(កំពត)៖ ព្រោះតែខឹងកូនរឿងដើរលេងច្រើន និយាយមិនស្តាប់ បានបង្ខំឲ្យបុរសជាឪពុកយកដំបង វាយកូនប្រុសខ្លួនឯងរហូតដល់ស្លាប់ យ៉ាងអាណោចអាធ័ម ស្ថិតនៅចំណុចផ្ទះជនល្មើសក្នុងភូមិត្រពាំងកំភ្លាញ ឃុំអង្គភ្នំតូច ស្រុកអង្គរជ័យ ខេត្តកំពត។ យ៉ាងណាក៏ដោយ ជនបង្កជាឪពុក ត្រូវបានកម្លាំងនគរបាលចាប់វាយខ្នោះ និងកសាងសំណុំរឿងបញ្ជូនទៅតុលាការចាត់ការបន្តទៀត។
មន្ត្រីនគរបាលជំនាញស្រុកអង្គរជ័យ បានប្រាប់អង្គភាព Fresh News នៅព្រឹកថ្ងៃទី២២ ខែមករា ឆ្នាំ២០១៧នេះថា ជនសង្ស័យជា ឪពុកដែលវាយសម្លាប់កូនប្រុសខ្លួនឯងកាលពីល្ងាចមិញនេះមានឈ្មោះ ខៀវ កី អាយុ៤៦ឆ្នាំ។ ចំណែកជនរងគ្រោះជាកូន ឈ្មោះ លៀស ដារ៉ូ ភេទប្រុស អាយុ២២ឆ្នាំ។ ឪពុក និងកូនរស់នៅជាមួយគ្នា ក្នុងភូមិ-ឃុំ កើតហេតុខាងលើ។
ប្រជាពលរដ្ឋរស់នៅជិតខាងក្នុងភូមិ បានប្រាប់សមត្ថកិច្ចថា ឪពុកព្រោះតែខឹងកូននិយាយមិនស្តាប់ រឿងដើរលេងច្រើន ក៏ដាច់ចិត្តប្រើ អំពើហិង្សា វាយនឹងដំបងទៅលើកូនឯង ស្លាប់យ៉ាងអាណោចអាធ័មបែបនេះតែម្តងទៅ។
តាមសមត្ថកិច្ចនគរបាលជំនាញ ដែលបានចុះធ្វើកោសល្យវិច្ច័យ បានសន្និដ្ឋានបឋមថា ជនដៃដល់ជាឪពុក ពិតជាបានវាយកូននឹង ដំបង បណ្តាលឲ្យស្លាប់ភ្លាមៗ នៅនឹងកន្លែងកើតហេតុប្រាកដមែន។
បច្ចុប្បន្ន ជនសង្ស័យ បាននឹងកំពុងឃាត់ខ្លួននៅអធិការដ្ឋាននគរបាលស្រុក ដើម្បីកសាងសំណុំរឿង បញ្ជូនទៅតុលាការចាត់ការ តាមផ្លូវច្បាប់៕
ប្រភព៖ Fresh News
ដោយឡែកព័ត៌មានគួរឲ្យចាប់អារម្មណ៍មួយផ្សេងទៀត៖ ព្រៃផ្សៃណាស់ ! រុកប្រដាប់ភេទរហូតឈាម
បុរសម្នាក់ត្រូវបានសមត្ថកិច្ចចាប់ខ្លួនកាលពីវេលាម៉ោង២ និង៣០នាទីរសៀល ថ្ងៃទី២១ ខែមករា ឆ្នាំ២០១៧ បន្ទាប់ពីបុរសរូបនោះបានធ្វើសកម្មភាពយកម្រាមដៃរុកចូលប្រដាប់ភេទក្មេងស្រីម្នាក់រហូតមានធ្លាក់ឈាម ប្រព្រឹត្តនៅចំណុចឃុំផ្លូវទូក ស្រុកកំពង់លែង ។
លោក ប៉ាល់ ជឿន អធិការនគរបាលស្រុកកំពង់ឆ្នាំង បានឲ្យដឹងថា ជនសង្ស័យឈ្មោះ លឹម ភ័ណ្ឌ ភេទប្រុស អាយុ៣០ឆ្នាំ ជាអ្នកនេសាទ មានទីលំនៅភូមិត្អូរលំ ឃុំកំពង់ហាវ ស្រុកកំពង់លែង ។ ចំណែកក្មេងស្រីរងគ្រោះទើបតែមានអាយុ៦ឆ្នាំប៉ុណ្ណោះ ។
លោកអធិការនគរបាលស្រុកកំពង់ឆ្នាំង បានឲ្យដឹងទៀតថា កាលពីវេលាម៉ោង៥ និង៣០នាទីព្រឹក ថ្ងៃទី២១ ខែមករា ឆ្នាំ២០១៧ ជនសង្ស័យបានលួចចូលទៅកន្លែងដេករបស់ក្មេងស្រីរងគ្រោះហើយបានធ្វើសកម្មភាពយកម្រាមដៃរុកប្រដាប់ភេទក្មេងស្រីរងគ្រោះរហូតមានមានធ្លាក់ឈាម បន្ទាប់មកជនសង្ស័យបានគេចខ្លួនបាត់ ។ លុះព្រឹកឡើងឪពុកម្តាយក្មេងស្រីរងគ្រោះបានឃើញកូនមានសភាពស្លេកស្លាំង និងមានធ្លាក់ឈាមទៀតនោះ ក៏បានសួរកូនទើបដឹងថា ឈ្មោះ លឹម ភ័ណ្ឌ ដែលមកដេកស្នាក់នៅជិតនោះជាអ្នកប្រព្រឹត្ត ទើបប្តឹងសមត្ថកិច្ចតាមចាប់ខ្លួនតែម្តង ។
នៅចំពោះមុខសមត្ថកិច្ច ជនសង្ស័យឈ្មោះ លឹម ភ័ណ្ឌ បានសារភាពថា ខ្លួនពិតជាបានប្រព្រឹត្តដូចការចោទប្រកាន់មែន ហើយត្រូវបានសមត្ថកិច្ចនគរបាលស្រុកកំពង់លែងកសាងសំណុំរឿងបញ្ជូនទៅស្នងការដ្ឋាននគរបាលខេត្តដើម្បីចាត់ការតាមនីតិវិធីច្បាប់ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
