ខេត្តកំពង់ឆ្នាំង ៖ បុរសវ័យក្មេងម្នាក់ដោយសារវិបត្តិគ្រួសារ និងតូចចិត្តខ្លួនឯង ក៏ចង.កសម្លាប់ខ្លួនធ្វើឱ្យមានការភ្ញាក់ផ្អើលកាលពីវេលាម៉ោង១០ និង៣០នាទីព្រឹកថ្ងៃទី២៩ កុម្ភៈនៅផ្ទះរបស់ខ្លួន ស្ថិតនៅភូមិផ្សារលើ សង្កាត់ផ្សារឆ្នាំង ក្រុងកំពង់ឆ្នាំង ។
បុរសរូបនោះឈ្មោះឡុង សុភ័ក្រ អាយុ២៧ឆ្នាំ ជាជាងជួសជុលទូរស័ព្ទ មានប្រពន្ធឈ្មោះស្រី ពៅ អាយុ២៣ឆ្នាំ និងមានកូនស្រីម្នាក់ ។ អ្នកជិតខាងនិយាយថា កាលពីប៉ុន្មានថ្ងៃមុនពេលកើតហេតុ បុរសរូបនោះបានឈ្លោះទាស់ទែងជាមួយប្រពន្ធរបស់ខ្លួន ព្រមទាំងវាយបែកកញ្ចក់ទូ តុ ទៀតផង ។ បន្ទាប់មកនៅថ្ងៃទី២៨ កុម្ភៈបានឈ្លោះទាស់សម្តីគ្នាជាមួយបងស្រីខ្លួនដែលរស់នៅប្រទេស ក្រៅ ទើបមកលេងស្រុកខ្មែរទៀត ។ ការឈ្លោះជាមួយបងស្រីនេះ ត្រូវឪពុកឃាត់ និងបំបែកចេញពីគ្នា ។
ប្រភពដដែលបន្តថា នៅថ្ងៃទី២៩ កុម្ភៈ ម៉ោងជាង១០ព្រឹក ស្រាប់តែគេឃើញឡុង សុភ័ក្រចង.កនៅក្រោមផ្ទះស្លាប់បាត់ទៅហើយ ។
ប៉ូលិសបានឆែកឆេរឃើញលិខិតបណ្តាំចុងក្រោយ ដែលឡុង សុភ័ក្រ រៀបរាប់ពីកំហុសរបស់ខ្លួនធ្វើបាបប្រពន្ធ និងសុំទោសបងស្រី ពិសេសឪពុក ម្តាយ ដែលគេធ្វើបាបផ្លូវចិត្តកន្លងមក ។ បណ្តាំចុងក្រោយ គឺគេសុំឱ្យប្រពន្ធឈ្មោះស្រីពៅ បូជាសពរូបគេដោយផ្ទាល់ដៃ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
