កំពង់ស្ពឺ៖ កម្លាំងនគរបាលក្រុងច្បារមន បានឃាត់ខ្លួនបុរសម្នាក់ ពីបទបៀតបៀនកេរ្តិ៍ខ្មាស់ ទៅលើនារីម្នាក់ ដែលហេតុការណ៍នេះ បានកើតឡើងកាលពីម៉ោង១០ និង៥០នាទីយប់ ថ្ងៃទី១៥ ខែមករា ឆ្នាំ២០១៧ នៅចំណុចផ្សាររាត្រី ស្ថិតក្នុងភូមិទួលកោគ សង្កាត់ក្រវ៉ាន់ ក្រុងច្បារមន ខេត្តកំពង់ស្ពឺ។
បើយោងតាមនគរបាល បានឲ្យដឹងថា ការឃាត់ខ្លួននេះ ធ្វើឡើងក្រោយពីមាននារីម្នាក់ ឈ្មោះ មួយ ស្រីលីស ហៅឡា អាយុ១៩ឆ្នាំ រស់នៅក្នុងភូមិក្រាំងពលទេព សង្កាត់រកាធំ ក្រុងច្បារមន បានដាក់ពាក្យបណ្តឹង មកនគរបាលថា មានបុរសម្នាក់ ឈ្មោះ វ៉ែន និច្ច អាយុ២២ឆ្នាំ មានទីលំនៅក្នុងភូមិស្រែស ឃុំក្រាំងអម្ពិល ស្រុកសំរោងទង ខេត្តកំពង់ស្ពឺ បានបៀតបៀនកេរ្តិ៍ខ្មាស់ (អោប ស្ទាបដោះ ចាប់ក) ខ្លួន។
បច្ចុប្បន្នជនសង្សយ័ខាងលើ ត្រូវបានឃាត់ខ្លួន និងនាំយកមកនៅអធិការ កសាងសំណុំរឿងចាត់ការតាមនិតិវិធី ៕
ប្រភព៖ ដើមអម្ពិល
ដោយឡែកព័ត៌មានគួរឲ្យចាប់អារម្មណ៍មួយទៀត៖បុរសម្នាក់ ចាប់ស្រ្តីម្នាក់ បង្ខាំងទុកក្នុងផ្ទះសំណាក់ដើម្បីសុំស្នេហ៍ជាថ្មី។
បុរសម្នាក់ត្រូវបានកម្លាំងអាវុធហត្ថក្រុងស្ទឹងត្រែងចាប់ខ្លួនកាលពីវេលាម៉ោង៥ និង៣០នាទីល្ងាច ថ្ងៃទី១៤ ខែមករា ឆ្នាំ២០១៧ នៅក្នុងផ្ទះសំណាក់យីហោ «ហេងជីវ៉ា» ដែលមានទីតាំងនៅភូមិព្រែក សង្កាត់ស្ទឹងត្រែង ក្រុងស្ទឹងត្រែង បន្ទាប់ពីបុរសរូបនោះបានចាប់បង្ខាំងអតីតប្រពន្ធរបស់ខ្លួនដើម្បីសុំស្នេហ៍ជាថ្មី ។
ប្រភពពីអាវុធហត្ថក្រុងស្ទឹងត្រែងបានឲ្យដឹងថា ជនសង្ស័យដែលត្រូវឃាត់ខ្លួនឈ្មោះ ខេន លីហុង ភេទប្រុស អាយុ៣៥ឆ្នាំ ជាតិខ្មែរ មុខរបរបើកបរ ស្រុកកំណើតនៅភូមិកំពង់ក្របី ឃុំក្រគរ ស្រុកកំពង់សៀម ខេត្តកំពង់ចាមចំណែកស្ត្រីរងគ្រោះឈ្មោះ ផាត សុឈៀក ភេទស្រី អាយុ២៧ឆ្នាំ ជាតិខ្មែរ នៅភូមិលើ សង្កាត់ស្រះឫស្សី ក្រុងស្ទឹងត្រែង ។
ប្រភពបន្តទៀតថា ជនសង្ស័យ និងស្ត្រីរងគ្រោះ ជាប្តីប្រពន្ធគ្នា ដែលទើបតែលែងលះគ្នារយៈពេល៣ខែប៉ុណ្ណោះ ហើយដោយជនសង្ស័យមិនដាច់ចិត្តពីអតីតប្រពន្ធ ទើបធ្វើសកម្មភាពចាប់បង្ខាំងក្នុងផ្ទះសំណាក់យីហោ «ហេងជីវ៉ា» ដើម្បីសុំស្នេហ៍ជាថ្នី ។
អាវុធហត្ថក្រុងស្ទឹងត្រែងបញ្ជាក់ថា ក្រោយពេលឃាត់ខ្លួន ជនសង្ស័យត្រូវបានបញ្ជូនទៅទីបញ្ជាការអាវុធហត្ថដើម្បីធ្វើការសាកសួរ និងកសាងសំណុំរឿងចាត់ការបន្តតាមនីតិវិធីច្បាប់ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]