ខេត្តកំពង់ឆ្នាំង ៖ សមត្ថកិច្ចកងរាជអាវុធហត្ថខេត្ត សហការជាមួយសន្តិសុខក្លិបមួយកន្លែងឈ្មោះ «អេស អេច ផាឡេស» ដែលមានទីតាំងក្នុងភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង បានចាប់ឃាត់លោកសង្ឃ៣អង្គ ដែលបានដោះស្បង់ចីវរ ចេញ បន្លំខ្លួនចូលរាំក្នុងក្លិបកម្សាន្តខាងលើ ។
ហេតុការណ៍ដ៏ភ្ញាក់ផ្អើលនេះ កើតឡើងកាលពីវេលាម៉ោង១១ និង៣០នាទីយប់ថ្ងៃទី១៩ មករា ២០១៧ ក្រោយការចាប់ឃាត់ខ្លួនមួយយប់ ព្រឹកឡើងសមត្ថកិច្ចកងរាជអាវុធហត្ថ ខេត្តបានប្រគល់លោកសង្ឃ៣អង្គនេះ ទៅមន្ទីរធម្មការ ដើម្បីចាត់ការតាមនិតិវីធី។
លោកសង្ឃទាំង៣នាក់ ១-ឈ្មោះណៃ ចាន់ណា អាយុ២០ឆ្នាំ មានទីលំនៅភូមិស្រែអណ្តែត ឃុំជ្រេស ស្រុកកំពង់ត្រឡាច ២-ឈ្មោះខន វិសាល អាយុ១៧ឆ្នាំ និង៣-ឈ្មោះម៉ាក់ សុមិត្ត អាយុ១៦ឆ្នាំ ទាំងពីរនាក់មានទីលំនៅ ភូមិក្បាលថ្នល់ ឃុំផ្សារ ស្រុកបរិបូរណ៌ បួសនៅក្នុងវត្តសង្វររង្សី ហៅវត្ត «សំរោងធំ» ក្នុងភូមិក្បាលថ្នល់ ឃុំផ្សារ ស្រុកបរិបូរណ៍ ។
លោកប្រធានមន្ទីរធម្មការបន្តថា មុនពេលមានការចាប់ខ្លួន សង្ឃ៣អង្គបានលួចដោះស្បង់ជីវរចេញដោយទុកក្នុងវត្ត ហើយបានលួចចេញពីវត្តមកចូលរាំនៅក្លឹបកំសាន្តក្នុងក្រុងកំពង់ឆ្នាំង ។ ចៃដន្យយប់នោះ សមត្ថកិច្ចបានត្រួតពិនិត្យអាវុធជាតិផ្ទុះ ហើយបានចាប់ឃាត់ខ្លួនសង្ឃទាំង៣នាក់ខាងលើ បន្ទាប់ពីបក្សពួកមួយចំនួនទៀតបានរត់គេចខ្លួន ដោយសង្ស័យថា ពាក់ព័ន្ធករណីគ្រឿងញៀន ។
ប្រភព៖ កោះសន្តិភាព
ដោយឡែកពត៌មានគួរឲ្យចាប់អារម្មណ៍មួយផ្សេងទៀត៖
បុរសម្នាក់ ត្រូវខ្សែលួស តភ្ជាប់ជាមួយ អាំងវិចទ័រសម្រាប់ឆក់កណ្ដុរ ឆក់ស្លាប់
កណ្តាល៖ បុរសម្នាក់ ត្រូវចរន្តអគ្គិសនីឆក់ស្លាប់ (ខ្សែលួសតភ្ជាប់ជាមួយអាំងវិចទ័រឆក់កណ្ដុរ) កាលពីថ្ងៃទី១៩ ខែមករា ឆ្នាំ២០១៧ វេលាម៉ោង ២២ ៈ១៥នាទី នៅក្បែរដីស្រូវរបស់ឈ្មោះ ខាត់ សម្បត្តិ ចំណុចខាងក្រោយភូមិ ស្ថិតនៅភូមិលេខ៥ ឃុំប្រាសាទ ស្រុកស្អាង ខេត្តកណ្ដាល។
ជនរងគ្រោះឈ្មោះ ព្រុំ ដន ហៅ ហើម ភេទ ប្រុស អាយុ ៣០ ឆ្នាំជនជាតិខ្មែរ មានមុខរបរកសិករ ទីលំនៅបច្ចុប្បន្នភូមិលេខ ៥ ឃុំប្រាសាទ ស្រុកស្អាង ខេត្តកណ្តាល ។
មការអះអាង របស់ប្រពន្ធជនរងគ្រោះ បានឲ្យដឹងថា ជនរងគ្រោះតែងតែទៅនេសាទ (បង្កៃសន្ទួច) នៅម៉ោងប្រហែល១៧ៈ០០នាទី ជារៀងរាល់ថ្ងៃ។ លុះដល់ថ្ងៃកើតហេតុ ជនរងគ្រោះបានទៅនេសាទដូចរាល់ថ្ងៃ លុះដល់ម៉ោងប្រហែល២១ៈ០០នាទី ពេលបាត់ប្ដីយូរខុសប្លែកពីរាល់ដង ប្រពន្ធជនរងគ្រោះ ក៏បានពឹងពាក់អ្នករស់នៅជិតខាង ដើម្បីជួយដើររកជនរងគ្រោះ នៅទីកន្លែងដែលធ្លាប់នេសាទរាល់ដង។ លុះដល់ម៉ោងប្រហែល ២២ៈ១៥នាទី ក៏បានឃើញជនរងគ្រោះ ដេកស្លាប់ផ្កាប់មុខក្បែរដីស្រូវ របស់ឈ្មោះខាត់ សម្បត្តិ ចម្ងាយពីមាត់ទឹកប្រហែលជា ១០ម៉ែត្រ ដោយសារឆក់ជាប់ខ្សែលួស តភ្ជាប់ជាមួយអាំងវិចទ័រឆក់សត្វកណ្ដុរ ដែលឈ្មោះ ខាត់ សម្បត្តិ រាយព័ទ្ធជុំវិញដីស្រូវរបស់គាត់ ដើម្បីឆក់សត្វកណ្ដុរ។ ឃើញដូចនោះ ប្រជាពលរដ្ឋដែលទៅជួយដើររក បាននាំគ្នាយកសពមកផ្ទះ ។
លុះព្រឹកឡើង នៅថ្ងៃទី២០ ខែមករា ឆ្នាំ២០១៧នេះ មេភូមិបានរាយការណ៍ មកនគរបាលប៉ុស្ដិ៍ប្រាសាទ ថាមានករណីឆក់សត្វកណ្ដុរ បណ្ដាលឲ្យស្លាប់មនុស្ស។ ពេលទទួលបានព័ត៌មានភ្លាម កម្លាំងប៉ុស្ដិ៍បានមកដល់ផ្ទះសព រួចរាយការណ៍ទៅកម្លាំងជំនាញបច្ចេកទេសស្រុក បានធ្វើការពិនិត្យសព ដោយមានកាចូលរួមពីលោកមេភូមិលេខ៥ ក្រុមប្រឹក្សាឃុំ ។
ក្រោយពីពិនិត្យរបស់កម្លាំងជំនាញឃើញថា ជនរងគ្រោះពិតជាស្លាប់ ដោយសារឆក់ខ្សែលួស តភ្ជាប់ជាមួយអាំងវិចទ័រឆក់សត្វកណ្ដុរ ពិតប្រាកដមែន ដោយមានស្នាមត្រង់កំភួនដៃខាងឆ្វេង១កន្លែង និងត្រង់ឃ្លៀកខាងឆ្វេង។ បន្ទាប់ពិនិត្យរួច សពបានប្រគល់ឲ្យក្រុមគ្រួសារ ធ្វើបុណ្យតាមប្រពៃណី។ ចំណែកវត្ថុតាងចាប់យក ១. អាំងវិចទ័រ កម្លាំង១០គ្រាប់ ០១គ្រឿង, ២.អាគុយម៉ាក ប៉ាណាសូកា កម្លាំង៥០អំពែរ (ក្រហម .ស) ១គ្រឿង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
