រាជធានីភ្នំពេញ ៖ មានការភ្ញាក់ផ្អើលមួយ នៅចំណុចមុខមន្ទីរពេទ្យគន្ធបុប្ផាទី៤ ស្ថិតនៅតាមបណ្តោយផ្លូវលេខ៩០ ក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ កាលពីវេលាម៉ោង០៤ និង៣០នាទីល្ងាចថ្ងៃទី១៨ មករា ស្ត្រីម្នាក់ដែលគេអះអាងថា មានសតិមិនល្អបានឡើងលើ ដើមអំពិលប៉ុនប៉ងចង.កសម្លាប់ខ្លួន ប៉ុន្តែត្រូវកម្លាំងប្រជាការពារខណ្ឌដូនពេញ ជួយអន្តរាគមន៍ទាន់ពេល ទើបរួចផុតពីសេចក្តីស្លាប់ ។
សាក្សីដែលឃើញ ហេតុការណ៍បាននិយាយថា នៅវេលាម៉ោងខាងលើ មានស្ត្រីម្នាក់អាយុប្រហែលជាង៣០ឆ្នាំ តែមិនស្គាល់ឈ្មោះគ្រាន់តែដឹងថា នាងមានសម្បុរខ្មៅស្រអែម សក់វែង ស្លៀកខោបារាំងខ្លីផ្កាពណ៌.ស ពាក់អាវត្រេអ៊ីដៃវែង បានដើរមកកន្លែងកើតហេតុខាងលើ ហើយដើរចុះឡើងៗ ពីរបីត្រឡប់ រួចរត់ឡើងដើមអំពិលមួយដើម ទល់មុខមន្ទីរពេទ្យគន្ធបុប្ផា រួចបានយកខ្សែចង.ក ខ្លួនឯង ។
ប៉ុន្តែភ្លាមៗនោះ កម្លាំងប្រជាការពារ ខណ្ឌដូនពេញឃើញទាន់ ក៏ឡើងដើមអំពិលជួយអន្តរាគមន៍សង្គ្រោះទាន់ និងលើកជនរងគ្រោះ ពីលើដើមឈើមកដល់ដី រួចបញ្ជូនទៅបញ្ជូនទៅមណ្ឌលសុខភាព ខណ្ឌដូនពេញសង្គ្រោះជីវិត ខណៈដែលស្ត្រីរូបនេះសន្លប់ ។
ប្រធានក្រុមប្រជាការពារដែលនៅគោលដៅមន្ទីរពេទ្យគន្ធបុប្ផាបាននិយាយថា នៅព្រឹកថ្ងៃទី១៩ មករា នេះ ស្ត្រីដែលប៉ុនប៉ងចង.កសម្លាប់ខ្លួននេះ មិនស្លាប់នោះទេ ។
ប្រភព៖ កោះសន្តិភាព
ដោយឡែកក្រឡេកទៅមើលព័ត៌មាន ចាប់អារម្មណ៍មួយផ្សេងទៀត៖
ថៃ នរៈពិទូ ត្រូវឃុំខ្លួនពាក់ព័ន្ធ នឹងគ្រឿងញៀន ចំណែកប្រពន្ធបញ្ជូន ទៅកាន់មណ្ឌលកែប្រែ និងបន្សាប
ភ្នំពេញៈ សាលាដំបូងខេត្តបាត់ដំបង បានទម្លាយថា ករណីអតីតារាសម្តែង ថៃ នរៈពិទូ ពាក់ព័ន្ធនឹងគ្រឿងញៀន ត្រូវបានតុលាការសម្រេចចេញ ដីការឲ្យឃុំខ្លួនតារាសម្តែងរូបនេះហើយ ។ ប៉ុន្តែភរិយារបស់លោក និងនារីម្នាក់ ផ្សេងទៀតមិនត្រូវបានឃុំខ្លួនទេ ត្រូវបញ្ជូនទៅកាន់មណ្ឌលកែប្រែ និងបន្សាបគ្រឿងញៀន ។
អតីតតារាសម្តែង និងជាអតីតហ្វ្រេស៊ីលេខ១ ថៃ នរៈពិទូ បានបង្កើតឲ្យមានការភ្ញាក់ផ្អើលជាថ្មី ក្រោយពីតារារូប នេះនិងបក្សពួកជាច្រើននាក់ត្រូវបានមន្ត្រីសមត្ថកិច្ចខេត្តបាត់ដំបងចាប់ខ្លួន ព្រោះតែមានការពាក់ព័ន្ធនឹង ករណី ជួញដូរថ្នាំញៀន ។ ក្រៅពីលោក ក៏មានភរិយា និងបក្ខពួកមួយចំនួនទៀតផងដែរ ដែលត្រូវបានសមត្ថកិច្ច ឃាត់ខ្លួន។
ប្រភពពីមន្ត្រីសាលាដំបូងខេត្តបាត់ដំបងបានលើកឡើងថា អតីតតារាសម្តែង និងបក្ខពួក៣នាក់ផ្សេងទៀត ត្រូវបានមន្ត្រីតុលាការសម្រេចឲ្យឃុំខ្លួនជាបណ្តោះអាសន្ន ក្រោមបទចោទប្រើប្រាស់ និងជួញដូរគ្រឿងញៀន និងបើកស្រាវជ្រាវសើបអង្កេតបន្ត មុនពេលបើកសវនាការកាត់ក្តីនៅថ្ងៃក្រោយ ។ ចំណែកភរិយារបស់តារា សម្តែងថៃរនៈ ពិទូ គឺអ្នកនាងអោក រតនះប៉ុណ្ណិកា ភេទស្រី អាយុ២៧ឆ្នាំ និងឈ្មោះហ៊ុន ម៉ាណេ ភេទស្រី អាយុ២៧ឆ្នាំ ត្រូវបានសម្រេចឲ្យធ្វើការបញ្ជូន ទៅមណ្ឌលកែប្រែ ព្រោះតែអ្នកទាំងពីរត្រឹមពាក់ព័ន្ធ លើករណី ប្រើប្រាស់គ្រឿងញៀន។ ទោះជាយ៉ាងណា ករណីចោទប្រកាន់លើអតីតតារាសម្តែង ថៃនរៈ ពិទូ និងបក្ខពួកនៅ មិនទាន់កំណត់ថ្ងៃបើកសាវនាការជំនុំជម្រះនៅថ្ងៃណានៅឡើយ ។
សូមរំលឹកថា អតីតតារាសម្តែងថៃ នរៈពិទូ និងបក្ខពួកត្រូវបានចាប់ខ្លួនកាលពីថ្ងៃទី១០ ខែមករា ឆ្នាំ២០១៧ នៅទីតាំងខារ៉ាអូខេមួយកន្លែងយីហោដឺសោនហ្វាមីលី (The Sound Family KTV)បន្ទាប់ពីរកឃើញថា ពួកគេបានផ្តប្រើប្រាស់រក្សាទុកនិងជួញដូរសារធាតុញៀន ។
វត្ថុតាងដកហូតបានរួមមានថ្នាំញៀនប្រភេទកេតាមីន(KETAMINEខេ )ចំនួន៣ថង់ ទម្ងន់០,៨៨ក្រាម, ឧបករណ៍ (ពុម្ភ) សំរាប់កែច្នៃថ្នាំញៀន អ៊ិចស្តាស៊ីចំនួន២, ថ្នាំអំពូលDiazepam ចំនួន២អំពូល ,ថ្នាំគ្រាប់ ZEPAMចំនួន១៦បន្ទះនិងសម្ភារះវិចខ្ចប់ថ្នាំញៀនមួយចំនួនទៀត៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]