កំពង់ចាម៖ ហេតុការណ៍ជម្លោះពាក្យសម្តីមួយ បានកើតឡើងកាលពីយប់មិញ បណ្តាលឲ្យមានការភ្ញាក់ផ្អើលដល់អ្នកស្រុក និងប៉ូលិស នៅខេត្តកំពង់ចាម ដោយសារបុរសម្នាក់ បានជិះម៉ូតូជ្រុលទៅប៉ះ ម៉ូតូក្រុមក្មេងស្ទាវពីក្រោយ ធ្វើឲ្យរងការខូចខាត។
បើតាមប្រភពគណនីហ្វេសប៊ុកមួយបានឲ្យដឹងថា នេះគឺជារឿងរ៉ាវបន្តិចបន្តូចប៉ុណ្ណោះ ប៉ុន្តែសម្រូលគ្នាមិនត្រូវ ក៏បានប្រែក្លាយជារឿងធំ រហូតដល់មានប៉ូលិសជាច្រើននាក់បានចុះអន្តរាគមន៍ ធ្វើឲ្យជម្លោះបន្តកាន់តែខ្លាំងឡើង ។
បើតាមការរៀបរាប់របស់ម្ចាស់គណនី បានបញ្ជាក់ឲ្យដឹងថា «ការពិតមិនមែនកើតហេតុមុខសាលាខេត្តទេ កើតហេតុនៅជិតៗនោះ តែដោយសារភ័យចំពោះសុវត្ថិភាពពេក បុរសវ័យចំណាស់បានជិះមកមុខសាលាខេត្តដើម្បីអោយគេជួយ ព្រោះក្រុមក្មេងៗមានគ្នាច្រើន។ ករណីនេះកាលពីវេលាម៉ោងជិត8យប់ គឺមានក្រុមក្មេងៗបានជិះម៉ូតូ៤ ទៅ5គ្រឿង ហើយមិនដឹងយ៉ាងម៉េចក៏មានបុរសម្នាក់បានជ្រុលទៅបុកពីក្រោយ ធ្វើឲ្យដាច់ចុងកាត់តាប៊ូបន្តិច» ។
ប្រភពបន្តទៀតថា «អ្នកដឹងរឿងនេះនិយាយថា ក្មេងៗបានជាន់ហ្វ្រាំងឈប់នៅលើផ្លូវដោយសារមានសភាពស្ទះផ្លូវ (អ្នកខ្លះថាអត់មានស្ទះផ្លូវ) នៅពីមុខក្រុមរបស់ខ្លួន ហើយបុរសវ័យចំណាស់ជិះមកពីក្រោយក៏ជ្រុលបុកតែម្តង។ ប៉ូលីសជួយសម្រួលគ្នាឲ្យស្ទើរតែត្រូវហើយ តែដោយសារការ កាច់កាត់តាប៊ូ បំបាក់បន្ថែម ហាក់បីដូចឌឺមុខបងៗប៉ូលីស ប៉ូលីសទ្រាំមិនបានបញ្ចូនទាំងមនុស្សទាំងម៉ូតូទៅអធិការក្រុងដើម្បីធ្វើការអប់រំ» ។
ដូច្នេះ ចង់ដឹងថាទិដ្ឋភាពយ៉ាងណានោះ ទស្សនាវីដេអូខាងក្រោម៖
ដោយឡែករំលឹកព័ត៌មានមួយផ្សេងទៀត៖ ហ៊ឺចឹងតើហ៍! បានទៅរឹត.កសម្លាប់ប្រពន្ធចោល... ក្រោយឮពាក្យថា...
សេចក្ដីរាយការណ៍ឱ្យដឹងបន្តទៀត ពាក់ព័ន្ធករណីឃាតកម្មលើស្ត្រីវ័យក្មេងម្នាក់ស្ថិតនៅស្រុកឯកភ្នំ ដែលគេសង្ស័យថា ជនដៃដល់គឺបុរសជាប្ដីរបស់នាងតែម្តង ប៉ុន្តែជននេះមិនបានសារភាពទេ បន្ទាប់ពីត្រូវឃាត់ខ្លួនភ្លាមៗនោះ ។
ទីបំផុត នៅព្រឹកថ្ងៃទី១៦ មករា នេះ ជនសង្ស័យបានឆ្លើយសារភាពប្រាប់សមត្ថកិច្ចហើយថា «ខ្លួនពិតជាបានរឹត.កសម្លាប់ប្រពន្ធមែន» ដោយសារនាងមានប្រុសថ្មី ដែលខ្លួនបានតាមទាន់នៅយប់កើតហេតុនោះ ។
ជនសង្ស័យខាងលើ ឈ្មោះជូន ពៅ អាយុ២២ឆ្នាំ ត្រូវបានសមត្ថកិច្ចឃាត់ខ្លួនបន្ទាប់ពីសង្ស័យជំហានដំបូងថា បានរឹត.កសម្លាប់ប្រពន្ធរបស់ខ្លួនកាលពីវេលារំលងអធ្រាត្រ ឈានចូលថ្ងៃទី១៥ មករា ស្ថិតនៅលើផ្ទះក្នុងភូមិព្រែកទាល់ ឃុំកោះជីវាំង ស្រុកឯកភ្នំ។ ប៉ុន្តែជននេះ មិនបានសារភាពទេ បើទោះជាសមត្ថកិច្ចរកឃើញវត្ថុតាងមួយចំនួន មានជាប់ពាក់ព័ន្ធនឹងខ្លួនក្ដី លុះបញ្ជូនមកដល់ស្នងការខេត្ត ពេលនេះឆ្លើយទទួលស្គាល់កំហុសហើយ ។
បើតាមលោកសេង លុច នាយរងការិយាល័យ ព្រហ្មទណ្ឌកំរិតធ្ងន់បានឱ្យដឹងថា ជនដៃដល់ឈ្មោះជូន ពៅ នេះ បានសារភាពថា ខ្លួនបានប្រើខ្សែនីឡុងរឹត.កសម្លាប់ប្រពន្ធ ដោយសារតែតាមទាន់ប្រពន្ធផ្ទាល់ភ្នែក លួចមានសហាយ ។ ជននេះនិយាយទៀតថា មុនពេលកើតហេតុ បន្តិចពេលខ្លួនដើរចូលក្នុងផ្ទះ ស្រាប់តែឃើញបុរសម្នាក់ដើរចេញពីបន្ទប់ប្រពន្ធខ្លួនទាំងយប់ លុះខ្លួនសួរនាំប្រពន្ធបែរជាឆ្លើយថា មិនដឹង ប៉ុន្តែប្រពន្ធខ្លួនបានព្រលយពាក្យថា «មកពីបងឯងដើរចោលខ្ញុំច្រើនខែពេកធ្វើអី?» ។
លោកសេង លុច បានស្រង់ចម្លើយជនដៃដល់ទៀតថា ដោយសារតែខឹងប្រពន្ធលួចទាក់ទងប្រុសថ្មី និងតាមទាន់ផ្ទាល់ភ្នែកបែបនេះហើយ ទើបនៅពេលប្រពន្ធដេកលក់ ខ្លួនយកខ្សែរនីឡុងរឹត.កសម្លាប់ប្រពន្ធតែម្ដងទៅ ។
ប៉ុន្តែលោកសេង លុច បានបញ្ជាក់ដែរថា បើតាមក្រុមគ្រួសារស្ត្រីរងគ្រោះបានប្រាប់ថា ប្ដី-ប្រពន្ធនេះបានឈ្លោះប្រកែកលេងលះគ្នា រហូត ខាងប្ដីដើរចេញពីផ្ទះ និងចោលប្រពន្ធច្រើនខែហើយ តែការលែងលះនេះ មិនបានឆ្លងកាត់ផ្លូវតុលាការទេ ។ លុះប្ដីត្រឡប់មកផ្ទះវិញ ក៏មានរឿងបែបនេះតែម្ដង ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]