រាជធានីភ្នំពេញ ៖ ពស់ថ្លាន់ញី-ឈ្មោល៤ក្បាល ត្រូវប្រជាពលរដ្ឋចាប់បានជាបន្តបន្ទាប់ ពេលកំពុងលូនចេញមករកស៊ីមាន់ទា នៅក្នុងភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ ហើយបានយកទៅប្រគល់ឱ្យ ខាងមន្ត្រីអភិរក្សសត្វព្រៃ នៅតំបន់សួនសត្វភ្នំតាម៉ៅ កាលពីវេលាម៉ោងប្រមាណ១០ និង៣០នាទីព្រឹកថ្ងៃទី១៩ មករា ២០១៧ ។
ពស់ថ្លាន់ទាំង៤ក្បាលមានញី២ និងឈ្មូល២ក្បាល គេពុំដឹងថា ពស់នីមួយៗមានទម្ងន់ប៉ុន្មានឡើយ ដោយមន្ត្រីអភិរក្សពុំបានថ្លឹងឡើយ ។ តែតាមការប៉ាន់ស្មាន ពស់ទាំង៤ក្បាលមានទម្ងន់សរុបប្រមាណជាង៤០គីឡូក្រាម ។
ឈ្មោះសុខ នាង ភេទប្រុស អាយុ៣៤ឆ្នាំ ជាអ្នកលក់ដូរ ស្នាក់នៅភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ បានឱ្យដឹងថា ពស់ទាំង៤ក្បាលនេះ ត្រូវគាត់ចាប់បានជាបន្តបន្ទាប់ ខណៈពេលដែលពស់ទាំងនោះ បានលូនមករកស៊ីមាន់-ទា ដែលគាត់ចិញ្ចឹមនៅក្រោយផ្ទះ ។
តាមម្ចាស់ពស់បានឱ្យដឹងទៀតថា នៅយប់ថ្ងៃទី១៧ មករា គាត់បានឮមាន់ទាផ្អើល ក៏បានចេញមកមើលឃើញពស់-ញី ឈ្មូលចំនួន២ក្បាល ក៏បានចាប់ក្រុងទុក ។ លុះនៅយប់ថ្ងៃទី១៨ មករា ស្រាប់តែឃើញពស់២ក្បាលទៀតចេញមកប្រុងរកស៊ីមាន់ទាទៀត ក៏ចាប់បាន២ក្បាលទៀត រួចបានរាយការប្រាប់ប្រធានភូមិ ទាក់ទងហៅអភិរក្ស មកយកទៅចិញ្ចឹមនៅភ្នំតាម៉ៅ។
តាមព័ត៌មានឱ្យដឹងទៀតថា កន្លងមកមានមាន់ទាអ្នកភូមិជាច្រើនក្បាលបានបាត់ ដោយនឹកស្មានថាចោរលួច តែតាមពិតពស់ថ្លាន់ ជាអ្នកស៊ីសោះ ។
ប្រភព៖ កោះសន្តិភាព
ដោយឡែកក្រឡេកទៅមើល ព័ត៌មានចាប់អារម្មណ៍មួយផ្សេងទៀត៖
ដេវីត បោះពាក្យសម្តីជំនួស ពេលឃើញគេថាដៀលចរិត របស់Adda
ភ្នំពេញ៖ តារាចម្រៀងដ៏ល្បី លោក ងួន ចាន់ដេវីត កំពុងតែធ្វើឲ្យអ្នកគាំទ្រ ចាប់អារម្មណ៍លើលោកខ្លាំង ក្នុងមួយរយៈពេលចុងក្រោយនេះ។ ប៉ុន្តែទន្ទឹមនឹងភាពល្បីល្បាញនេះដែរ គេក៏សម្គាល់ឃើញថា រូបលោក ក៏ចូលចិត្តចាប់អារម្មណ៍ និងជួយឆ្លើយតបត ជំនួសតារាផ្សេងទៀត ដែលត្រូវគេវាយប្រហារផងដែរ។
កាលពីម្សិលមិញនេះ មានគណនីហ្វេសប៊ុកមួយ បានប្រើពាក្យពេចន៍មិនគប្បី ទៅលើតារាចម្រៀងAdda ដែលរូបគេ ហាក់ដូចជាខឹងយ៉ាងខ្លាំង ទៅលើទង្វើរបស់នាង ដែលមិនព្រមថតរូបជាមួយនឹងគេ។
ក្នុងសារនោះ មានអត្ថន័យថា "ថ្ងៃនេះខ្ញុំមានរឿងចង់និយាយពីក្នុងចិត្ត ថ្ងៃមុនខ្ញុំ បានទៅមើលកញ្ញា Adda ហៅថាស្រីរឹក ជាការConcert ហើយពេលនោះ ខ្ញុំក៏បានថោកទាបទៅសុំគេថត តែចុងក្រោយគេក៏ធ្វើចរិតដាក់អ្នកគាំទ្ររបស់គេ ខ្ញុំចង់ប្រាប់ថាអ្នកឯង និងក៏រឹកម្ល៉េះរាល់ថ្ងៃនិងស៊ីស្អី ហើយក៏សម្បើមម្ល៉េះ ហើយចង់ប្រាប់ថា នាងទើបតែលេចក្បាលមកតាសអ៊ី មិចក៏រឹកមេស កុំធ្វើចរិតចឹងទៀតណាប្រយ័ត្នអស់អ្នកជេរ ហើយកុំភ្លេចថានាងទើបលេចក្បាលមកទេណា ស្អប់ណាស់មនុស្សដូចនាង សមណាស់ពេលទៅមើបានគប់ដុំថ្មតាស យាប់ណាស់អាមនុស្សភ្លេចធាតុដើម ហើយទៅរៀនធ្វើតារាម្ដងទៀតទៅ"។
ក្រោយពីសារមួយនេះ ល្បីពេញបណ្តាញសង្គម រួចមក ក៏លោក ដេវីត បានធ្វើការសរសេរសារខ្លីមួយ ដែលចង់ឆ្លើយតបជំនួស Adda ថាពេលខ្លះ តារាក៏មានអារម្មណ៍ហត់នឿយ និង ចង់សម្រាកផងដែរ។
លោក ដេវីត បានសរសេរថា "ធ្វើជាអ្នកចម្រៀងទាល់តែយល់ព្រមគ្រប់យ៉ាងតាមអ្នកគាំទ្រដូចយើងមែន ? គេក៏ត្រូវការពេលវេលាដែលកំពុងហត់ ហើយមិនឲ្យគេដកឃ្លាទេឬ មិចចង់ឲ្យស្ទះខ្យល់ងាប់មែន ? ហើយអាតែស្ករក៏ចឹងទៀតអត់គិតសោះ"៕ តើប្រិយមិត្តយល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
