ភ្នំពេញ៖ បន្ទាប់ពីបង្ហាញមុខគូស្នេហ៍ថ្មីរបស់ខ្លួន ជាសាធារណៈ ក្នុងគោលបំណង មិនមែនបញ្ឈឺនាយចឺមទេ អតីតហ្វ្រេសស៊ីហ្គ្រើលជំនាន់ទី13 កញ្ញា ពុធ ស្រីខួច អះអាងថា ខ្ទង់ច្រមុះរបស់ខ្លួន មិនបានកែកុននោះទេ ហើយគ្រប់កន្លែងនៅលើដងខ្លួននាង ក៏មិនបានកែដែរ។
តួសម្ដែងស្រីដែលមានសម្រស់ស្អាត កញ្ញា ពុធ ស្រីខួច បានបកស្រាយថា កន្លងមកមានសារព័ត៌មានខ្លះ ចុះថា នាងធ្វើការកែខ្ទង់ច្រមុះ។ ប៉ុន្តែសាមីខ្លួនអះអាងថា នាងមិនបានកែសម្ផស្សអ្វីនោះទេ។
ដើម្បីមានភាពជឿជាក់ កញ្ញា ស្រីខួច បានយកដៃញីច្រមុះចុះឡើង ជាភស្តុតាងថា នាងមិនកែកុនទេ ហើយគ្រប់កន្លែងនៅលើដងខ្លួននាង ក៏មិនបានកែដែរ។ នាងបង្ហើបថា រាល់ថ្ងៃនាងគ្រាន់តែ ឧស្សាហ៍ម៉ាស្សាមុខ និង លាបទឹកឃ្មុំ ឬ រមៀត ដើម្បីថែសម្ផស្សតែប៉ុណ្ណោះ។
សូមរំលឹកថា ស្រីស្រស់ ស្រីខួច ក៏ធ្លាប់បង្ហាញមុខ គូស្នេហ៍ថ្មីរបស់ខ្លួនម្នាក់ ជាសាធារណៈ ដើម្បីជម្រះមន្ទិលសង្ស័យរបស់មហាជន។ គេឃើញអតីតហ្វ្រេសស៊ីហ្គ្រើលរូបនេះ ក៏បានធ្លាយរូបថតប៉ុន្មានសន្លឹកថ្មី ជាមួយបុរសម្នាក់ផ្សេងទៀត យ៉ាងស្និទ្ធស្នាល នៅឯខេត្តសៀមរាប ជាមួយនឹងរូបអោបបុរសថ្មី ដែលមានរូបរាងមុខមាត់សង្ហា ស្រដៀងជនបរទេស ខុសប្លែកពីសង្សារមុនផង។
សូមជម្រាបថា ស្រីស្រស់ ពុធ ស្រីខួច ត្រូវបានអ្នកដឹកនាំរឿង ឲ្យសម្ដែងជាតួអង្គ តូចមនោរា ដែលមានលក្ខណៈជាតួអង្គឈ្នានីស តាមចាក់ចុចមិត្តភក្តិរបស់ខ្លួន។ តួអង្គដែលតម្រូវឲ្យនាងសម្ដែងជាតួឈ្នានីស មិនសូវជាមានបញ្ហា ប៉ុន្មាននោះទេសម្រាប់នាង ប៉ុន្តែប្លង់ដែលនាងបារម្ភ បំផុតនោះ គឺពេលដែលនាង សម្លាប់ឪពុកម្ដាយរបស់ខ្លួន តែទោះជាមានភាពតក់ស្លុត យ៉ាងណាក៏ដោយ នាងនឹងព្យាយាមឲ្យអស់ពីសមត្ថភាព ដើម្បីឲ្យអ្នកគាំទ្រប្រលោមលោក "ស្រទន់មន្តស្នេហ៍" មិនខកបំណងនោះទេ៕
ប្រភព៖ looking today
ដោយឡែកពត៌មានគួរឲ្យចាប់អារម្មណ៍មួយផ្សេងទៀត៖
សុខ សោម៉ាវត្តី និង លី វ៉ាហេទ តើជាអ្វីនឹងគ្នាឲ្យពិតប្រាកដ ទើបនាងហ៊ានធ្វើបែបនេះ?
ភ្នំពេញ៖ ទោះបីជា តារាសម្តែងស្រី អ្នកនាង សុខ សោម៉ាវត្តី មិនប្រកាសពីចំណងស្នេហា ជាមួយនឹង កីឡាករបាល់ទាត់ លោក លី វ៉ាហេទ ដោយផ្ទាល់មាត់ក៏ដោយ ក៏នាង នៅតែចូលចិត្ត បង្ហាញនូវរូបថត រឺក៏សកម្មភាពមួយចំនួនជាមួយគ្នាជារឿយៗ ហាក់បីដូចជាគូស្នេហ៍។
អ្វីដែលធ្វើឲ្យ អ្នកគាំទ្ររឹតតែចាប់អារម្មណ៍ជាងនេះទៅទៀតនោះ គឺកាលពីម្សិលមិញ រូបនាង បានបង្ហាញនូវរូបថតមួយ ដែលឃើញនៅលើអេក្រង់ទូរស័ព្ទរបស់នាង មានរូបលោក លី វ៉ាហេទ ទៀតផង។
ក្នុងនោះដែរ តារាស្រីរូបនេះ បានសរសេរថា "ភ្ញាក់ពីគេងស្រាប់តែមាន App មួយalert មកប្រាប់អ្វីម្យ៉ាង ជឿទេថា វាធ្វើឲ្យញញឹមរហូតតាំងពីព្រឹកដល់ស្មានេះ"។
ចំពោះរូបថតនេះ មហាជនកំពុងតែសង្ស័យថា តើរវាង អ្នកនាង សុខ សោម៉ាវត្តី និងលោក លី វ៉ាហេទ ពិតជា ស្រលាញ់គ្នាមែនឬយ៉ាងណា ព្រោះថា នាងកម្រយករូបតារាប្រុសណា មកដាក់លើអេក្រង់យ៉ាងដូច្នេះណាស់ ឬក៏ការធ្វើបែបនេះ ដើម្បីទាមទារចំណាប់អារម្មណ៍ពីអ្នកគាំទ្រ ហើយព្យាយាមបង្កើត នូវរឿងប្រឌិតទាំងឡាយដែលមើលទៅដូចស្រលាញ់គ្នា?
ដូច្នេះមានតែ អ្នកនាង សុខ សោម៉ាវត្តី តែម្នាក់ទេ ដែលអាចស្រាយចម្ងល់ ឲ្យមហាជនបានដឹងថា តើទំនាក់ទំនងរវាង នាង និងកីឡាករបាល់ទាត់រូបសង្ហា លោក លី វ៉ាហេទ តើជាអ្វីនឹងគ្នាឲ្យពិតប្រាកដ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]