ភ្នំពេញ៖ តារាម៉ូដែល និងសម្តែងស្រី បង្ហាញដើមទ្រូងដ៏សិចស៊ី កញ្ញា ព្រីម លីហ្សា មិនដែលឃើញសម្តែង រឺថតឲ្យផលិតករ សម្រាប់ទីផ្សារថតកុនក្នុងស្រុកនោះទេ តែបើទីផ្សារក្រៅវិញ ដូចញឹកញាប់ណាស់ ។
តារាសម្តែងស្រី ចូលចិត្តសម្ញែងទ្រូង ដ៏សិចស៊ីបង្អួតក្រសែភ្នែកបុរសៗ ព្រីម លីហ្សា ក៏មានឱកាសទៅចូលរួម ក្នុងកម្មវិធីបង្ហាញម៉ូដ ដ៏ល្បីមួយនៅឯប្រទេសបារាំងដែលមានឈ្មោះ Paris Fashion Week 2017 ចំនួនបីបួនថ្ងៃក្នុងនាម ជាតារាកិត្តិយស ដែលចូលរួមទស្សនា ការបង្ហាញម៉ូដ ដែលប្រជុំដោយតារាម៉ូដែលល្បី ប្រចាំតំបន់អឺរ៉ុប ។ បើនៅភ្នំពេញវិញ គេឃើញនាងក្នុងកម្មវិធី Pedro Spring Summer Collection 2017 ។
ដោយសារឧស្សាហ៍ ឃើញចូលរួមនៅ ក្នុងកម្មវិធីសម្ពោធ ផលិតផលម៉ាកល្បីៗ មានទាំងនៅក្នុងស្រុក និងក្រៅស្រុកនោះហើយ ទើបបានជាហេតុនាំឲ្យមហាជនបានលើកឡើងថា ចុះហេតុអ្វីបានជាកញ្ញា ព្រីម លីហ្សា ឧស្សាហ៍ឃើញចូលរួម នៅក្នុងពិធីសម្ពោធរឿងនានាដែរ តែបែរជាគ្មានគេហៅ ថតកុនអ៊ីចឹង ឬក៏នាងលាឈប់ ពីពិភពសម្តែងកុន ទៅហើយទេដឹងហ្ន?
បើតាមជំនួយការ របស់កញ្ញា ព្រីម លីហ្សា បានបង្ហើបឲ្យដឹង ពីទីផ្សារថតកុននាដើមឆ្នាំ២០១៧ នេះថា "តាមពិតទៅមិនមែន លីហ្សា គ្មានទីផ្សារថតកុន ឬគ្មានផលិតកម្ម ហៅថតកុននោះទេ គ្រាន់តែនាពេលមួយរយៈនេះ គាត់ជាប់រវល់ថតស្ប៉ត ពាណិជ្ជកម្ម និងស្ប៉តអប់រំខ្លីៗច្រើន ហើយមិនមានពេល គ្រប់គ្រាន់ទទួលយកការ ថតកុននានាប៉ុណ្ណោះ។ ថ្មីៗនេះ ក៏មានផលិតកម្មមួយ នាងខ្ញុំសុំលាក់ឈ្មោះសិន កំពុងតែចរចាគាត់ ដើម្បីថតកុនដុំមួយដែរ"។
សូមជម្រាបថា កញ្ញា ព្រីម លីហ្សា តារាសម្ដែងនិយម ការបង្ហាញម៉ូដក្រៅប្រទេស និងប្រើតែសម្ភារៈប្រេនថ្លៃៗ ប្រកាសចង់ថត ស្រាតដូច កញ្ញា ឌុច លីដា ក្នុងរឿង "នារីវេទមន្ត" កាលពីពេលកន្លងទៅ បើគិតទៅនាងជាអ្នកទី២ហើយ ចង់ថតបែបនេះ ដោយទី១ គឺ កញ្ញា ទឹម រដ្ឋា និយាយថា បើសិនជាមានសាច់រឿងដែលតម្រូវឲ្យ ថតឈុតស្រាតដូច ឌុច លីដា មិនមានអ្វីត្រូវខ្លាចផង៕
ប្រភព៖ Looking Today
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
