រាជធានីភ្នំពេញ ៖ បុរសម្នាក់បានចងកសម្លាប់ខ្លួន នឹងច្រវាក់ក្នុងបន្ទប់ជួល រហូតដល់ហើមស្អុយ ទើបប្រជាពលរដ្ឋប្រទះឃើញ និងបង្កឲ្យមានការភ្ញាក់ផ្អើលកាលពីវេលាម៉ោង១១ និង៣០នាទីព្រឹក ថ្ងៃទី១៨ ខែមករា ឆ្នាំ២០១៧ នៅក្នុងបន្ទប់ជួលលេខ៩ ជាន់ទី១ ផ្ទះលេខ១៣៤អា ផ្លូវបេតុង ភូមិឡកំបោ សង្កាត់ស្វាយប៉ាក ខណ្ឌឬស្សីកែវ។
បុរសដែលធ្វើអត្តឃាតឈ្មោះ ផា សូលីដា អាយុ២៨ឆ្នាំ មុខរបរ បុគ្គលិកក្រុមហ៊ុនតេលា ផ្នែកតេលាហ្គាស ស្នាក់នៅកន្លែងកើតហេតុខាងលើ និងមានទីលំនៅភូមិព្រែកព្នៅ សង្កាត់ព្រែកព្នៅ ខណ្ឌព្រែកព្នៅ។
តាមប្រភពព័ត៌មានឲ្យដឹងថា បុរសដែលគិតខ្លីមានគូដណ្តឹងឈ្មោះ យន់ ដាលីន ហៅយឿន អាយុ២៧ឆ្នាំ ស្នាក់នៅបន្ទប់ជួលជាមួយគ្នា ហើយគ្រោងចូលរោងការនៅខែមេសាខាងមុខនេះ គឺសល់តែ៣ខែទៀតទេ បែរជាចងសម្លាប់ខ្លួនទៅវិញ។ ទាក់ទិនការធ្វើអត្តឃាតនេះ ត្រូវបានក្រុមគ្រួសារឲ្យដឹងថា ដោយសារតែតូចចិត្តខ្លួនឯង ដែលសុំប្រាក់ទៅលោះទូរស័ព្ទ ម្តាយមិនឲ្យ ហើយម្តាយបានស្តីបន្ទោស ក៏បានចងកសម្លាប់ខ្លួនតែម្តង។ នៅថ្ងៃទី១៥ ខែមករា ឆ្នាំ២០១៧ វេលាម៉ោង៧យប់ បុរសរូបនោះបានទៅសុំលុយម្តាយបង្កើតនៅស្រុក ដើម្បីយកទៅលោះទូរស័ព្ទ ដែលខ្លួនបានដាក់បញ្ចាំ ហើយម្តាយមិនមាន ថែមទាំងស្តីបន្ទោសឱ្យបន្តិបន្តួច។
បន្ទាប់ពីទៅយកប្រាក់ ម្តាយមិនឲ្យក៏ត្រលប់មកផ្ទះជួលវិញ ហើយបានយកច្រវាក់ដែកប្រវែង២ម៉ែត្រដាក់ចូលក្នុងហោប៉ោខោ រត់ចេញពីផ្ទះ ប្រាប់គូដណ្តឹងថា ទៅមើលក្មួយនៅពេទ្យក៏បានបាត់ដំណឹងរហូត ស្រាប់តែនៅវេលាម៉ោង ប្រមាណ១១ព្រឹក មានអ្នកជួលផ្ទះក្បែរគ្នាធុំក្លិន ក៏បាននាំគ្នាដើររកឃើញ សពបុរសនោះហើមស្អុយ ចងកសម្លាប់ខ្លួននៅបន្ទប់ទំនេរជាន់ទី១។
បន្ទាប់ពីភ្ញាក់ផ្អើល នគរបាលបានចុះពិនិត្យសពបញ្ជាក់ថា បុរសនោះចងកសម្លាប់ខ្លួនឯង ហើយនៅក្នុងកាបូប និងក្នុងបន្ទប់ក៏មានសម្ភារ សម្រាប់ប្រើប្រាស់គ្រឿងញៀនផងដែរ៕
ប្រភព៖ កោះសន្តិភាព
ក្រឡេកទៅមើលព័ត៌មាន ចាប់អារម្មណ៍មួយផ្សេងទៀត៖
ញាក់សាច់! មានដឹងថាឧកញ៉ាហុង ពីវអោយអាំងប៉ាវបុគ្គលិកប៉ុន្មានទេ?
ភ្នំពេញ៖ ពិធីបុណ្យចូលឆ្នាំថ្មីប្រពៃណីចិន នឹងឈានចូលមកដល់ក្នុងពេលប៉ុន្មានសប្ដាហ៍ខាងមុខនេះហើយ។ យ៉ាងណាមិញ កូនចៅខ្សែលោហិតចិន ក៏កំពុងត្រៀមខ្លួនដើម្បីទទួលលាភសំណាងរបស់ខ្លួន ក្នុងពិធីបុណ្យចូលឆ្នាំចិនដែលកំពុងតែខិតជិតមកដល់នេះផងដែរ។
ស្របពេលដែលគ្រប់គ្នាកំពុងទន្ទឹងរង់ចាំនូវអាំងប៉ាវក្រាស់ៗទាំងនោះ លោកឧកញ៉ា ហុងពីវ អគ្គនាយកក្រុមហ៊ុន ពិភពថ្មីគ្រុប ដែលត្រូវបានមហាជនទទួលស្គាល់ថាជាឧកញ៉ាចិត្តធម៌ តាមរយៈការបរិច្ចាគនានាកន្លងមក បានធ្វើឲ្យបណ្ដាញសង្គមហ្វេសប៊ុកកក្រើកម្ដងទៀតហើយ ដោយសារទំហំនៃសាច់ប្រាក់ក្នុងអាំងប៉ាវសម្រាប់បុគ្គលិកក្នុងឆ្នាំនេះ គឺថាក្រាស់ខ្មឹកតែម្ដង។
យោងទៅតាមគណនីហ្វេសប៊ុកឈ្មោះ Oun Tey បានសរសេរថ្លែងអំណរគុណដល់អគ្គនាយករបស់នាងថា “អរគុណ Bossសំរាប់អាំងប៉ាវចូលឆ្នាំចិន សូមជូនពរ Bossសុខភាពល្អ ជោគជ័យគ្រប់ភារកិច្ចទាំងអស់ ហេងហេងឆ្នាំថ្មីទាំងអស់គ្នា។ យ៉ាងណាមិញរូបភាពដែលគណនីម្ចាស់គណនីបានបង្ហោះ គឺម្នាក់ៗទទួលបានសាច់ប្រាក់សុទ្ធ ៦០០ដុល្លារ ដែលចំនួនលុយក្នុងអាំងប៉ាវនេះបានធ្វើឲ្យអ្នកលេងហ្វេសប៊ុក បើកភ្នែកធំៗម្ដងទៀតហើយ។
គួររំលឹកផងដែរថា លោកឧកញ៉ាហុងពីវ គឺជាសប្បុរសជនមួយរូបដែលតែងតែជួយដល់មន្ទីរពេទ្យគន្ធបុប្ផា ដែលថ្មីៗនេះលោកទើបតែបានបរិច្ចាកប្រាក់ ២លានដុលា្លរដល់មន្ទីរពេទ្យនេះផងដែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]