ស្វាយរៀង៖ មុននេះបន្ដិចនាល្ងាចថ្ងៃទី១៨ ខែមករា ឆ្នាំ២០១៧ អគ្គិភ័យបាននឹងកំពុងឆាបឆេះរថយន្ដក្រុងមួយគ្រឿង នៅតាមបណ្ដោយផ្លូវជាតិលេខ១ ទល់មុខនឹងសាកលវិទ្យាល័យស្វាយរៀង ស្ថិតក្នុងសង្កាត់ចេក ក្រុងស្វាយរៀង តែសំណាងល្អមនុស្សនៅក្នុងរថយន្ដនោះរត់ចេញទាន់ពេល។
ខណៈពេលនេះដែរ កម្លាំងសមត្ថកិច្ចកំពុងចេញជួយអន្ដរាគមន៍ ហើយរថយន្ដនោះ ឆេះស្ទើរទាំងស្រុងហើយ៕
ប្រភព៖ Fresh News
ដោយឡែកពត៌មានគួរឲ្យចាប់អារម្មណ៍មួយផ្សេងទៀត៖
បើករថយន្តមិនប្រយ័ត្ន ដល់ចំណុចផ្លូវកោងបួងចង្កូតជ្រុលធ្លាក់ជ្រោះរបួសធ្ងន់-ស្រាល៥នាក់
ខេត្តរតនគិរី ៖ មានករណីគ្រោះថ្នាក់ចរាចរណ៍មួយ កើតឡើងដោយសារតែអ្នកបើករថយន្តមិនប្រយ័ត្ន ដល់ចំណុចផ្លូវកោង បួងចង្កូតជ្រុលហោះធ្លាក់ ជ្រោះរបួសធ្ងន់-ស្រាល៥នាក់។
ហេតុការណ៍នេះ កើតឡើងនៅ វេលាម៉ោង១០ និង០០នាទីព្រឹក ថ្ងៃទី១៧ ខែមករានេះ ត្រង់ចំណុចចុះចំណោតភ្នំកូនមុំ (ផ្លូវកែង)ស្ថិតក្នុងភូមិ៤ ឃុំត្រពាំងក្រហម ស្រុកកូនមុំ ខេត្តរតនគិរី។ ភ្លាមៗនោះដែរនគរបាលមូលដ្ឋាន ចុះកន្លែងកើតហេតុជួយអន្តរាគមន៍ដឹកជនរងគ្រោះ ទៅសង្គ្រោះនៅមន្ទីរពេទ្យ បង្អែកខេត្តរតនគិរី។
បើតាមអ្នកដំណើរម្នាក់ ប្រាប់ឲ្យដឹងថាពួកគាត់ បានឃើញរថយន្តមួយគ្រឿងធ្វើដំណើរលើផ្លូវជាតិលេខ៧៨ មានទិសដៅពីកើតទៅលិច ពោលគឺចេញពីទីរួមក្រុងបានលុងក្នុងល្បឿនលឿន ខណៈមកដល់ចំណុចកើតហេតុ ខាងលើស្ថានភាពផ្លូវកោងហើយចុះចំណោតភ្នំបានជែង ជាមួយរថយន្តសាំយ៉ុង មួយគ្រឿងផ្សេងទៀត ស្រាប់តែមានរថយន្តធុនធំបើកបញ្ច្រាសទិសគ្នា ក៏ស្រឡាំងកាំងបួងចង្កូតជ្រុល ហោះធ្លាក់ជ្រោះតែម្តង។
នគរបាលមូលដ្ឋាន ប្រាប់ឲ្យដឹងថារថយន្ត គ្រោះថ្នាក់ចរាចរណ៍នេះម៉ាក មីតស៊ុយប៊ីស៊ី ព៌ណទឹកប្រាក់ ពាក់ស្លាកលេខ ភ្នំពេញ 2AB-3410 អ្នកបើកឈ្មោះ ពិសុទ្ធ ភេទប្រុស អាយុ៣៥ឆ្នាំ ជនជាតិខ្មែរ(របួសស្រាល),ទី២-ឈ្មោះ ហូ ប៉ោឈុនភេទប្រុស អាយុ៥០ឆ្នាំ ជនជាតិចិន(របួសធ្ងន់) ទី៣-ឈ្មោះ វ៉ា អ៊ី ភេទប្រុស អាយុ២៩ឆ្នាំ ជនជាតិចិន(របួសស្រាល) ទី៤-ឈ្មោះ ចាង ខៃអ៊ីង ភេទប្រុស អាយុ៤៩ឆ្នាំ(របួសធ្ងន់) និងទី៥-ឈ្មោះ កាវ ធីលាងភេទប្រុស អាយុ៥០ឆ្នាំ ជនជាតិចិន(របួសធ្ងន់) អ្នកទាំង៥នាក់ នេះមានទីលំនៅក្រុងភ្នំពេញ មានមុខរបរជាអ្នកវិនិយោគគិន។
បច្ចុប្បន្នរថយន្ត គ្រោះថ្នាក់ចរាចរណ៍ខាងលើ ត្រូវបាននគរបាលនាំយកទៅរក្សាទុកនៅអធិការដ្ឋានស្រុកកូនមុំ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]