ខេត្តកំពង់ស្ពឺ ៖ សេចក្តីរាយការណ៍បានឱ្យដឹងថា ហេតុការណ៍ដ៏ភ្ញាក់ផ្អើលមួយ ដោយសារបុរសចំណាស់ ល្មោមកាមម្នាក់ បានចាប់កូនស្រីក្រមុំគេ ដោយព្យាយាមរំលោភនាង តែត្រូវបានម្តាយនាង មកទាន់រត់ទៅយកពូថៅ កាប់ទៅលើជននោះពីក្រោយ បណ្តាលឱ្យរងរបួសធ្ងន់ កើតឡើងកាលពីថ្ងៃទី១៥ មករា ស្ថិតនៅខេត្តកំពង់ស្ពឺ ។
ប្រភពឱ្យដឹងថា ជនសង្ស័យត្រូវបានឃាត់ខ្លួន ទាំងរបួស មានឈ្មោះសេង ហន អាយុ៥៦ឆ្នាំ រីឯក្មេងស្រីរងគ្រោះអាយុ១៧ឆ្នាំ ទាំង២នាក់មានទីលំក្នុងភូមិតែមួយ ។
បច្ចុប្បន្ន ជនសង្ស័យខាងលើ ត្រូវបញ្ជូនទៅសង្គ្រោះ ដើម្បីរៀបចំកសាងសំណុំរឿងចាត់ការតាមច្បាប់ ។
ប្រភព៖ កោះសន្តិភាព
កំណត់ហេតុខ្មែរឡូត៖
គួររំលឹកព័ត៌មានចាស់ដែរថា ដោយឡែកករណីមួយផ្សេងទៀត សាហាវ ! ទាញផ្គាក់កាប់ក្បាលគូសត្រូវចាស់!
ខេត្តកំពង់ស្ពឺ ៖ បុរសចិត្តភ្លើងម្នាក់ ដើម្បីស្រាយគំនុំចាស់បានទាញកាំបិតផ្គាក់កាប់ក្បាលសត្រូវចាស់របស់ខ្លួនបណ្ដាលឲ្យរងរបួសធ្ងន់កាលពីវេលាម៉ោង១២ និង៣៥នាទីថ្ងៃត្រង់ ថ្ងៃទី១៤ ខែមករា ឆ្នាំ២០១៧ កន្លងទៅ នៅភូមិពង្រធំ ឃុំកាហែង ស្រុកសំរោងទង ខេត្តកំពង់ស្ពឺ ។
ជនដៃដល់ឈ្មោះ សុខ វុ័រ ភេទប្រុស អាយុ៤៨ឆ្នាំ នៅភូមិត្រពាំងជ្រៅ ឃុំកាហែង ស្រុកសំរោងទង ខេត្តកំពង់ស្ពឺ ។
លោកអនុសេនីយ៍ឯក ម៉ិច សុភាន់ អធិការរងនគរបាលស្រុកសំរោងទង បានឲ្យដឹងថា កម្លាំងផ្នែកព្រហ្មទណ្ឌសហការជាមួយកម្លាំងប៉ុស្តិ៍កាហែងបានឃាត់ខ្លួនបុរសម្នាក់ដែលបានផឹកស្រាស្រវឹង ហើយបង្កហិង្សា ដោយបានយកកាំបិតផ្គាក់កាប់ទៅលើឈ្មោះ ម៉ែន ចំរើន ១កាំបិត ចំក្បាល បណ្តាលឲ្យរងរបួសជាទម្ងន់ ត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗផងដែរ ។
នៅចំពោះមុខសមត្ថកិច្ច ជនសង្ស័យដៃដល់បានឆ្លើយសារភាពថា មូលហេតុដែលខ្លួនយកកាំបិតទៅកាប់លើជនរងគ្រោះ ព្រោះចង់ស្រាយគំនុំចាស់ ដែលកាលពីមុនមកឈ្មោះ ម៉ែន ចំរើន ហៅ ប៉ាង ធ្លាប់បានវាយខ្លួនកាលរដូវបុណ្យភ្ជុំកន្លងទៅ ។
លោកអធិការរងបន្តថា ករណីនេះជំនាញបានកំពុងស្រាវជ្រាវ និងកសាងសំណុំរឿងបញ្ជូនទៅការិយាល័យព្រហ្មទណ្ឌ ដើម្បីចាត់ការបន្ត ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
