សារ៉ាយ សក្ខណា ពិតជាស្អាតខ្លាំង ប្រៀបដូចជាព្រះនាង ពេលតែងខ្លួនបែបនេះ ក្នុងខួបថ្ងៃកំណើត (មានវីដេអូ)

ភ្នំពេញ៖ លើកនេះ តារាសម្តែងស្រីដ៏ល្បី អ្នកនាង សារ៉ាយ សក្ខណា ពិតជាភ្ញាក់ផ្អើលជាងឆ្នាំមុនៗ ព្រោះថា មិត្តភក្តិរបស់នាង បានរៀបចំកម្មវិធីខួបកំណើត ឲ្យនាងមុនថ្ងៃ។

តាមការពិតទៅ ថ្ងៃកំណើតពិត របស់តារាស្រីរូបនេះ គឺចំថ្ងៃទី២៥ ខែកុម្ភៈនោះទេ តែ មិត្តភក្តិ ដែលរួមមាន កញ្ញា នី មុន្នីនាថ ខ្លាចខកខានក្នុងការធ្វើឲ្យ ព្រោះនាងនឹងត្រូវត្រលប់ទៅប្រទេសក្រៅវិញក្នុងពេលឆាប់ៗនេះ ក៏ពួកគេ សម្រេចចិត្តរៀបចំពិធីដ៏ភ្ញាក់ផ្អើលមួយ សម្រាប់នាងមុនថ្ងៃតែម្តងទៅ។

បើក្រឡេកមើលទិដ្ឋភាព នៅក្នុងកម្មវិធីទាំងមូល គឺពិតជាស្រស់ស្អាត ទាក់ភ្នែក ហើយអមជាមួយនឹង អ្នកនាង សារ៉ាយ សក្ខណា ស្លៀករ៉ូបវែងទៀតនោះ គឺកាន់តែធ្វើឲ្យ រូបនាង ប្រៀបបីដូចជា ព្រះនាងតូចខ្លាំងណាស់៕

តោះមើលរូបថតស្អាតៗ ក្នុងថ្ងៃខួបកំណើតមុនថ្ងៃ របស់អ្នកនាង សារ៉ាយ សក្ខណា ទាំងអស់គ្នា៖ 

កំណត់ហេតុខ្មែរឡូត៖

ដោយឡែក រំលឹកព័ត៌មានចាស់លើកមុនផងដែរថា  អ្នកនាង សារ៉ាយ សក្ខណា បានបង្ហាញពីភាពផ្អែមល្ហែមជាមួយស្វាមីនាង។

តារាសម្តែងស្រីរាងខ្ពស់ស្រឡះ សម្បុរខ្មៅស្រអែម អ្នកនាង សារ៉ាយ សក្ខណា បានរៀបអាពាហ៍ពិពាហ៍ជាមួយស្វាមីខ្លួន ដែលជាអនិកជនខ្មែររស់នៅសហរដ្ឋអាមេរិកកាលថ្ងៃទី១២ ខែធ្នូ ឆ្នាំ ២០១៣ កន្លងទៅ និងមានកូនស្រីដ៏គួរឱ្យ ស្រលាញ់ម្នាក់។ កាលពីខែធ្នូឆ្នាំ២០១៦ នាងក៏ទើបតែបានទទួលនូវពាក្យជូនពរជាច្រើនពីសំណាក់ក្រុមគ្រួសារ មិត្តភក្តិ និងអ្នកគាំទ្រគ្រប់ទិសទី ក្នុងឱកាសគម្រប់ខួបអាពាហ៍ពិពាហ៍៣ឆ្នាំរបស់ខ្លួន។

បច្ចុប្បន្នអ្នកនាង សារ៉ាយ សក្ខណា កំពុងតែរស់នៅយ៉ាងមានសេចក្តីសុខជាមួយស្វាមី ហើយគេមិនដែលឃើញជីវិតគូរបស់តារាស្រីរូបនេះ មានរឿងរកាំរកូសឈ្លោះប្រកែកគ្នា បង្កជារឿងអាស្រូវធំដុំបែកខ្ចរខ្ចាយធ្វើឱ្យខ្មាស់គេនោះទេ។

ផ្ទុយទៅវិញ ជារឿយៗ យើងតែងឃើញនាង និងស្វាមីរបស់ខ្លួន បង្ហាញនូវភាពស្និទ្ធស្នាល ផ្អែមល្ហែម ជាមួយគ្នាស្អិតដូចស្ករ សឹងតែដូចគូស្វាមីភរិយាថ្មី ដែលទើបតែរៀបការថ្មោងថ្មីដែរ។

ទោះរៀបការជាមួយគ្នាបាន៣ឆ្នាំមែន ប៉ុន្តែចំណងស្នេហ៍រវាងអ្នកនាង សារ៉ាយ សក្ខណា និងស្វាមីពិតជាគួរឱ្យច្រណែន រហូតនាងរំលឹកទៅដល់ សុទ្ធតែស្នាមថើបដំបូងទៀត ក្នុងឱកាសពេលទៅដើរលេងកម្សាន្តពីរនាក់ស្វាមី ជាមួយទេសភាពទឹកជ្រោះព្រៃភ្នំ។ នេះបើយោងតាមការបង្ហាញប្រាប់ របស់នាងនៅក្នុងអ៊ីនស្តារក្រាម។

ងាកមកមើលក្នុងវិស័យសិល្បៈវិញ សព្វថ្ងៃអ្នកនាង សារ៉ាយ សក្ខណា ក៏នៅតែទទួលបានការគាំទ្រ និងប្រជាប្រិយភាពយ៉ាងខ្លាំងពីទស្សនិកជន មិនថាក្នុងឬក្រៅស្រុកនោះទេ។ អាចនិយាយបានថា ទាំងស្នេហា និងការងារ កំពុងតែដើរទន្ទឹមគ្នាយ៉ាងរលូនក្នុងពេលតែមួយសម្រាប់តារាសម្តែងស្រីរូបនេះ៕

• សារ៉ាយ សក្ខណា
• មិត្ត
• វីដេអូ