ភ្នំពេញ៖ តារាសម្តែងស្រីជើងថ្មី ក្មេងខ្ចី កញ្ញា ឌី សូនីតា ហាក់បង្ហាញថា បេះដូងនាងច្បាស់ នឹងស្វាគមន៍ស្នេហាពិតប្រាកដ ពីបុរសដែលនាង កំពុងបង្ហាញពីក្តីរំពឹងនៃអនាគតនោះ ក៏ដោយ តែយ៉ាងណា ការសង់រោងទទួលផ្កាស្លាជ័យ ពីបុរសនោះក៏មិនអាច នឹងលេចឡើងឆាប់ៗនេះដែរ គឺនៅមិនទាន់ គិតគូរពីរឿងរៀបការ រហ័សពេកនោះដែរ អាចនឹងគិតប្រហែល ពីរឆ្នាំទៀត។
តារាស្រីទាំងវ័យក្មេងខ្ចី ក្នុងវ័យ២៣ឆ្នាំ កញ្ញា ឌី សូនីតា បានបង្ហើបប្រាប់ឲ្យច្បាស់ថា «បេះដូងខ្ញុំពេលនេះ ក៏ទទួលបានពន្លឺស្នេហ៍ ពិតប្រាកដហើយ ហើយក៏រំពឹងផងដែរ ពីពន្លឺនេះ បេះដូងនឹងទទួលបាន ភាពកក់ក្តៅ រកឃើញសុភាពបុរសពិត ដឹកដៃគ្នាដើររួមដំណើរ ឆ្ពោះទៅរកវិថីអនាគត ដ៏ភ្លឺស្វាង មួយសម្រាប់ជីវិតគូ។ តែសុំបដិសេធ មិនបង្ហាញអត្តសញ្ញាណ មនុស្សក្នុងបេះដូង ក្នុងហេតុផល សូមលាក់សិន ព្រោះនៅរង់ចាំឱកាសល្អ ជាងនេះនឹងបង្ហាញនោះ»។
កញ្ញា ឌី សូនីតា តារាសម្តែង និងចម្រៀង បានប្រកាសឲ្យដឹងទៀតថា «ខ្ញុំពិតជាមានអ្នកពិសេសហើយមែន ហើយពេលនេះ កំពុងស្វែងយល់ចិត្តថ្លើមគ្នា ដែលមនុស្សពិសេសនេះ ក៏ធ្វើឲ្យបេះដូងខ្ញុំ គិតថានឹងទទួលយក នឹងអាចរួមរស់ទៅ ថ្ងៃអនាគតបាន។ បេះដូងនាងច្បាស់ នឹងស្វាគមន៍ស្នេហាពិតប្រាកដ ពីបុរសដែលនាងកំពុងបង្ហាញ ពីក្តីរំពឹងនៃអនាគតនោះ ក៏ដោយ តែយ៉ាងណា ការសង់រោងទទួលផ្កាស្លាជ័យ ពីបុរសនោះក៏មិនអាច នឹងលេចឡើងឆាប់ៗនេះបានដែរ។ ដ្បិតថា ស្នេហាមានភាពកក់ក្តៅមែន តែនៅមិនទាន់គិតគូរ ពីរឿងរៀបការ រហ័សពេកនោះដែរ។ វេលានោះអាចនឹងគិត ប្រហែលពីរឆ្នាំទៀត។ ពេលនៅមិនវែង ដែលខ្ញុំគិតគូរពីរឿង រៀបចំអនាគតគ្រួសារ ឬនិយាយចំការរៀបការនោះ ខ្ញុំក៏នឹងបញ្ចប់ការងារសិល្បៈដែរ។ ខ្ញុំនឹងបង្វែរទិសដៅ ចំណូលគ្រួសារងាកទៅរកការងារ ជំនួញវិញម្តង»។
សូមជម្រាបថា កញ្ញា ឌី សូនីតា ពីមួយថ្ងៃទៅមួយថ្ងៃ ត្រូវបានគេមើលឃើញថា ការងារសិល្បៈកាន់តែ មានភាពមមាញឹក ដែលព្រមនឹងទទួលបាន ឱកាសសម្តែងភាពយន្តល្បី ដែលផលិត ពីផលិតកម្ម មកពីហូលីវូដ នាងក៏ក្តាប់ឱកាសចេញច្រៀង នៅតាមកម្មវិធីផ្សេងៗ តាមខេត្ត ដែលពេលខ្លះ រកពេលទំនេរចូលសម្រាកផ្ទះ ស្ទើរមិនបានផង មិនចាញ់តារាចម្រៀងអាជីព ក្នុងផលិតកម្មនោះឡើយ។ នាពេលខាងមុខឆាប់ៗ ខ្ញុំក៏ត្រៀមចេញបទចម្រៀងថ្មី ផ្ទាល់ខ្លួន បទ Original Song។ ដែលរំពឹងនឹងទទួលបាន ការគាំទ្រពី សំណាក់មហាជន៕
ប្រភព៖ ដើមអម្ពិល
ដោយឡែកពត៌មានគួរឲ្យចាប់អារម្មណ៍មួយផ្សេងទៀត៖
ឈិត សុវណ្ណបញ្ញា ប្រហែលជាបាក់ទឹកចិត្តខ្លាំង ទើបសម្រេចទម្លាយសារនៅក្នុងហ្វេសប៊ុក!
ភ្នំពេញ៖ តារាចម្រៀងស្រី កញ្ញា ឈិត សុវណ្ណបញ្ញា តែងត្រូវបានគ្រប់គ្នាដឹងថា នាងជាតារាស្រីម្នាក់ មានចរិតស្លូតបូត និងមិនដែលមាន រឿងអាស្រូវពាក់ព័ន្ធនឹង ស្នេហា ឬជម្លោះជាមួយនឹងតារាសិល្បៈណានោះទេ។
ប៉ុន្តែអ្វីដែលធ្វើឲ្យ អ្នកគាំទ្រចាប់អារម្មណ៍ កាលពីយប់មិញនោះគឺ នាងបានសរសេរសារមួយ នៅក្នុងគណនីហ្វេសប៊ុករបស់នាង ហាក់ដូចជា បាក់ទឹកចិត្តខ្លាំងលើរឿងអ្វីម្យ៉ាង មិនដឹងជារឿងការងារ ឬក៏រឿងជីវិតឯកជននោះទេ។
តារាស្រីរូបនេះ ក៏បានសរសេរថា "ខ្ញុំអន់ខ្លាំងណាស់មែនទេ ខ្ញុំគ្មានសមត្ថភាពទាល់តែសោះមែនទេ ??ពេលខ្លះខ្ញុំមិននិយាយមិនមែនខ្ញុំមិនចេះឈឺ"។
មិនយូរប៉ុន្មាន នាងក៏បានទម្លាយសារមួយទៀត កាលពីប៉ុន្មាននាទីមុននេះ ដែលមានអត្ថន័យយ៉ាងដូច្នេះថា "ដោយសារការស្រលាញ់ដូច្នេះខំខាំមាត់សង្កត់ចិត្ត ហើយសង្ឃឹមថាគេនឹងឃើញពីតម្លៃយើងម្តងទៀត តែការទន្ទឹងចាំ១១ឆ្នាំបានត្រឹមតែចាំ សួរមនុស្សយើងមាន១១ឆ្នាំប៉ុន្មានដងទៀត? វាគួរតែដល់ពេលខ្ញុំត្រូវអ្វីដើម្បីអនាគតខ្លួនខ្ញុំម្តងហើយ លាហើយ អគុណគ្រប់យ៉ាងសំរាប់មនុស្សម្នាក់នេះ"។
ក្រោយពីបានឃើញដូចនេះ បណ្តាអ្នកគាំទ្រ បានព្យាយាមលើកទឹកចិត្តនាង ហើយថែមទាំងពោលពាក្យថា «ទោះបីមិនមានអ្នក ផ្តល់តម្លៃឲ្យរូបនាង ក៏ពួកគេ នៅតែទុកនាង នៅក្នុងបេះដូង និងនៅតែស្រលាញ់ជានិច្ច»។
គួររំលឹកផងដែរថា កញ្ញា ឈិត សុវណ្ណបញ្ញា កម្របង្ហោះសារទាក់ទងនឹងជីវិតឯកជនរបស់នាងខ្លាំងណាស់ ទោះជាមានរឿងអ្វីក៏ដោយ ក៏នាងនៅស្ងៀម និងមិនងាយទម្លាយរឿងក្នុងចិត្តចេញមកក្រៅនោះទេ តែនៅពេលនេះ ប្រហែលជានាងមិនអាច បៀមលាក់ទុក នូវរឿងទាំងនេះបាន ទើបនាងសម្រេចចិត្ត បញ្ចេញសារទាំងអស់នេះឡើង នៅក្នុងបណ្តាញសង្គមហ្វេសប៊ុក៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
