(បាត់ដំបង)៖ កម្លាំងសមត្ថកិច្ចស្រុករុក្ខគីរី ខេត្តបាត់ដំបង នៅព្រឹកថ្ងៃទី១២ ខែមករា ឆ្នាំ២០១៧នេះ បានបញ្ជូនខ្លួនជនសង្ស័យម្នាក់ទៅតុលាការខេត្ត ពីបទហិង្សាមានស្ថានទម្ងន់ទោស បន្ទាប់ពីបានយកដំបងជ្រុង វាយទៅលើជនរងគ្រោះ កាលពីថ្ងៃទី១០ ខែមករា ឆ្នាំ២០១៧ នៅចំណុចអូររំចេក ស្ថិតនៅភូមិបាសាក់ ឃុំបាសាក់ ស្រុករុក្ខគិរី។
សមត្ថកិច្ចមូលដ្ឋានបានឲ្យដឹងថា នៅវេលាម៉ោង ៩៖៣០នាទី ថ្ងៃទី១០ ខែមករា ឆ្នាំ២០១៧ ជនសង្ស័យឈ្មោះ ឃឿន ឃីម អាយុ២១ឆ្នាំ រស់នៅភូមិបាសាក់ ឃុំបាសាក់ និងបក្ខពួក បានយកដំបងឈើវាយទៅលើជនរងគ្រោះ ឈ្មោះ ឡោត លឿត អាយុ៤៧ឆ្នាំ រស់នៅភូមិឃុំជាមួយគ្នា បណ្តាលរបួសធ្ងន់។ តែក្រោយមក ខណៈពេលក្រុមជនសង្ស័យកំពុងរាំបាស់ បក្ខពួកជនរងគ្រោះមួយក្រុម បាននាំគ្នាជិះគោយន្តទៅដល់កន្លែងរាំ ក៏ស្ទុះវាយគ្នាសងសឹកវិញ។
សមត្ថកិច្ចបានបន្តថា បន្ទាប់ពីកើតហេតុហើយ អ្នកភូមិក៏បានចាប់ឃាត់ខ្លួនជនដៃដល់ ទុកប្រគល់ឲ្យសមត្ថកិច្ច នាំយកទៅធ្វើការសាកសួរ។ ចំណែកជនរងគ្រោះ បានដឹកទៅព្យាបាលនៅមន្ទីពេទ្យស្រុកមោងឫស្សី ភ្លាមៗដែរ។
ជនសង្ស័យបានសារភាពថា ខ្លួនពិតជាបានយកដំបងឈើវាយទៅលើជនរងគ្រោះពិតប្រាកដមែន ដោយសារខ្លួនស្រវឹង និងសងសឹកគំនុំចាស់ផង។ បន្ទាប់ពីជនសង្ស័យបានសារភាពរួចហើយ សមត្ថកិច្ចជំនាញបានកសាងសំណុំរឿង បញ្ជូនខ្លួនទៅតុលាការខេត្ត នៅព្រឹកថ្ងៃទី១២ ខែមករា ឆ្នាំ២០១៧នេះ ដើម្បីចាត់ការតាមច្បាប់តែម្ដង៕
ប្រភព៖ Fresh News
ដោយឡែកព័ត៌មានគួរឲ្យចាប់អារម្មណ៍មួយផ្សេងទៀត៖ នាំគ្នារត់ទៅជួយ! ក្រោយឮសម្រែកស្ត្រីមានផ្ទៃពោះ...
នគរបាលប៉ុស្តិ៍ទំនប់ទឹក ឃាត់ខ្លួនជនសង្ស័យ ឆក់ទូរស័ព្ទម្នាក់ ក្នុងចំណោមបក្សពួក២នាក់ ក្រោយធ្វើសកម្មភាព ឆក់ពីស្ត្រីមានផ្ទៃពោះម្នាក់ ខណៈកំពុងតែជិះម៉ូតូតាមផ្លូវម្នាក់ឯង ទៅផ្ទះនៅម្តុំផ្សាដើមគរនោះ កើតឡើងកាលពីវេលាម៉ោង១០ព្រឹក ថ្ងៃទី១១ មករា ស្ថិតនៅចំណុចមុខផ្ទះលេខ១៦៨ ផ្លូវព្រះមុនីរ៉េត ក្រុម២៧ ភូមិ៤ សង្កាត់ទំនប់ទឹក ខណ្ឌចំការមន។
ជនសង្ស័យដែលឃាត់ខ្លួនឈ្មោះរិទ្ធ វីរ៉ាត់ អាយុ២០ឆ្នាំ ស្នាក់នៅផ្ទះជួល គ្មានលេខ ផ្លូវលំ ក្នុងភូមិរន្ទះបាញ់ សង្កាត់ទន្លេសាក់ ខណ្ឌចំការមន រាជធានីភ្នំពេញ ។ រីឯស្ត្រីរងគ្រោះឈ្មោះជា សុភាវី អាយុ៣៥ឆ្នាំ ជាអ្នកលក់ដូរ ស្នាក់នៅផ្ទះលេខ៥AZ ផ្លូវលេខ ២២៦ សង្កាត់ផ្សារដើមគរ ខណ្ឌទួលគោក ។
មុនពេលកើតហេតុ ស្ត្រីរងគ្រោះជិះម៉ូតូម៉ាកស្គូពី ពណ៌.ស ពាក់ស្លាកលេខភ្នំពេញ១AZ-៧២៥២មួយគ្រឿង មកពីកន្លែងលក់ដូរនៅម្តុំព្រៃ.ស ក្នុងគោលបំណងទៅផ្ទះ ដោយទុកទូរស័ព្ទដៃចំនួនពីរគ្រឿង(ម៉ាកសាំស៊ុងមួយគ្រឿង និងអាយហ្វូនមួយគ្រឿង)នៅក្នុងឃ្លុបម៉ូតូខាងមុខ ។
ប្រភពដែលបន្តថា លុះមកដល់ចំណុចខាងលើ ក៏លេចមុខក្រុមជនសង្ស័យចំនួន២នាក់ ជិះម៉ូតូមួយគ្រឿងមកក្បែរឆក់យកទូរស័ព្ទនោះ ត្រូវស្ត្រីរងគ្រោះស្រែកឆោឡោឡើងថា«ចោរៗ» ក៏មានការភ្ញាក់ផ្អើល ទៅដល់អ្នកដំណើរតាមផ្លូវ ជួយដេញចាប់ខ្លួនបានម្នាក់ភ្លាមៗ ប្រគល់អោយនគរបាលប៉ុស្តិ៍ និងម្នាក់ទៀតឈ្មោះរក្ស បានជិះម៉ូតូនិងយកទូរស័ព្ទជិះរត់គេចខ្លួនបាត់ស្រមោល។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
