ព្រៃផ្សៃណាស់! រុញស្ត្រីពិការចូលផ្លូវរថភ្លើងហើយ យកដុំថ្មសំពងក្បាលទៀត...! (មានវីដេអូ)

ប៉ូឡូញ៖ ឃ្លីបវីដេអូមួយ មានរយៈពេលប្រមាណជាង ១នាទីដែលបានដកស្រង់ចេញពីកាមេរ៉ាCCTV បានបង្ហាញពីសកម្មភាពដ៏សាហាវយង់ឃ្នងរបស់បុរសម្នាក់ រុញរទេះរបស់ស្រី្តវ័យចំណាស់ម្នាក់ ឲ្យធ្លាក់ចូលទៅក្នុងគន្លងផ្លូវរថភ្លើង មុនពេលចាប់ផ្តើមទាញដុំថ្មមកវាយសំពងលើស្ត្រីរងគ្រោះយ៉ាងកំរោលថែមទៀត។

ហេតុការណ៍មួយនេះបានកើតឡើងនៅស្ថានីយ៍រថភ្លើងមួយកន្លែង ក្នុងទីក្រុង Leszno ភាគពាយ័ព្យនៃប្រទេសប៉ូឡូញ។ ដំបូងឡើយស្រ្តីរងគ្រោះ ដែលមានអាយុ៧២ឆ្នាំរូបនោះ បានជិះរថភ្លើងក្នុងគោលដៅ ដើម្បីទៅជួបគ្រូពេទ្យតាមការណាត់ជួប។ បន្ទាប់ពីចុះពីរថភ្លើងជើងទីមួយ ដើម្បីឈប់ចាំខ្សែរថភ្លើងបន្ទាប់ ស្ត្រីរងគ្រោះក៏បានជួបនឹងបុរសវ័យ ៣៣ឆ្នាំម្នាក់មិនត្រូវបានស្គាល់អត្តសញ្ញាណ  ក៏បានចូលមកជួយស្ត្រីវ័យចំណាស់រូបនោះទៅកាន់កន្លែងរង់ចាំរថភ្លើងមួយខ្សែទៀត។

ស្រាប់តែមិនដឹងថាមានរឿងអ្វីកើតឡើងនោះទេ បុរសដែលជាជនលើ្មសបានរុញរទេះស្រ្តីរងគ្រោះទម្លាក់ចូលទៅក្នុងគន្លងផ្លូវរថភ្លើង ហើយហក់តាមពីក្រោយ ព្រមទាំងទាញយកដុំថ្មមកវាយសំពងក្បាលស្ត្រីរងគ្រោះយ៉ាងព្រៃផ្សៃបំផុត។

បន្ទាប់មកក៏មានអ្នកដំណើរដទៃទៀតចូលទៅឃាត់។​ ស្ត្រីរងគ្រោះត្រូវបានបញ្ជូនទៅមន្ទីរពេទ្យ ខណៈដែលគាត់រងរបួសក្បាលយ៉ាងធ្ងន់ធ្ងរ ព្រមទាំងបាក់ឆ្អឹងជំនីថែមទៀតផង។

ជនល្មើសត្រូវបានឃាត់ខ្លួន និងត្រូវបានចោទប្រកាន់ពីបទប៉ុនប៉ងមនុស្សឃាត ប៉ុន្ដែក្នុងខណៈពេលនេះ មន្ត្រីមានសមត្ថកិច្ចកំពុងស្វែងរកថា បុរសនោះមានបញ្ហាសសៃប្រសាទដែរឬយ៉ាងណា៕

ដោយឡែកព័ត៌មានគួរឲ្យចាប់អារម្មណ៍មួយផ្សេងទៀត៖ ផ្អើលពេញផ្ទះ! កំពុងតែរៀបចំបុណ្យសពឪពុកស្លាប់ ស្រាប់តែឭសម្លេងចេញពីមឈូស

ចិន៖ ក្រុមគ្រួសារជនជាតិចិនមួយ មានការភ្ញាក់ផ្អើលយ៉ាងខ្លាំង នៅពេលដែលពួកគេបានឮសម្លេងឪពុករបស់ខ្លួន គោះពីខាងក្នុងមឈូស ខណៈដែលពួកគេគិតថា គាត់បានស្លាប់បាត់ទៅហើយ។

សមាជិកគ្រួសាររបស់លោកតា វ័យ៧៥ឆ្នាំ ដែលបាននាំគ្នារៀបចំពិធីបុណ្យសពឲ្យគាត់បាននិយាយថា ពួកគេប្រញាប់ប្រញ៉ាល់នាំគ្នារត់ទៅបើកគម្របក្តារមឈូសភ្លាមៗ បន្ទាប់ពីឮសម្លេង។ បន្ទាប់ពីបានភ្ញាក់មកវិញ បុរសចំណាស់ជាឪពុក បានសួរកូនប្រុសរបស់គាត់ ដែលកំពុងតែភាំងភ្លឹកថា “មានរឿងអីកើតឡើង?”។

ប្រភពព័ត៌មានបានឲ្យដឹងថា បុរសចំណាស់រូបនេះ ត្រូវបានគេគិតថាស្លាប់អស់រយៈពេលជាង៨ម៉ោងទៅហើយ ទើបក្រុមគ្រួសាររបស់គាត់ បានរៀបចំពិធីបុណ្យសពឡើង។

ហេតុការណ៍នេះ ត្រូវគេដឹងថាបានកើតឡើងនៅភូមិ Yujing ខេត្ត ស៊ីឈួន កាលពីល្ងាចថ្ងៃទី០៨ ខែមករា ឆ្នាំ២០១៧។ លោក Huang Mingquan ដែលជាកូនប្រុស បានឲ្យដឹងថា មឈូសនោះ បានបើកចំហរប្រហែលជា៥ស.ម នៅពេលដែលឪពុករបសលោកបានដឹងខ្លួន និងខំប្រឹងរើបម្រាស់នៅក្នុងនោះ។

យោងតាមសម្តីបុរសម្នាក់ដែលរស់នៅក្នុងភូមិកើតហេតុបានឲ្យដឹងថា បុរសចំណាស់ជាឪពុកនេះ មានជំងឺមហារីកបំពង់អាហារជាយូរណាស់មកហើយ ហើយកាលពីព្រឹកថ្ងៃអាទិត្យសប្តាហ៍មុន គាត់បានដាច់ខ្យល់ មិនដកដង្ហើមទាល់តែសោះ ហើយរាងកាយប្រែជាត្រជាក់ និងមិនកម្រើកទាល់តែសោះ។ បន្ទាប់ពីមានរឿងបែបនេះ ទើបពួកគេគិតថា គាត់បានស្លាប់បាត់ទៅហើយ ក៏រៀបចំពិធីបុណ្យសពតែម្តងទៅ។

រយៈពេលជាង២ម៉ោងក្រោយ ពេលគិតថាគាត់បានស្លាប់ រាងកាយរបស់លោកតានេះ ត្រូវបានគេដាក់ចូលក្នុងមឈូស ប៉ុន្តែនៅម៉ោងប្រមាណជា ៥ល្ងាចពួកគេក៏បានឮសម្លេងចេញពីក្តារមឈូសវិញ។

បច្ចុប្បន្នលោកតា កំពុងតែដេកសម្រាកនៅក្នុងផ្ទះរបស់គាត់ ហើយស្ថានភាពរបស់គាត់ត្រូវបានគេរាយការណ៍ថាស្ថិតក្នុងលក្ខខណ្ឌមួយ ដែលមានស្ថេរភាពនិងអាចឆ្លើយតបទៅនឹងសំណួររបស់អ្នកដទៃបានទៀតផង៕ 

• វីដេអូ