ខេត្តកំពង់ស្ពឺ ៖ ក្មេង​ប្រុស​អាយុ​១៤​ឆ្នាំ​ម្នាក់ បាន​បបួល និង​ចាប់រំលោភ​ក្មេង​ស្រី​អាយុ​៤​ឆ្នាំ បាន​សម្រេច ក្រោយមក​ត្រូវ​ម្តាយ​ក្មេង​ស្រី​ប្តឹង​សមត្ថកិច្ច​ឱ្យ​ចាប់ខ្លួន​ចាត់ការ​តាម​ច្បាប់​។

នគរបាល​ស្រុក​ភ្នំស្រួច​បាន​ប្រាប់​ឱ្យ​ដឹង​ថា កាលពី​វេលា​ម៉ោង​៧ នៅ​ថ្ងៃ​ទី​11 កុម្ភៈ ឆ្នាំ​2017 មាន​ស្ត្រី​ម្នាក់​ឈ្មោះ កែវ វួ​ច​សារ អាយុ​27​ឆ្នាំ មាន​ទីលំនៅ​ភូមិ​ទី​1 ឃុំ​ត្រែង​ត្រ​យឹ​ង បាន​មក​ប្ដឹង​សមត្ថកិច្ច​ថា ក្មេង​ប្រុស​ឈ្មោះ​ស៊ុ​ក រតនា ភេទ​ប្រុស អាយុ​14​ឆ្នាំ មាន​ទីលំនៅ​ភូមិ​-​ឃុំ​ជាមួយ​គ្នា បាន​ចាប់រំលោភ​សេពសន្ថវៈ​កូនស្រី​របស់​គាត់​ដែល​មាន​អាយុ​ទើបតែ​៤​ឆ្នាំ ។

ប្រភព​ពី​សមត្ថកិច្ច​បានឱ្យ​ដឹង​ថា ស្ត្រី​ជា​ម្តាយ​បាន​បំភ្លឺ​ថា មូលហេតុ​ដែល​គាត់​ប្តឹង​ក្មេង​ប្រុស​សង្ស័យ គឺ​ក្រោយ​ពេល​គាត់​ឃើញ​អ​ការៈកូន​ស្រី​របស់​គាត់​ខុស​ប្រក្រតី ក៏​ជជីក​សួរ​ថា មានរឿង​អ្វី​កើតឡើង​ចំពោះ​កូន ពេល​នោះ​កូនស្រី​របស់​គាត់​ឆ្លើយ​ថា ឈ្មោះ​ស៊ុ​ក រតនា បាន​ចាប់​អូស​ដៃ​ខ្លួន​ឡើង​ទៅ​លើ​ផ្ទះ ហើយ​ចាប់រំលោភ​នាង​។ បន្ទាប់​ពី​កូនស្រី​រៀបរាប់​ប្រាប់ ទើប​គាត់​មក​ប្តឹង​សមត្ថកិច្ច​ឱ្យ​ចាប់ខ្លួន​ចាត់ការ​តាម​នីតិវិធី​ច្បាប់​។

សមត្ថកិច្ច​បាន​ប្រាប់​ថា ករណី​នេះ កើតឡើង​តាំងពី​ថ្ងៃ​ទី​10 កុម្ភៈ 2017 វេលា​ម៉ោង​13​និង​30​នាទី​មក​ម្ល៉េះ ហើយ​ម្តាយ​កុមារី​រង​គ្រោះ ទើបនឹង​ដឹង​រឿង ក៏​មក​ប្តឹង​សមត្ថកិច្ច​ឱ្យ​ចាប់ខ្លួន​តែ​ម្តង​។

ក្រោយ​ពី​ទទួល​បណ្តឹង​សមត្ថកិច្ច​បាន​ចុះ​ទៅ​ឃាត់ខ្លួន​ឈ្មោះ ស៊ុ​ក រតនា មក​សាកសួរ​ពាក់ព័ន្ធ​នឹង​បណ្តឹង​របស់​ម្តាយ​កុមារី​រង​គ្រោះ​។ នៅ​ចំពោះ​មុខ​សមត្ថកិច្ច​ក្មេង​ប្រុស​នោះ​បាន​ឆ្លើយ​សារភាព​ថា ខ្លួន​ពិតជា​បាន​បបួល និង​ចាប់ដៃ​កុមារី​ឡើង​ទៅ​លើ​ផ្ទះ​របស់​ខ្លួន ហើយ​ធ្វើ​សកម្មភាព​ចាប់រំលោភ​សេពសន្ថវៈ​ប្រាកដ​មែន​។

បច្ចុប្បន្ន​ក្មេង​ប្រុស​សង្ស័យ​ត្រូវ​បាន​ឃាត់ខ្លួន​នៅ​អធិការដ្ឋាន​នគរបាល​ស្រុក ដើម្បី​កសាង​សំណុំរឿង​បញ្ជូន​ទៅ​កាន់​ការិយាល័យ​ប្រឆាំង​ការ​ជួញដូរ និង​ការពារ​អនីតិជន​នៃ​ស្នងការដ្ឋាន​នគរបាល​ខេត្ត​បន្ត​នីតិវិធី​៕

ប្រភព៖ កោះសន្តិភាព

ព័ត៌មានស្រដៀងគ្នានេះដែរ ករណីមួយផ្សេងទៀត៖ លោកគ្រូ​អើយ​លោកគ្រូ ! ម្តេចក៏​ឆីសិស្សឯង...

ខេត្តបាត់ដំបង ៖ សមត្ថកិច្ច​បានឱ្យ​​ដឹង​ថា គ្រូ​បង្រៀន​ម្នាក់​​ត្រូវ​​​ឃាត់ខ្លួន កាលពី​វេលា​ម៉ោង​០៩ និង​៣០​នាទី​ព្រឹក​ថ្ងៃ​ទី​១០ ​កុម្ភ​: ស្ថិត​ចំណុច​ភូមិ​ដូង ឃុំ​ឈើទាល ស្រុក​បាណ​ន់ ដែល​សង្ស័យ​​ថា បាន​​ចាប់រំលោភ​កូនសិស្ស​​របស់​ខ្លួន​ ចំនួន​២​លើក​ ជា​បន្តបន្ទាប់​។

សេចក្ដី​រាយ​ការ​ណ៍​​ឱ្យ​​ដឹង​ថា ជនសង្ស័យ​ឈ្មោះ​ព្រំ សុភាព ហៅ​​ភើ អាយុ​៤៥​ឆ្នាំ ជា​គ្រួ​បង្រៀន​​នៅ​សាលា​បឋម​សិក្សា​ភូមិ​ដូង ។ រីឯ​កូនសិស្ស​ ជា​ក្មេង​ស្រី​រង​គ្រោះ​អាយុ​១៣​ឆ្នាំ ​។ ​ជនសង្ស័យរូបនេះ ត្រូ​​វ​កម្លាំង​នគរបាល​ ស្រុក​បាណ​ន់​ឃាត់​ខ្លូ​ន បន្ទាប់​ពី​មាន​បណ្ដឹង​ចោទប្រកាន់​​ថា បាន​ចាប់​កូនសិស្ស​របស់​ខ្លួន​ រំលោភ​រហូត​បាន​សម្រេច​ចំនួន​២​លើក ​ជា​បន្តបន្ទាប់​ក្នុង​អំឡុង​ ខែមករា​កន្លង​ទៅ​។

​ប្រភពឱ្យដឹងទៀតថា លើក​ទី​១ ជនសង្ស័យ​​​បាន​ចាប់​នាង​រំលោភ​ នៅ​​​សាលា​ក្នុង​បន្ទប់​ថ្នាក់​ទី​១​ក ​វេលា​ម៉ោង​៩​ព្រឹក​ថ្ងៃ​ទី​១៩​ កម​រា រហូត​បាន​សម្រេច និង​​លើក​ទី​២ បាន​លួង​​លោមនាង ចាប់​​រំលោភ​នៅផ្ទះ​​របស់​ខ្លូ​ន ដែល​ស្ថិត​នៅ​ភូមិ​ដូង ឃុំ​ឈើទាល នៅ​ម៉ោង​១១​ថ្ងៃត្រង់ ថ្ងៃ​ទី​៣០​មក​រា រហូត​បាន​សម្រេច​ទៀត ​។

ប៉ុន្តែ​សំណុំរឿង​នេះ​ ត្រូវ​បានជនសង្ស័យ​​ព្យាយាម​​លាក់បាំង ជាមួយ​និង​ការ​គំរាម​កំហែង​ក្មេង​ស្រី​រង​គ្រោះ​ មិន​ឱ្យ​​​​ទម្លាយ​​រឿង​ឡើយ​ ។ លុះ​ដល់​ថ្ងៃ​ទី​១០ ​កុម្ភ​: រឿងអាស្រូវ​នេះ ​បាន​បែកធ្លាយ ទើប​អាណាព្យាបាល​នាង​ប្ដឹង​ ទៅ​សមត្ថកិច្ច​ឲ្យ​ឃាត់ខ្លួន​គ្រួ​បង្រៀន​រូប​នេះ​តែ​ម្ដង​។   

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]