ ទី១០ កុម្ភៈ ដែលក្នុងកម្មករម្នាក់ៗ ត្រូវទទួលបានចាប់ពី២០០ដុល្លាររឡើងទៅ ។ ប៉ុន្តែដល់ថ្ងៃកំណត់ ត្រូវបើកប្រាក់ខែ ស្រាប់តែបាត់មិនឃើញថៅកែ ហើយបន្ទាប់មកពួកគេបានទទួលដំណឹងថា ថៅកែបានរត់ចោលកម្មករបាត់អស់ហើយ ទើបកម្មករម្នាក់ៗមានការជ្រួលច្របល់ និងហួសចិត្តយ៉ាងខ្លាំង ដោយមិននឹកស្មានដល់ឡើយ។
ក្រោយពេលថៅកែរត់បាត់ ពួកគេមិនអាចរកអ្នកទទួលខុសត្រូវបាននោះឡើយ តែលតោលដូចជាខ្លែងដាច់ខ្សែ ម្យ៉ាងទៀតគ្មានប្រាក់សម្រាប់ទូទាត់ថ្លៃ ជួលផ្ទះស្នាក់នៅ ការចំណាយក្នុងការ ធ្វើដំណើរទៅមក និងការហូបចុកព្រមទាំងចំណាយផ្សេងៗទៀតឡើយ ។
ប្រភព៖ កោះសន្តិភាព
ដោយឡែក ព័ត៌មានចាប់អារម្មណ៍មួយផ្សេងទៀត៖
ដួង ម៉ានិច្ច ឆ្លៀតលក់ផ្កាស្អាតៗ រកលុយបន្ថែម ក្នុងថ្ងៃបុណ្យនៃសេចក្តីស្រលាញ់១៤កុម្ភៈនេះ!
ភ្នំពេញ៖ តារាសម្តែងស្រីវ័យក្មេងដ៏ពេញនិយម កញ្ញា ដួង ម៉ានិច បន្ទាប់ពីបានឈានជើងចូលក្នុងវិស័យសិល្បៈមិនយូរប៉ុន្មាន ថ្មីៗនេះក៏បានប្រាប់ថា នាងក៏កំពុងតែចាប់អាជីពជាអ្នកចម្រៀងផងដែរ ដោយសារតែការស្រលាញ់ និងទេពកោសល្យដែលមានពីកំណើតរបស់ខ្លួន។
បច្ចុប្បន្នតារាស្រីរូបនេះ ទទួលបានជោគជ័យយ៉ាងខ្លាំង នៅលើវិថីសិល្បៈ ទន្ទឹមនឹងប្រជាប្រិយភាពដ៏ខ្លាំងក្លា ដែលកំពុងតែរីកដុះដាលខ្លាំងឡើងៗ ពីមួយថ្ងៃទៅមួយថ្ងៃ។
ឆ្លៀតនៅក្នុងឱកាសទិវា នៃសេចក្តីស្រលាញ់១៤កុម្ភៈនេះ កញ្ញា ដួង ម៉ានិច ក៏បានប្រកាសនៅលើហ្វេសប៊ុករបស់ខ្លួនថា នឹងបើកលក់ផ្កាស្អាតៗជាច្រើនម៉ូត នៅក្នុងថ្ងៃបុណ្យនៃសេចក្តីស្រលាញ់ (Valentine day) ផងដែរ ព្រមទាំងមានការសេវាដឹកជញ្ជូនក្នុងក្រុងភ្នំពេញទៀតផង។
ដោយនៅលើបណ្តាញទំនាក់ទំនងហ្វេសប៊ុករបស់ កញ្ញាស៊ិចស៊ី កញ្ញា ដួង ម៉ានិច បានផុសឱ្យដឹងទាំងស្រុងថា៖
«សួស្ដីបងប្អូនទាំងអស់ក្នុង fb (Facebook) សូមជួយគ្រាំទ្រនាងខ្ងុំ ដួង ម៉ានិច មានលក់ផ្កា គ្រប់ប្រភេទតាមការកម្មង់ ទីតាំងនៅរង្វង់មូល វិមានឯករាជ្យ អាចកម្មង់បាន មានសេវាដឹកជញ្ជួនក្នុងភ្នំពេញ Tell: 093 76 14 02, 070 96 80 48»៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
