រាជធានីភ្នំពេញ ៖ បុរសម្នាក់បានរត់ឡើងលើ ដំបូលផ្ទះគេមិនព្រមចុះ ទាល់តែសោះបង្កឲ្យមានការភ្ញាក់ផ្អើល កាលពីវេលាម៉ោង៣ និង២០នាទីទៀបភ្លឺ ថ្ងៃទី១៣ ខែមករា ឆ្នាំ២០១៧ ចំណុចភូមិត្រពាំងស្វាយ សង្កាត់ភ្នំពេញថ្មី ខណ្ឌសែនសុខ តែអ្វីដែលគួរឲ្យអស់សំណើចនោះគឺ ពេលប្រជាពលរដ្ឋបញ្ឆោត ថាប៉ាវបាយស្រូប ស្រាប់តែព្រមចុះមកក្រោមវិញ ។
ប្រភពព័ត៌មាន ពីកន្លែងកើតហេតុបានឲ្យដឹងថា មុនពេលកើតហេតុគេឃើញបុរសម្នាក់ជិះម៉ូតូ១គ្រឿង ម៉ាក ផូហ្សា ពណ៌ក្រហមលាយខ្មៅ ពាក់ស្លាកលេខ ភ្នំពេញ 1CQ-7875 ពេលមកដល់ចំណុចកើតហេតុស្រាប់តែបុរសរូបនោះឈប់ម៉ូតូរួចរត់ឡើងលើដំបូលផ្ទះបណ្ដាលឲ្យប្រជាពលរដ្ឋម្ដុំនោះផ្អើលឆោឡោរត់ចេញមកមើលគ្រប់គ្នា ធ្វើឲ្យបុរសដែលនៅលើដំបូលផ្ទះភ័យមិនហ៊ានចុះមកក្រោមទេ រយៈពេលជាងមួយម៉ោងទើបប្រជាពលរដ្ឋបាននាំគ្នាបញ្ឆោតបុរសនោះថា ចុះមកក្រោមវិញមកពួកគាត់ប៉ាវបាយស្រូប ហើយប្រហែលជាបុរស នោះឃ្លានដែរហើយមើលទៅ ទើបព្រមចុះមកក្រោមវិញដើម្បីញាំបាយស្រូប ។ លុះចុះមកដល់ក្រោមប្រជាពលរដ្ឋ និងសមត្ថកិច្ចក៏បានចាប់បុរសនោះយកទៅប៉ុស្ដិ៍នគបាលភ្នំពេញថ្មីដើម្បីធ្វើការសាកសួរតែម្តង ។
បើតាមសមត្ថកិច្ចបានឲ្យដឹងថា បុរសដែលរត់ឡើងលើដំបូលផ្ទះគេនេះឈ្មោះ ស៊ីន សុភក្ដិ ភេទប្រុស អាយុ២៥ឆ្នាំ មុខរបរមេជាងថ្នាំបាញ់ផ្ទះ ស្នាក់នៅក្នុងការដ្ឋានម្ដុំផ្សារដីហុយ សង្កាត់ភ្នំពេញថ្មី ខណ្ខសែនសុខ មានស្រុកកំណើតនៅខេត្តកំពង់ឆ្នាំង ។
បើតាមសម្ដីសារភាពរបស់បុរសរូបនោះបានឲ្យដឹងថា មុនពេលកើតហេតុដោយសារតែមានម៉ូតូជាច្រើនគ្រឿងបានជិះដេញវៃគាត់ ហើយម៉ូតូរបស់គាត់អស់សាំងទើបគាត់រត់ឡើងលើផ្ទះគេតាមរន្ទាធ្វើផ្ទះដែលគេដាក់ជិតនោះ លុះពេលឃើញមនុស្សច្រើនមកព័ទ្ធរូបគេនៅខាងក្រោមពេញ ធ្វើឲ្យគេភ័យមិនហ៊ានចុះមកក្រោម ។
បើតាមការសួរនាំចុះឡើងៗទៅបុរសខាងលើសង្ស័យថាបែកថ្នាំផង ព្រោះគេបានសារភាពថា រូបគេបានជក់គ្រឿងញៀនតាំងពីព្រឹកម្ដងរួចមកហើយ ។
ក្រោយពេលសួរនាំរួច សមត្ថកិច្ចបានធ្វើការអប់រំ និងទាក់ទងសាច់ញាតិឲ្យមកធានាបុរសម្នាក់នោះឲ្យត្រលប់ទៅផ្ទះវិញទៅ ៕
ប្រភព៖ កោះសន្តិភាព
ក្រឡេកទៅមើលព័ត៌មានកម្សាន្ត គួរឲ្យចាប់អារម្មណ៍មួយផ្សេងទៀត៖
ស្វាមី ខៀវ សានសាណា ហេតុតែស្រលាញ់ប្រពន្ធ ព្យាយាមផ្ញើសារញ៉ែប្រពន្ធ សរសេរជាអក្សរខ្មែរ!
ភ្នំពេញ៖ ពិធីការីនីរាងតូចច្រឡឹង ពូកែខាងវោហារសព្ទ អ្នកនាង ខៀវ សានសាណា បន្ទាប់ពីបានរៀបអាពាហ៍ពិពាហ៍ជាមួយនឹងស្វាមីទី២ ដែលត្រូវបានគេស្គាល់ថាជាជនជាតិ អូស្រ្តាលី ឈ្មោះលោក Seraj Sutton ជាសមាជិកឯករាជ្យ របស់ក្រុមហ៊ុន «Herbalife Cambodia» មក គេសង្កេតឃើញថា ជីវិតគូស្វាមីភរិយា របស់អ្នកទាំងពីរ ពិតជាផ្អែមល្អែម និងមានសុភមង្គលខ្លាំងមែនទែន។
ជាក់ស្តែង ក៏ដូចជាថ្មីៗនេះ អ្នកនាង ខៀវ សានសាណា បានបង្ហោះរូបថតScreenshot មួយសន្លឹក ដែលបានថតទុក ពេលនាងកំពុងផ្ញើសារឆ្លងឆ្លើយជាមួយនឹង ស្វាមីរបស់នាង។ នេះបើយោងតាមរូបថតសារខាងក្រោមនេះ យើងអាចដឹងបានថា លោក Seraj Sutton ពិតជាស្រលាញ់ភរិយាខ្លាំងណាស់ រហូតព្យាយាមសរសេរសារជាអក្សរខ្មែរ ដើម្បីចង់ផ្អែមល្អែមជាមួយនឹងភរិយា និងបង្ហាញពីភាពរលឹកដែលលោក មិនបានជួបមុខភរិយារបស់លោកមួយរយៈ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
