រាជធានីភ្នំពេញ ៖ ដោយសារតែមានធំក្លិនស្អុយអាសោចខ្លាំងពេក បុគ្គលិកបម្រើការងារនៅក្នុងផ្ទះសំណាក់ក៏នាំគ្នាដើររកមើលតាំងពីជាន់ផ្ទាល់ដីរហូតដល់ជាន់ទី២ ទើបដឹងថា បុរសជនជាតិអាល្លឺម៉ង់ម្នាក់បានធ្វើអត្តឃាតយ៉ាងចម្លែក ។ ហេតុការណ៍នេះបង្កឱ្យមានការភ្ញាក់ផ្អើលកើតឡើងកាលពីវេលាម៉ោង១០ និង៣០នាទីព្រឹក ថ្ងៃទី២១ ខែមករា ឆ្នាំ២០១៧ នៅក្នុងបន្ទប់ជាន់ទី២ ក្នុងផ្ទះសំណាក់យីហោ White River ផ្ទះលេខ១៤២A5-១៤២A6 ផ្លូវលេខ១៧២ សង្កាត់ជ័យជំនះ ខណ្ឌដូនពេញ ។
ប្រភពព័ត៌មានពីមន្ត្រីនគរបាលបានឱ្យដឹងថា បុរសរងគ្រោះឈ្មោះ TEICH MICHAEL អាយុ៥២ឆ្នាំ ជនជាតិអាល្លឺម៉ង់ ជាអ្នកទេសចរណ៍ ។
ប្រភពឲ្យដឹងទៀតថា មុនពេលកើតហេតុ បុគ្គលិកបម្រើការនៅក្នុងផ្ទះសំណាក់យីហោ White River បានធំក្លិន ស្អុយយ៉ាងខ្លាំង ក៏នាំគ្នាដើរឆែកឆេររកតាមបន្ទប់ជាច្រើន តាំងពីជាន់ក្រោមរហូតទៅដល់ជាន់ទី២ ពេលដល់បន្ទប់មួយដែលគេមិនបានឃើញបុរសជនបរទេសដែលស្នាក់នៅទីនោះចេញមកខាងក្រៅ២ថ្ងៃហើយ ហើយបិទទ្វារចាក់សោរជាប់ទៀត ដោយមានការសង្ស័យពួកគេក៏បានយកកូនសោចាក់ចូលទៅក្នុងបន្ទប់មើល ទើបប្រទះឃើញសាកសពរបស់បុរសម្នាក់មានសភាពហើម និងស្អុយយ៉ាងអសោចទៅហើយបង្កឲ្យមានការភ្ញាក់ផ្អើល និងរាយការណ៍ទៅប្រាប់សមត្ថកិច្ចមូលដ្ឋានឲ្យបានដឹងពីរឿងនេះ ។
ក្រោយពេលកម្លាំងសមត្ថកិច្ចមូលដ្ឋាន និងជំនាញបានចុះទៅធ្វើការត្រួតពិនិត្យ និងកោសល្យវិច្ច័យ បានឃើញថា បុរសជាជាតិអាល្លឺម៉ង់រងគ្រោះបានស្លាប់ដោយសារតែការធ្វើអត្តឃាតសម្លាប់ខ្លួនឯងប្រាកដមែន ដោយបានចូលទៅក្នុងបន្ទប់ទឹកបិទទ្វារ រួចយកធ្យូងអនាម័យទៅដុតបង្កជាផ្សែងបណ្តាលឲ្យថប់ដង្ហើមស្លាប់តែម្តង ។
ក្រោយពេលកើតហេតុ សពជនរងគ្រោះត្រូវបានបញ្ជូនទៅរក្សាទុកនៅមន្ទីរពេទ្យមិត្តភាពខ្មែរ-សូវៀត ដើម្បីរង់ចាំក្រុមគ្រួសារមកទទួលយកទៅធ្វើបុណ្យទៅតាមប្រពៃណីឯប្រទេសកំណើតវិញរបស់គេវិញ ៕
ប្រភព៖ កោះសន្តិភាព
ដោយឡែករំលឹកព័ត៌មានមួយផ្សេងទៀត៖ ផ្អើលពេញហាងបាយ ចែ ច្រឹប
បុរស៤-៥នាក់ ខណៈកំពុងអង្គុយផឹកស៊ី នៅហាងបាយ ចែ ច្រឹប ស្រាប់តែបុរសម្នាក់ជិះម៉ូតូ មកឈប់រោទិ៍ហ្គែរខ្លាំងៗ ហើយដកកាំភ្លើងខ្លីបាញ់២គ្រាប់ចូលវង់ផឹកបង្កឲ្យមានការភ្ញាក់ផ្អើល កាលពីវេលាម៉ោង៩ និង៣០នាទីយប់ ថ្ងៃទី១៨ ខែមករា ឆ្នាំ២០១៧ កន្លងទៅ តាមបណ្តោយផ្លូវលេខ១៣ កែងផ្លូវលេខ១៥៤ នៅចំណុចជាប់ភោជនីយដ្ឋាន៥៥៥៥ ស្ថិតនៅក្នុងសង្កាត់ជ័យជំនះ ខណ្ឌដូនពេញ។
តាមប្រភពព័ត៌មាន ពីជនរងគ្រោះឈ្មោះ សុខ រក្សា អាយុ៣១ឆ្នាំ មុខរបរធ្វើការនៅបារបារាំង ស្នាក់នៅសង្កាត់បឹងទំពុន ខណ្ឌមានជ័យ បានឲ្យដឹងថា មុនពេលកើតហេតុជនរងគ្រោះនិងមិត្តិភក្តិ៤-៥កំពុងអង្គុយផឹកស៊ី នៅក្រោមដើមអំពិលកន្លែងលក់បាយយីហោ ចែ ច្រឹប ស្ថិតនៅតាមចិញ្ចើមផ្លូវ ជាប់ហាង៥៥៥៥ ស្រាប់តែបុរសមិនស្គាល់អត្តសញ្ញាណវ័យជាង៣០ឆ្នាំ ជិះម៉ូតូម៉ាកហុងដាឌ្រីម សេ១២៥ ស៊េរីឆ្នាំ២០១៥ ពណ៌ខ្មៅ មិនចាំស្លាកលេខ ជិះម៉ូតូមកដល់កន្លែង ពួកគាត់កំពុងផឹកស៊ី មិនដឹងថា ម៉ូតូជាប់ហ្គែរ ឬមានបញ្ហាអីទេ បានឈប់ម៉ូតូហើយរោទិ៍ហ្គែរខ្លាំងៗ និងបានចុចស៊ីផ្លេទៀត ពេលនោះក្រុមជនរងគ្រោះ បាននាំគ្នានិយាយថា បងមិនចាំបាច់រោទិ៍ហ្គែរម៉ូតូខ្លាំងៗពេកទេ មានរឿងអីនិយាយគ្នាបាន ស្រាប់តែបុរសរូបនោះខឹង ហើយបានដកកាំភ្លើងខ្លីចេញពីចង្កេះបាញ់សំដៅ ចូលទៅអ្នកដែលអង្គុយផឹក២គ្រាប់ ធ្វើឲ្យអ្នកដែលអង្គុយផឹក៤-៥នាក់នោះនាំគ្នាចែកជើងគ្នា រត់បាតជើងសព្រាត តែសំណាងល្អមិនបានរងរបួសទេ ចំណែកបុរសរូបនោះបន្ទាប់ពីបាញ់២គ្រាប់ហើយ បានជិះម៉ូតូចេញទៅបាត់ស្រមោល ។
ក្រោយពេលកើតហេតុ កម្លាំងកងរាជអាវុធហត្ថខណ្ឌដូនពេញ និងកម្លាំងនគរបាលមូលដ្ឋាន បាននាំគ្នាមកដល់កន្លែងកើតហេតុ និងធ្វើការស្រាវជ្រាវរកឃើញសំបកកាទុស្សដែលបាញ់រួច១គ្រាប់ និងមិនទាន់បាញ់១គ្រាប់ សរុបទាំងអស់២គ្រាប់ ត្រូវបានអាវុធហត្ថយកទៅរក្សាទុកដើម្បីស្រាវជ្រាវ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]