(ពោធិ៍សាត់)៖ ជនសង្ស័យម្នាក់ទើបចេញពីមណ្ឌលបន្សាបគ្រឿងញៀន ឈ្លោះគ្នាជាមួយគ្នាជិតខាងដុតផ្ទះខ្លួនឯងចោល ឆេះខ្ទេចគ្មានសល់។ហេតុការណ៍នេះ កើតឡើងនៅម៉ោងប្រមាណជិត៨យប់ ថ្ងៃទី១២ ខែមករា ឆ្នាំ២០១៧នេះ ស្ថិតក្នុងភូមិកណ្តាល ឃុំក្បាលត្រាច ស្រុកក្រគរ ខេត្តពោធិ៍សាត់។
មន្ដ្រីនគរបាលមូលដ្ឋានបានឲ្យដឹងថា ជនសង្ស័យឈ្មោះ ជឿន សាវង់ អាយុ២២ឆ្នាំ ឪពុកឈ្មោះ ជិន ចាន់ណា អាយុ៤៧ឆ្នាំ និងម្តាយឈ្មោះ យស់ ណែម អាយុ៤៣ឆ្នាំ។
នគរបាលថា មូលហេតុដែលនាំឲ្យជនសង្ស័យដុតផ្ទះបែបនេះ ដោយសារផឹកស្រាវឹងហើយឈ្លោះជាមួយគ្នាជិតខាង ក៏ដុតផ្ទះខ្លូនឯងដោយតែម្ដង។ ផ្ទះរងការខូចខាតស្រុងនេះ មានទំហំ៥ម៉ែត្រ គុណ៧ម៉ែត្រ ដំបូលប្រក់ស័ង្កសី ជញ្ជាំងស្លឹក និងសម្ភារៈមួយចំនួនទៀត។
ក្រោយកើតហេតុជនសង្ស័យត្រូវបានកម្លាំងនគរបាលឃាត់ខ្លួនបញ្ជូនទៅ អធិការដ្ឋាននគរបាលស្រុក ដើម្បីចាត់ការបន្ដ៕
ប្រភព៖ Fresh News
ដោយឡែកព័ត៌មានគួរឲ្យចាប់អារម្មណ៍មួយផ្សេងទៀត៖ ព្រះសង្ឃខ្លាច រហូតហៅអ្នកកាសែតឱ្យជួយ...!
មានការផ្ទុះការតវ៉ាមួយកើតឡើង កាលពីព្រឹកថ្ងៃទី១១ មករា ស្ថិតនៅវត្ត «ព្រះធាតុឆ្វេង» ក្នុងភូមិសន្ទៃ ឃុំពង្រ ស្រុករលាប្អៀរ ដោយសារតែព្រះសង្ឃក្នុងវត្តបានចោទព្រះគ្រូចៅអធិការវត្តថា បានបណ្តេញព្រះសង្ឃ៥អង្គចេញពីវត្ត ហើយបើពិតជាដេញព្រះសង្ឃ៥អង្គនេះចេញពីវត្តមែន ព្រះសង្ឃក្នុងវត្តប្រមាណ១០អង្គទៀត ក៏នឹងនិមន្តចេញពីវត្តដូចគ្នាដែរ ។
ដោយសារតែបែបនេះហើយ ទើបក្រុមព្រះសង្ឃមានការភ័យខ្លាច បានទូរសព្ទ័ហៅអ្នកកាសែតឱ្យជួយ ។ បន្ទាប់មក ក្រុមអ្នកសារព័ត៌មានមួយក្រុមរូមនិងអាជ្ញាធរមូលដ្ឋានមន្ត្រីសង្ឃរូមនិងមន្ទីរធម្មការខេត្តផងបានទៅវត្តជាកន្លែងកើតអធិករ។
ព្រះសង្ឃព្រះនាម វណ្ណ ចាន់ណា មានថេរដិការថា «អាត្មាបានឮ ញោមអុំអាត្មាថា ព្រះគ្រូចៅអធិការវត្ត «ព្រះធាតុ» ព្រះនាម ហុក សំអុន មានគម្រោងដេញអាត្មាចេញពីវត្ត ។ បន្ទាប់មក អាត្មាបានទៅសុំព្រះគ្រូចៅអធិការចេញពីវត្ត មុនពេលព្រះគ្រូចៅអធិការដេញនាំខ្មាស់គេ ។
នៅព្រឹកថ្ងៃទី១១ មករា នោះ ព្រះគ្រូចៅធិការវត្តបានឱ្យគេយកឆាយ៉ាមកឱ្យអាត្មា ។ ពេលចេញផុតពីកុដ្ឋបានបន្តិច ស្រាប់តែឮ គណៈកម្មការចោទថា អាត្មាជាអ្នកបំប៉បំប៉ោងឱ្យព្រះសង្ឃចេញតាមដែរ ដែលពាក្យនេះ ក្នុងធម៌វិន័យសង្ឃស្មើនឹងបរាជិក ត្រូវបកស្បង់ជីវរ បណ្តេញចេញពីវត្ត ដោយសារតែភ័យខ្លាចការផ្សឹក ដោយគ្មានកំហុសបែបនេះហើយ ទើបអាត្មាទូរស័ព្ទទៅញោម ជាឪពុកធំឈ្មោះពីន សារីម ជាសមាជិកគណៈកម្មការវត្ត ឱ្យជួយនិងហៅក្រុមអ្នកសារព័ត៌មានមកដែរ ព្រោះខ្លាចមានការចាប់ផ្សឹក ដោយគ្មានកំហុស ។
បន្ទាប់ពីមានក្រុមអ្នកសារព័ត៌មាន អាជ្ញាធរមូលដ្ឋាន មន្ត្រីសង្ឃ និងប្រធានមន្ទីរធម្មការខេត្តបានមកដល់ហើយ ព្រោះគ្រូចៅអធិការវត្តព្រះនាម ហុក សំអុន បានមានថេរដិការថា អាត្មាមិនបានដេញសង្ឃអង្គណាចេញពីវត្តទេ គឺមានតែសង្ឃព្រះនាម វណ្ណ ចាន់ណា មួយអង្គប៉ុណ្ណោះ ដែលមកសុំអាត្មាចេញពីវត្តដោយអង្គឯង ។ តែអាត្មា គ្រាន់តែបានប្រាប់ព្រះសង្ឃទាំងអស់ រួមទាំងចៅអាត្មាបង្កើតអាត្មាពីរអង្គផងត្រូវខំធ្វើការហើយបើនៅតែផ្គើនទៀតអាត្មាអត់ទុកទេ ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]