ខេត្តកំពត ៖ បុរសម្នាក់បន្ទាប់ពីដេញវាយប្រពន្ធកូនរហូតរត់ចោលផ្ទះអស់ ស្រាប់តែយកខ្សែពួរចងកសម្លាប់ខ្លួននៅក្រោមផ្ទះបង្កឲ្យមានការភ្ញាក់ផ្អើលកាលពីវេលាម៉ោង៣រសៀល ថ្ងៃទី២០ ខែមករា ឆ្នាំ២០១៧ នៅភូមិតាទេន ឃុំសំរោង ស្រុកបន្ទាយមាស ។
ជនរងគ្រោះឈ្មោះ អូ ឆើត ភេទប្រុស អាយុ៥២ឆ្នាំ រស់នៅភូមិកើតហេតុខាងលើ ។
ប្រពន្ធជនរងគ្រោះបានឲ្យសមត្ថកិច្ចដឹងថា កាលពីថ្ងៃមុន ប្តីរបស់គាត់បានរករឿងអ្នកផ្ទះ ដោយដេញវាយប្រពន្ធ និងកូន រហូតនាំគ្នារត់ចេញពីផ្ទះអស់ដោយសារតែខ្លាចប្តីធ្វើបាប ស្រាប់តែនៅរសៀលថ្ងៃកើតហេតុប្តីរបស់គាត់បានចងកធ្វើអត្តឃាតស្លាប់បាត់តែម្តង ។
ប្រភពពីនគរបាលជំនាញដែលបានចុះទៅពិនិត្យ និងធ្វើកោសល្យសពបានឲ្យដឹងថា ជនរងគ្រោះពិតជាបានយកខ្សែពួរចងកធ្វើអត្តឃាតមែន ព្រោះជាមនុស្សវិកលចរិត ។ បន្ទាប់ពីពិនិត្យរួចសពត្រូវបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕
ប្រភព៖ កោះសន្តិភាព
ព័ត៌មានស្រដៀងគ្នានេះដែរ ករណីមួយផ្សេងទៀត៖ យុវជនម្នាក់តូចចិត្តឪពុកម្តាយស្តីបន្ទោស រឿនទៅរៀនចេះតែគេចសាលារហូត សម្រេចចិត្តចង-ក បញ្ចប់ជីវិត នៅស្រុកក្រគរ
(ពោធិ៍សាត់)៖ យុវជនម្នាក់តូចចិត្តឪពុកម្តាយស្តីបន្ទោស រឿងទៅរៀនចេះតែគេចមិនចូលសាលារហូត បានសម្រេចចិត្តបញ្ចប់ជីវិត ដោយចង-ក ជាមួយខ្សែគោជាប់នឹងធ្នឹមបន្ទប់ទឹកក្រោមផ្ទះ បង្កឲ្យមានការភ្ញាក់ផ្អើល នៅរសៀលថ្ងៃទី២១ ខែមករា ឆ្នាំ២០១៧ នៅចំណុចបន្ទប់ទឹកក្រោមផ្ទះជនរងគ្រោះ ស្ថិតក្នុងភូមិទួលម្កាក់ ឃុំអន្លង់ត្នោត ស្រុកក្រគរ ខេត្តពោធិ៍សាត់។
លោក ឯម រុន អធិការនគរបាលស្រុកក្រគរ បានប្រាប់ភ្នាក់ងារ Fresh News ឲ្យដឹងថា បុរសដែលតូចចិត្តឪពុកម្តាយស្តីបន្ទោស រឿងទៅរៀនចេះតែគេចមិនចូលសាលារហូត មានឈ្មោះ លឹម សៀងលី ភេទប្រុស អាយុ១៦ឆ្នាំ មុខរបរជាសិស្សរៀនថ្នាក់ទី១០ មានឪពុកឈ្មោះ រ៉ែម ណាត អាយុ៤៨ឆ្នាំ មុខរបរជាគ្រូបង្រៀន មានម្តាយឈ្មោះ កៃ សុខ អាយុ៤៦ឆ្នាំ មុខរបរជាគ្រូបង្រៀន។
លោកអធិការបានបន្តថា «នៅរសៀលថ្ងៃទី២១ ជនរងគ្រោះបានមកដល់ផ្ទះ ពេលដាក់កាបូបចុះ ឪពុកម្តាយបានសួរថា ទើបតែមកពីណា យ៉ាងម៉េចបានមិនទៅរៀន រួចក៏ដើរចេញទៅបាត់»។ នេះបើតាមម្តាយជនរងគ្រោះបានឆ្លើយប្រាប់សមត្ថកិច្ចទាំងទឹកភ្នែក ពេលប្រទះឃើញកូនរបស់គាត់ចង-កសម្លាប់ខ្លួន។
ក្រោយពេលកើតហេតុ សមត្ថកិច្ចបានចុះទៅពិនិត្យ និងធ្វើកោសល្យវិច្ច័យនៅនឹងកន្លែងកើតហេតុ រួចបានសន្និដ្ឋានថា ជនរងគ្រោះពិតជាបានធ្វើអត្តឃាតខ្លួនឯង ជាមួយខ្សែគោជាប់នឹងធ្នឹមបន្ទប់ទឹកក្រោមផ្ទះ ដោយសារតែឪពុកម្តាយស្តីបន្ទោសរឿងទៅរៀនចេះតែគេចសាលា ពិតប្រាកដមែន។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]