ខេត្តកណ្តាល ៖ បុរសម្នាក់ត្រូវនគរបាលប៉ុស្តិ៍ ឃុំភូមិធំឃាត់ខ្លួនកាលពីវេលាម៉ោង១ និង១០នាទីរសៀល ថ្ងៃទី១២ ខែកុម្ភៈ ឆ្នាំ២០១៧ តាមពាក្យបណ្ដឹងរបស់ឪពុកបង្កើតពីបទបំផ្លាញទ្រព្យសម្បត្តិ ក្នុងផ្ទះនៅភូមិរទាំង ឃុំភូមិធំ ស្រុកកៀនស្វាយ ។
ជនសង្ស័យឈ្មោះ វី សុវណ្ណារ៉ា ភេទប្រុស អាយុ២៤ឆ្នាំ ចំណែកឪពុកឈ្មោះ គឹម ណាវី អាយុ៥៥ឆ្នាំ រស់នៅភូមិកើតហេតុ ។
យោងតាមរបាយការណ៍ របស់សមត្ថកិច្ចបានឲ្យដឹងថា កាលពីរសៀលថ្ងៃទី១២ កុម្ភៈ ឪពុកបង្កើតបានប្តឹងសមត្ថកិច្ចថា កូនប្រុសបង្កើតរបស់ខ្លួនបានឡូឡា រករឿងគ្រួសារ និងកាប់បំផ្លាញទ្រព្យសម្បត្តិក្នុងផ្ទះដូចជា ទូរទស្សន៍១៤អ៊ិញ១គ្រឿង កង្ហារ១គ្រឿង និងទូដាក់ខោអាវ១ ។ បន្ទាប់ពីទទួលពាក្យបណ្ដឹងភ្លាម នគរបាលប៉ុស្តិ៍បានចុះទៅដល់កន្លែងកើតហេតុ និងធ្វើការឃាត់ខ្លួនជនសង្ស័យបានភ្លាមៗ ព្រមទាំងវត្ថុតាងកាំបិតប៉័ងតោ រួចនាំមកប៉ុស្តិ៍ដើម្បីធ្វើការសាកសួរ ។
សមត្ថកិច្ចបញ្ជាក់ថា បន្ទាប់ធ្វើការសាកសួរជំហ៊ានដំបូងរួច ជនសង្ស័យ និងវត្ថុតាង ត្រូវបានបញ្ជូនទៅអធិការដ្ឋាន នគរបាលស្រុកកៀនស្វាយ ដើម្បីធ្វើការសាកសួរបន្ថែម និងកសាងសំណុំរឿង ចាត់ការបន្តតាមនីតិវិធីច្បាប់ ៕
ប្រភព៖ កោះសន្តិភាព
ដោយឡែក ព័ត៌មានចាប់អារម្មណ៍មួយផ្សេងទៀត៖
អាយុទើប១៤ឆ្នាំ ហ៊ានចាប់អូសដៃនាងតូចឡើងផ្ទះ
ខេត្តកំពង់ស្ពឺ ៖ ក្មេងប្រុសអាយុ១៤ឆ្នាំម្នាក់ បានបបួល និងចាប់រំលោភក្មេងស្រីអាយុ៤ឆ្នាំ បានសម្រេច ក្រោយមកត្រូវម្តាយក្មេងស្រីប្តឹងសមត្ថកិច្ចឱ្យចាប់ខ្លួនចាត់ការតាមច្បាប់។
នគរបាលស្រុកភ្នំស្រួចបានប្រាប់ឱ្យដឹងថា កាលពីវេលាម៉ោង៧ នៅថ្ងៃទី11 កុម្ភៈ ឆ្នាំ2017 មានស្ត្រីម្នាក់ឈ្មោះ កែវ វួចសារ អាយុ27ឆ្នាំ មានទីលំនៅភូមិទី1 ឃុំត្រែងត្រយឹង បានមកប្ដឹងសមត្ថកិច្ចថា ក្មេងប្រុសឈ្មោះស៊ុក រតនា ភេទប្រុស អាយុ14ឆ្នាំ មានទីលំនៅភូមិ-ឃុំជាមួយគ្នា បានចាប់រំលោភសេពសន្ថវៈកូនស្រីរបស់គាត់ដែលមានអាយុទើបតែ៤ឆ្នាំ ។
ប្រភពពីសមត្ថកិច្ចបានឱ្យដឹងថា ស្ត្រីជាម្តាយបានបំភ្លឺថា មូលហេតុដែលគាត់ប្តឹងក្មេងប្រុសសង្ស័យ គឺក្រោយពេលគាត់ឃើញអការៈកូនស្រីរបស់គាត់ខុសប្រក្រតី ក៏ជជីកសួរថា មានរឿងអ្វីកើតឡើងចំពោះកូន ពេលនោះកូនស្រីរបស់គាត់ឆ្លើយថា ឈ្មោះស៊ុក រតនា បានចាប់អូសដៃខ្លួនឡើងទៅលើផ្ទះ ហើយចាប់រំលោភនាង។ បន្ទាប់ពីកូនស្រីរៀបរាប់ប្រាប់ ទើបគាត់មកប្តឹងសមត្ថកិច្ចឱ្យចាប់ខ្លួនចាត់ការតាមនីតិវិធីច្បាប់។
សមត្ថកិច្ចបានប្រាប់ថា ករណីនេះ កើតឡើងតាំងពីថ្ងៃទី10 កុម្ភៈ 2017 វេលាម៉ោង13និង30នាទីមកម្ល៉េះ ហើយម្តាយកុមារីរងគ្រោះ ទើបនឹងដឹងរឿង ក៏មកប្តឹងសមត្ថកិច្ចឱ្យចាប់ខ្លួនតែម្តង។
ក្រោយពីទទួលបណ្តឹងសមត្ថកិច្ចបានចុះទៅឃាត់ខ្លួនឈ្មោះ ស៊ុក រតនា មកសាកសួរពាក់ព័ន្ធនឹងបណ្តឹងរបស់ម្តាយកុមារីរងគ្រោះ។ នៅចំពោះមុខសមត្ថកិច្ចក្មេងប្រុសនោះបានឆ្លើយសារភាពថា ខ្លួនពិតជាបានបបួល និងចាប់ដៃកុមារីឡើងទៅលើផ្ទះរបស់ខ្លួន ហើយធ្វើសកម្មភាពចាប់រំលោភសេពសន្ថវៈប្រាកដមែន។
បច្ចុប្បន្នក្មេងប្រុសសង្ស័យត្រូវបានឃាត់ខ្លួននៅអធិការដ្ឋាននគរបាលស្រុក ដើម្បីកសាងសំណុំរឿងបញ្ជូនទៅកាន់ការិយាល័យប្រឆាំងការជួញដូរ និងការពារអនីតិជននៃស្នងការដ្ឋាននគរបាលខេត្តបន្តនីតិវិធី៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]