(ភ្នំពេញ)៖ បុរសម្នាក់បន្ទាប់ពីផឹកស្រាស្រវឹងហើយខ្លែមសំដី ឃើញយុវជនម្នាក់ជិះម៉ូតូមកឈប់និយាយក្បែរ ហើយហៅបង្ខំឲ្យផឹកស្រាជាមួយ ពេលគេមិនព្រមផឹកទារឲ្យគេ ទិញស្រាបៀរឲ្យកន្លះកេស ពេលគេមិនទិញយកមួកសុវត្ថិវាយបែកក្បាលគេ តែត្រូវគេវាយវិញហើមមុខ ចុងក្រោយសមត្ថកិច្ចចាប់ទាំង២។
ហេតុការណ៍នេះ បង្កឲ្យមានការភ្ញាក់ផ្អើលកាល នៅយប់ថ្ងៃទី១៧ ខែមករា ឆ្នាំ២០១៧ នៅចំណុចមុខផ្សារត្រពាំងពោធិ៍ សង្កាត់ចោមចៅ ខណ្ឌពោធិ៍សែនជ័យ។
សមត្ថកិច្ចបានឲ្យដឹងថា ជនរងគ្រោះឈ្មោះ ហា សុឃឹម អាយុ៣០ឆ្នាំ មុខរបរជាងសំណង់ ស្នាក់នៅជិតវត្តត្រពាំងកសាង សង្កាត់កាកាប ខណ្ឌពោធិ៍សែនជ័យ ចំណែកជនបង្កឈ្មោះ ប៉ាវ អាយុ៤៣ឆ្នាំ មុខរបរត់ម៉ូតូឌុប។
នគរបាលបញ្ជាក់ថា មុនពេលកើតហេតុបុរសបង្កបានកំពុងអង្គុយផឹកស៊ីមានគ្នា២នាក់ អស់ស្រាថ្នាំ១លីត ខណៈពេលនោះយុវជនរងគ្រោះ បានជិះម៉ូតូមកហើយឈប់នៅក្បែនិយាយទូរស័ព្ទ ពេលនោះជនបង្កក៏បានហៅយុវជនខាងលើថា «មកដាក់មួយកែវ» ដោយយុវជនរូបនោះឆ្លើយថា «ខ្ញុំអត់ចេះផឹកទេ» ស្រាប់តែជនបង្កចុះទាញដៃ ហើយសំឡុតថា «បើមិនផឹកទិញស្រាឲ្យកន្លះកេសមក!» រួចនិយាយថា «ហ្អែងឫកម្ល៉េះ» ពេលនោះហើយដែលជនបង្ក បានទាញមួកសុវត្ថិភាពវាយក្បាលជនរងគ្រោះ តែត្រូវជនរងគ្រោះវាយវិញ បណ្ដាលឲ្យបែកមុខហូរឈាមទាំង២នាក់។
ក្រោយកើតហេតុ កម្លាំងនគរបាលមូលដ្ឋាន បានហៅទាំងជនរងគ្រោះ និងជនបង្កដើម្បីយកមកសួរនាំ ចាត់ការតាមច្បាប់៕
ប្រភព៖ Fresh News
ដោយឡែករំលឹកព័ត៌មានមួយផ្សេងទៀត៖ បងកុំចង់ខ្លាំងជាមួយប្អូនឱ្យសោះ ដុតចោលជាការព្រមាន...!
សេចក្តីរាយការណ៍ឱ្យដឹងថា ករណីឈ្លោះប្រកែកគ្នារវាងបងថ្លៃនិងប្អូនថ្លៃ រហូតឈានដល់ប្រើហិង្សា បណ្តាលឱ្យម្នាក់រងរបួសស្រាល និងម៉ូតូម៉ាកវ៉េវមួយគ្រឿងត្រូវឆេះហ្មត់ ហើយត្រូវប៉ូលិសឃាត់ខ្លួន ទាំង២នាក់តែម្តង ដែលហេតុការណ៍នេះកើតឡើង កាលពីវេលាម៉ោង០៥ និង៥០នាទីល្ងាចថ្ងៃទី១៦ មករា ២០១៧ កន្លងទៅ ស្ថិតនៅភូមិព្រៃស្អាក ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ។
ប្រភពឱ្យដឹងថា ទាំង២នាក់បងប្អូនសាច់ថ្លៃឈ្លោះប្រកែចគ្នានេះ ១-ឈ្មោះមាន សេងហូ ភេទប្រុស អាយុ៣២ឆ្នាំ ត្រូវជាបងថ្លៃហើយក៏ជាម្ចាស់ម៉ូតូម៉ាកវ៉េវ ២-ឈ្មោះឈុន រិទ្ធ ភេទប្រុស អាយុ១៨ឆ្នាំ ជាប្អូនថ្លៃរងរបួសស្រាល ហើយជាអ្នកដុតម៉ូតូ ទាំង២នាក់នេះ រស់ក្នុងភូមិឃុំកើតហេតុខាងលើ ។
ទោះបីជាយ៉ាងណា ជំហានដំបូង គេមិនដឹងពីមូលហេតុដែលធ្វើឱ្យមានទំនាស់គ្នាខ្លាំងនោះទេ ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
