ខេត្តស្ទឹងត្រែង ៖ បុរសម្នាក់ត្រូវបានកម្លាំងអាវុធហត្ថក្រុងស្ទឹងត្រែងចាប់ខ្លួនកាលពីវេលាម៉ោង៥ និង៣០នាទីល្ងាច ថ្ងៃទី១៤ ខែមករា ឆ្នាំ២០១៧ នៅក្នុងផ្ទះសំណាក់យីហោ «ហេងជីវ៉ា» ដែលមានទីតាំងនៅភូមិព្រែក សង្កាត់ស្ទឹងត្រែង ក្រុងស្ទឹងត្រែង បន្ទាប់ពីបុរសរូបនោះបានចាប់បង្ខាំងអតីតប្រពន្ធរបស់ខ្លួនដើម្បីសុំស្នេហ៍ជាថ្មី ។
ប្រភពពីអាវុធហត្ថក្រុងស្ទឹងត្រែងបានឲ្យដឹងថា ជនសង្ស័យដែលត្រូវឃាត់ខ្លួនឈ្មោះ ខេន លីហុង ភេទប្រុស អាយុ៣៥ឆ្នាំ ជាតិខ្មែរ មុខរបរបើកបរ ស្រុកកំណើតនៅភូមិកំពង់ក្របី ឃុំក្រគរ ស្រុកកំពង់សៀម ខេត្តកំពង់ចាមចំណែកស្ត្រីរងគ្រោះឈ្មោះ ផាត សុឈៀក ភេទស្រី អាយុ២៧ឆ្នាំ ជាតិខ្មែរ នៅភូមិលើ សង្កាត់ស្រះឫស្សី ក្រុងស្ទឹងត្រែង ។
ប្រភពបន្តទៀតថា ជនសង្ស័យ និងស្ត្រីរងគ្រោះ ជាប្តីប្រពន្ធគ្នា ដែលទើបតែលែងលះគ្នារយៈពេល៣ខែប៉ុណ្ណោះ ហើយដោយជនសង្ស័យមិនដាច់ចិត្តពីអតីតប្រពន្ធ ទើបធ្វើសកម្មភាពចាប់បង្ខាំងក្នុងផ្ទះសំណាក់យីហោ «ហេងជីវ៉ា» ដើម្បីសុំស្នេហ៍ជាថ្នី ។
អាវុធហត្ថក្រុងស្ទឹងត្រែងបញ្ជាក់ថា ក្រោយពេលឃាត់ខ្លួន ជនសង្ស័យត្រូវបានបញ្ជូនទៅទីបញ្ជាការអាវុធហត្ថដើម្បីធ្វើការសាកសួរ និងកសាងសំណុំរឿងចាត់ការបន្តតាមនីតិវិធីច្បាប់ ៕
ប្រភព៖ កោះសន្តិភាព
ដោយឡែកព័ត៌មានគួរឲ្យចាប់អារម្មណ៍មួយផ្សេងទៀត៖ ស្ត្រីមេម៉ាយម្នាក់ ត្រូវប្រុសស្នេហ៍ល្បួងដេកនៅផ្ទះសំណាក់ ហើយសម្លាប់យកម៉ូតូនិងទ្រព្យសម្បត្តិ
ស្ត្រីមេម៉ាយកូនមួយម្នាក់ ដែលមានមុខរបបលក់អីវ៉ាន់ចាប់ហួយ និងគ្រូទាយស្លឹកបៀនៅខេត្តបន្ទាយមាន័យ ត្រូវប្រុសស្នេហ៍ល្បួងយកដេកផ្ទះសំណាក់ ហើយសម្លាប់យកម៉ូតូនិងទ្រព្យសម្បត្តិ។ នេះបើតាមសេចក្តីរាយការណ៍ពីសមត្ថកិច្ច។
សាកសពស្រ្តីរងគ្រោះខាងលើនេះ ត្រូវបានគេប្រទះឃើញ និងផ្អើលឆោឡោ កាលពីវេលាម៉ោង១២ៈ០០ថ្ងៃត្រង់ នៅថ្ងៃទី១៤ ខែមករា ឆ្នាំ២០១៧ កន្លងទៅ នៅក្នុងផ្ទះសំណាក់ម៉ារីមានជ័យ ស្ថិតនៅភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។
សមត្តកិច្ចជំនាញនៅកន្លែងកើតហេតុ បានឱ្យដឹងថា ស្ត្រីរងគ្រោះដែលស្លាប់នោះមានឈ្មោះ ប៊ុន សូរៀត ហៅ ប៉ក់ អាយុ៤០ឆ្នាំ ជាស្រីមេម៉ាយកូនមួយ រស់នៅភូមិកន្ទួត សង្កាត់កំពង់ស្វាយក្រុងសិរីសោភ័ណ។
សមត្តកិច្ចបានបញ្ជាក់ថា ក្រោយពេលទទួលដំណឹងថាមានស្រ្តីម្នាក់ត្្រូវបានគេប្រទះឃើញដេកស្លាប់នៅក្នុងបន្ទប់ផ្ទះសំណាក់យីហោ ម៉ារីមានជ័យ បន្ទប់លេខ២ហើយ សមត្តកិច្ចជំនាញចុះទៅពិនិត្យឃើញថា ស្ត្រីរងគ្រោះត្រូវបានឃាតករសម្លាប់ដោយច្របាច់ករ ហើយយកខ្នើយខ្ទប់ច្រមុះស្លាប់លើពូក នៅលើគ្រែ។
តាមសំដីអ្នកបំរើក្នុងផ្ទះសំណាក់បានបញ្ជាក់ថា ស្ត្រីរងគ្រោះដែលស្លាប់នោះ បានចូលសំណាក់ជាមួយប្រុសម្នាក់នៅអំឡុងម៉ោង៨យប់ថ្ងៃទី១៣ ខែមករា ឆ្នាំ២០១៧ នៅអំឡុងម៉ោង៩យប់ថ្ងៃដដែលបុរស់នោះបានយកម៉ូតូជិះចេញទៅវិញ។
អ្នកបម្រើនិយាយថា រហូតដល់ម៉ោង១២ថ្ងៃត្រង់ ថ្ងៃទី១៤ ខែមករា ឆ្នាំ២០១៧ដល់ម៉ោងកំណត់ត្រូវចេញនិងបោះសំអាតបន្ទប់ ហើយគោះទ្វារបន្ទប់ជាច្រើនដងមិនឃើញឆ្លើយតប។ ដោយមានការសង្ស័យ ពួកគេក៏គាស់ទ្វារបន្ទប់ ទើបឃើញស្ត្រីបានដេកស្លាប់នៅលើគ្រែតែម្តង។
បើតាមការសន្និដ្ឋានសមត្តកិច្ចជំនាញ គឺស្ត្រីរងគ្រោះ ស្លាប់ដោយឃាតកម្មគ្រោងទុកសម្លាប់ ដោយសារតែសង្សារនាំមកសំលាប់បានយកម៉ូតូ១គ្រឿងម៉ាក់ហុងដារឌ្រីម ដែលមានស្លាក់លេខបន្ទាយមានជ័យ 1J-6256 និងយកទ្រព្យសម្បត្តិនឹងខ្លួន បានហើយគេចខ្លួនបាត់។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]