ខេត្តស្ទឹងត្រែង ៖ បងប្អូនបង្កើត៣នាក់ ខណៈនាំគ្នាទៅងូតទឹក បោកភួយ និងបោកសម្លៀកបំពាក់ នៅស្រះទឹកមួយកន្លែងក្នុងភូមិឆ្វាំង ឃុំសំអាង ស្រុកថាឡាបរិវ៉ាត់ ស្រាប់តែរអិលជើងធ្លាក់ចូលកន្លែង ទឹកជ្រៅបណ្ដាលឲ្យលង់ស្លាប់ ២នាក់កាលពីល្ងាចថ្ងៃទី១៧ ខែមករា ឆ្នាំ២០១៧ ។
បងស្រីច្បង បានរៀបរាប់ឲ្យដឹងថា មុនពេលកើតហេតុនាង បាននាំប្អូនៗ២នាក់(ទាំងអស់៣នាក់)ទៅមុជទឹក បោកភួយ និងបោកសម្លៀកបំពាក់ នៅចំណុចស្រះទឹកក្នុងភូមិ លុះដល់ស្រះទឹក ប្អូនប្រុសបានចុះ ទៅដងទឹកស្រាប់តែរអិលជើងធ្លាក់ ចូលទៅកន្លែងទឹកជ្រោះបណ្ដាលឲ្យលង់ទឹក ហើយប្អូនស្រីបន្ទាប់ក៏ចុះទៅជួយ ស្រាប់តែលង់ម្នាក់ទៀត ភ្លាមៗនោះនាងក៏ចុះទៅជួយដែរ តែដោយជួយមិនបាន ក៏ឡើងមកវិញស្រែកហៅអ្នកក្បែរខាងឲ្យជួយសង្គ្រោះ តែជាអកុសលពួកគេបានឈ្លក់ទឹកដាច់ខ្យល់ស្លាប់បាត់ទៅហើយ ក្រោយពេលស្រង់ឡើងលើគោក ។
មន្ត្រីនគរបាលប៉ុស្តិ៍រដ្ឋបាលឃុំសំអាង បានឲ្យដឹងថា ក្មេងរងគ្រោះទាំង២នាក់ ម្នាក់ឈ្មោះ ខុន សុខណាន ភេទប្រុស អាយុ១៣ឆ្នាំ និងម្នាក់ទៀតឈ្មោះ ខុន ចាន់ឌី ភេទស្រី អាយ១៨ឆ្នាំ ពួកគេស្លាប់ក្រោយស្រង់មកលើគោក ។ ចំណែកបងស្រីច្បងឈ្មោះ ខុន ចិន្តា អាយុ២២ឆ្នាំ ពួកគេមានស្រុកកំណើតនៅភូមិជើងឃ្លេ ឃុំ២ធ្នូ ស្រុកស្នួល ខេត្តក្រចេះ មកស្នាក់នៅជាមួយឪពុកម្តាយ ប្រកបរបរស៊ីឈ្នួលដកដំឡូងនៅភូមិឃុំកើតហេតុខាងលើ ។
ក្រោយពេលកើតហេតុ បន្ទាប់ពីសមត្ថកិច្ចពិនិត្យ និងធ្វើកោសល្យវិច្ច័យរួច សពត្រូវបានប្រគល់ឲ្យក្រុមគ្រួសារ យកទៅរៀបចំធ្វើបុណ្យ តាមប្រពៃណីនៅភូមិ-ឃុំខាងលើ ៕
ប្រភព៖ កោះសន្តិភាព
ដោយឡែកព័ត៌មាន ចាប់អារម្មណ៍មួយផ្សេងទៀត៖
រំជួលចិត្ត! ពេលឃើញកូនស្រី Por អោបថើបរូបតំណាងឪពុក នៅថ្ងៃគម្រប់ខួបនៃការស្លាប់រយៈពេល១ឆ្នាំ!
ថៃ៖ កាលពីថ្ងៃម្សិលមិញ សមាជិកក្រុមគ្រួសារ ព្រមទាំងសាច់ញាតិជិតឆ្ងាយទាំងអស់របស់អតីតតារាសម្តែងប្រុស Por Thridsadee Sahawong បានធ្វើដំណើរមកដល់ផ្ទះនៅលើទឹកដីកំណើតឯខេត្ត Buriram ដើម្បីរៀបចំពិធីបុណ្យខួបគម្រប់១ឆ្នាំនៃការស្លាប់របស់លោក កាលពីថ្ងៃទី១៨ខែមករាឆ្នាំ២០១៦។
នៅក្នុងនោះដែរ គេសង្កេតឃើញកុមារី ម្លិះ ដែលត្រូវជាកូនស្រីបង្កើតរបស់អតីតតារាសម្តែង Por និងនាង Bo Vanda គ្រាន់តែបានមកដល់ផ្ទះនៅស្រុកកំណើត និងបានក្រឡេកឃើញរូបថត ដែលជារូបតំណាងរបស់ឪពុកខ្លួនភ្លាម ក៏បានស្ទុះទៅអោប ចាប់ថើប អង្អែលរូបថត Por ហាក់ដូចជាចាប់អោបថើបរូបមនុស្សពិតៗយ៉ាងដូច្នោះដែរ។ ឃើញហើយកើតចិត្តអាណិតក្មេងស្រីខ្លួនតូចម្នាក់នេះខ្លោចចិត្ត មិនគួរណា ត្រូវកំព្រាឪពុកតាំងពីវ័យកុមារយ៉ាងដូច្នេះសោះ។
ចំណែកឯថ្ងៃនេះផងដែរ ក៏មានការរៀបចំធ្វើពិធីបុណ្យគម្រប់ខួប១ឆ្នាំ នៃការស្លាប់របស់លោក Por នៅក្នុងវត្ត Thorm Thira Ram។
គួរឱ្យដឹងដែរថា ភរិយា Por នាង Bo Vanda ក៏ធ្លាប់បានស្រក់ទឹកភ្នែករហាម ពេលរំលឹកទៅដល់ថ្ងៃគម្រប់ខួប១ឆ្នាំរបស់ស្វាមីខ្លួន ហើយបានក៏បានប្រាប់ថា សម្រាប់នាងអ្វីៗគ្រប់យ៉ាងហាក់នៅដូចដើមទាំងអស់។ នាងមិនដែលភ្លេច ឬសូម្បីតែមិនគិតដល់មួយនាទីណាឡើយចំពោះ Por។ បច្ចុប្បន្នទៅបីជាគ្មានស្វាមីនៅក្បែរ ប៉ុន្តែទាំងបន្ទប់គេង ទាំងសម្លៀកបំពាក់ និងអ្វីៗដែលជារបស់ Por គឺនាងនៅតែរក្សាទុកដូចដើមទាំងអស់ ទោះបីជាពេលវេលាបានកន្លងផុតទៅយូរប៉ុណ្ណាក៏ដោយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
